مجرد احساس فــ لحظة جنون

[تامر العدوى]

مجرد إحساس في لحظة جنون



لما حبيتك وعشقتك وهويتك


في عينيك شفت احلامي


وبين إيديك نسيت حزني وآلامي


وبكلمة بحبك لقيت الدنيا عيد


وإتولد جوايا إحساس جديد


لكن برجع وأقول دا يمكن يكون


مجرد إحساس في لحظة جنون

بنظره مشاعري راحت ليك


وبورده حمرا إرتبطت بيك


لما تزعلني كنت بشكيلها


ولما بشتقلك كنت بحكيلها


وأحس إن الورده بتسافر ليك


وترجع وتطمن قلبي عليك


لكن برجع وأقول دا يمكن يكون


مجرد إحساس في لحظة جنون



كنت بتخيل وأتخيل


لحد ما الدنيا تليُل


واشوف القمر آلاقي صورتك بضياه


ونجمه في السما كاتبه إسمك جواه


وأسرح وفكري يروح لبعيد


وأحس إن قلبي جوايا سعيد


لكن برجع وأقول دا يمكن يكون


مجرد إحساس في لحظة جنون



ومرت أيام والنوم مفارق عيني


صابر يمكن في يوم تجيني


ويكون لقائنا من غير ميعاد


ونطفي في قلوبنا شوق البعاد


وأحس إن الدنيا بتقسى عليا


وأقول برجوعك هتصفى ليا


لكن برجع وأقول دا يمكن يكون


مجرد إحساس في لحظة جنون



وفرقتنا أيام وليالي وسنين


وكل يوم بيكبر جوايا الحنين


حنين لعمرنا وحبنا وهوانا


في لحظة وداعنا وفي لحظة لقائنا


عمري ما إتصورت إن الدنيا ديه


تدخلني دنيا الغرام مجرد ضحيه


وآلاقي قلبي بيلومني بعتاب


لحب حبيته وأصبح سراب


لكن برجع وأقول حبي ليك لا يمكن يكون


مجرد إحساس في لحظة جنون

[روح الروح]

كلمات جميله لايكتبها

الا قلب مفعم بالاحاسيس الجميلة

دام نبض قلمك الراع

روح الروح

[♥Donya♥]

تسلمي ع الكلمات الاكثر من رائعه
تقبلي مروري
دنيا

[~®§§][][ سيد دندنة ][][§§®~]

احساس مرهف محمل بعطر الحب

انسجام تام للكلماتك الرقيقه

اشكرك سيدى على العزف الجميل

التى عزفته هون على مسرح الحياه

دومت

ودام عبير قلمك الماهر

[واد حبيب]

احلي احساس في اجمل كلمات

كلمات في قمه الجمال والروعه

تسلم يدك علي كل حرف من كلامك

تقبل مني كل احترام وتقدير

الحبيب