بتحبوهم على اييييه يا حسرة

[مجهول]

عايزة أسأل سؤال لكل عضو و عضوة في المنتدى الأكثر من رااااائع دة

انتوا بتحبو ااااااايه في المسلسلات التركية ؟؟؟؟؟

بصراحة انا إجاباتي مقنعة جدا وهي كالتالي :

1- انا معنديش استعداد ان انا أتفرج على مسلسل بيقعد 180 حلقة تقريبا .
" بيتذاع في بداية السنة و لحد نص السنة هووووب خلص المسلسل و في نص السنة التانية يتعااااد "

2- الشخصية الملقبة بمهند ، دة إنسان نص بنات العرب تعلقوا بيه ليه ؟؟؟ لإنه شكله حلو بسسسس !!!

3- المسلسلات دي بتفتقر للقيم الدينية و الأخلاقية ، يعني فيها حاجات مش كويسة لناس في سننا .

4- مسلسل زي مسلسل ميرنا و خليل ، المسلسل دة اتضمن في أول حلقاته ان ميرنا هربت مع خليل من بيت اهلها في ألمانيا و راحت تركيا و باتت لوحدها في بنسيون ........ إلخ .
" يعني دي قيم و أخلاق نتعلمها منهم ؟؟؟؟ ردوا عليا "

تقريبا انا بكره المسلسلات دي ، نص اللي أعرفهم بيتفرجوا عليها و حاولوا انهم يأثروا فيا بس انا رفضت و بشدة .

انا مانكرش ان انا كنت بجد بجد مشدودة للمسلسلات دي و بعدين انا اقتنعت ان المسلسلات دي اساسا مش هاستفيد منها

و انا كنت باتفرج عليها و لقيت المستوى الدراسي بتاعي بدأ يقل ، فرفضت و قاطعت التلفزيون لحد م اخلص السنة و

رجعت لمستوايا الدراسي تاني ، دي نصيحة مني ليكو ، ابعدوا عن المسلسلات دي

و تعرفوا ان في وحدة في السعودية اطلقت علشان كان بتعشق مهند ؟؟؟

فكروا في الموضوع دة كويس و وروني الردود ، و انا مستعدة لاي نقد من الأعضاء..

و دمتم سالمين !!

[ملكة القلوووب]

انا معاااااااكي
في نقاااط كثيره
وزي ما قلتي مسلسلات التركيه بتأثر بحياتنا
بشكل كبييييييير
وانا زيك بستغرب البنات إللي بيحبوا مهند بالشكل ده
هو شكله مش حلووو لدرجه إللي تخليهم مجنونين بيه
لدرجة انه بعض الحريم بيخربوا بيوتهم !!!
انا مبنكرش انا بتفرج على المسلسلات التركيه بس ما اقتدي بهم

يسلموووووا

[ELgeneral gEmY]

	عندك حق فعلا انا مثلاا اهوا عارفانى عرفا بقا اختى الرخمه دى عارفاها الى بتيجى عندنا دى اهى هيا دى بقا تبقا اختى ههههههههههههههههههههههههههه لا بجد انا اختى كانت متعلقا بالمسلسل جدا جدا جدا لدرجه ان انا كنت بتنرفز من تركيزها جدا فى المسلسل هيا وامى كنت احب اعندها اطفى التلفيزيون بعيد عنك ما اشوفش النور تانى غير بكره كنت اكل علقا مخدهاش حمار فى مطلع هههههههههههههههههههههههههههههههههههههههههه بجد عندك حق انا زات نفسى قلت فى مره كده اما اقعد اتفرج على حلقا كده اشوف الى شديدهم فيه بينى وبينك اتعديت منهم بقيت اقعد اتفرج معاهم وفى الهايا المسلسل خلص ومهند ما اتجوزش نور ولا ميسون اتجوزت البتاع وعاشو فى صبيان وبنات وخلفو تبات ونبات بس وخلص

[مجهول]

و الله معاكو حق في كل الكلام اللي بتقولوه

و البنات بيبقوا مركزين اووووي فعلا بس انا مش منهم !!!!!

[فــووق الشــووك]

بصراحه انا معااكي في نفس السؤال ليه يعني دا حاجه ممله جدا

[مجهول]

حاجة مملة ؟؟؟ واو حد شافكو في البيت ، لو حد قلب على المسلسل أييا كان نهاره اسود و مطلعش عليه صبح

مش كدة و الا انا باتكلم غلط

[بلدنا في القلوب متشاله]

انا عن نفسي مش بتفرج على المسلسلات التركيه خاااالص
وفي ناس كتييير فعلا بيتفرجو عليها بس اصلا ولا بهتم بيها ولا بركز في اي حاااجه
وانا معاكي طبعا في الموضوع ده
لان مش هنستفيد مها اصلا
مرسي يا قمر

[مان مصر]

والله انتى سبقتينى علشان انشغالى بشغلى اليومين
الى فاتوا بس كنت ناوى اكتب نفس الموضوع ده
لانه مستفذ جدا وانا مخنوق منه اوى كل ما اكلم زميل
يقولى مسلسل جامد اسمه كذا
ربنا يشفى ده زى الادمان
يسلموووووووو على الموضوع الرائع ده

[مجهول]

الموضوع اجتماعي مهم و لازم كلنا نقف ضده لان المسلسلات دي بجد خنقتني و مش قادرة استحمل

العيال اللي عندها خمس سنين في الحضانة بيموتوا في مهند و اخواته الممثلين التانيين