اول همساتى اليك (فيديو)

[احمد صلاح محمود]

أول همساتى اليك

قبلك
فى ألف متاهة مشيت
ول ألف خطوة وجع خطيت
وعمرى ما خدتنى أنة وانكسرت
ولا رفعت رايتى بيضا وانهزمت
وفى الصعب ضحكت ما اتهزيت
كنت واعى لنفسى كنت حويط
ما أنا طول عمرى يا حبيبتى عنيد
ول ألف بحر كما الفرسان عديت
لا عاتبت الحظ مرة ولا اشتكيت
وفى الحق صوتى عالى
وفى الحق عمرى ما اختشيت
وبعافر دايماً مع الزمن
ومفيش مرة بكيت
أصل أنا رجل قوى
والرجل نص ماله جدعنه
ونص ماله صيت
ووفرت للغالى دمعى
وأغلى منك ما لقيت
بس برضه مش ناوى أبكى
ولا أقول ياريت
أصل الست اللى تبكى راجلها
ما تستاهل تسكن له بيت
غربة طويلة عشتها
وبلاد ياما هجرتها
وعمرى قبلك ما غنيت
وحلمى فيكى كبير
حلمى ألاقى الراحة بعد الشقى
وانسى الحزن وأدوق الهوى
ف ماتردنيش للغربة من تانى
الغربة زى ما كاره كارهانى
ف خبينى فى حضنك الدافى
وسيبى الليل الساكن على كتافك
يتمايل على كتافى
ومن برد الغربة دراينى
ومن شهد سحرك اروينى
وبنظرة عينيك دواينى
وابنى لى ف حضنك بيت
يا أم الخدود ورد بلدى
و أم العيون حواديت

شعر أحمد صلاح محمود

[koky97]

كلمات اكثر من رووووووووووووووووووووعة

تسلم ايد

تحياتى لك

[واد حبيب]

كلمات في قمة الجمال والروعه

تسلم يدك وقلمك علي كلامك الجميل

ودي وتقديري لقلمك المبدع

تقبل مني كل احترام وتقدير

الحبيب

[شاعرة الرومانسيه]

رااااااااااااااااااااائع والله

عجزت حروفى عن مجارااااااااااااااااااااااة حروفك


بين السطور احساس دفين

بين الحروف شعور راااااااائع


همسااااااااااااات دافئه

لروح عاشقه

بالامل عالقه

تبعثرت حروفى على سطورك تائه

مابين السطور الف معنى ومعنى

رائع ماخطت اناملك


شاعرة الرومانسيه

[احمد صلاح محمود]

كل التحية والتقدير لكم