تقبل تكون جوز الست .. وانتى تقبلى تتجوزى واحد يكون عالة

[مريومتى]

السلام عليكم ورحمة الله وبركاته



الموضوع قديم لكنه متجدد ومتطور وبيختلف فى كل عصر عما قبله
من حيث الدوافع والاسباب
موضوع زواج فقير او غير مقتدر من سيدة تملك المال
وتقوم هى بدور المفروض انه دور الرجل
وهى ان تقوم بتولى مصروفات المنزل وطبعا الشقة وما الى غير ذلك

توافق لو انت مش عندك امكانية للزواج ان واحدة متيسرة الحال
تقوم بدورك وانت تبقى جوز الست
عن نفسى اوافق فى حالة واحدة وهى صعبة ..
الحالة دى انى اكون عندى القدرة والكفاءة على ادارة اعمالها
ومن مقابل ده اصرف على البيت من اكل وشرب وملبس ومصروفات اساسية
زى أى بيت
ولها مطلق الحرية من مالها تشترى ماشاءت وطبعا اكون امينا على أموالها
ولازم فى الاول عشان اوافق
انى أكون بحبها ... غير كدة مش حيكون فيه أى مبرر
لان لازم يكون فيه توافق اجتماعى طبعا

لكن المرفوض ان واحدة تملك الشقة وما الى ذلك
تتزوج من شاب لايملك شيئا على الاطلاق
وتقوم هى بالانفاق عليه ويكون هو زوج الست وعالة عليها ..
دى حالة لايقبلها أى رجل عنده كرامة
ولا تقبلها اى سيدة تريد ان تتزوج رجلا بمعنى الكلمة

تعالوا نتناقش وكل واحد يقول رايه
وكل واحدة تقول رايها

تقبل بالوضع ده انك تكون زوج الست ؟
تقبلى ان واحد يتجوزك وتقومى بالانفاق عليه ؟
حتى لو كان هناك حب

[همسات دافئة]

ميرسي اولا علي التوبيك النايس

ثانيا ارفض طبعا

الراجل يجب ان يكون هو الراعي في بيته


هو من يمتلك القوامة وهو من بيديه زمام الامري


انا افضله كذلك


ان يكون رجلا بمعني الكلمة


تسلمي


وتقبلي تحيتي

[الفراشه]

شكرا مريمتي على الموضوع الجميل دا
ودي قضيه متجدده دائما في مجتمعنا

بس انا من رائي ان الراجل هو الراجل والست هي الست
يعني مينفعش نقلب الموازين وتكون الست هي الراجل والعكس
حتى لو حكمت الظروف بكدا
اه هى ممكن تكون احسن منه في المستوى ومتيسره الحال عنه
لكن وقت زوجهم هما الاتنين بتصبح المرأه والرجل شئ واحد
ويعني معتقدش ان فيه ست هتقبل على زوجها انه يعيش عاله عليها
اكيد هتساعده لغايه ما يبقى احسن منها
او انها تخليه المتصرف في اموالها ولكن بحكمه وزنه عقل
ومننساش ان الجال قامون على النساء
والراجل اللي يرضى انه يعيش عاله على مراته سوري يعني
ميستحقش انه يكون راجل او تطلق عليه الكلمه دي
لانها كلمه لها رونق ومميزات خاصه وكلمه عاله بعيده كل البعد عنها

اما عن رائي فطبعا انه بان من اجبتي
وهى اني ارفض وبشده اني اتزوج شخص كدا
وبعدين هو انا متجوزاه ليه عشان انا اللي اصرف عليه
دانا متجوزاه عشان هو اللي يصرف عليا ههههههههههههه


تسلم ايدك يا قمر

تحيااتي

[مريومتى]

انا من رايكم فراشه وهمسات

ونورتونى وميرسي للمداخله

[Karamela]

موضوع موفق مريومتي واهلا بيكي ياقمر معايا

بالنسبة للموضوع الموضوع معقد حبتين ويختلف مابين شخص وتاني فاهمة

يعني شخص مش داخل على طمع وفعلا بيحبها زي مابيدعوا مع ان النسبة دي نسبة

واحد على واحد على واحد على مليون يعني بس في .. كده يبقى اوكيه من ناحية الراجل

لو لتجهنا للمرأة وكانت هي مراة متفهمة وعاقلة .. هتتفهم الموقف وتستوعبها

اما لو كانت مراة يعني .. مش قابلة الوضع فهيكون الزواج غير متكافئ على الاطلاااق !!

ودايما هتكون حاطة في دماغها موضوع انها اغنى منه وكده ده لو افترضنا ان الرجل مش داخل على

طمع اساسا وناوي يقلب الست ويخليها على بلاطة


ميريس ياقمر وبانتظار جديدك

[مريومتى]

كراميلا سعدت بوجود معايا

وسعدت بمشاركتك

نورتي