هل تتفقو معي فى الرأى ؟ الاعلام واتحاد كورة وحكام كلو كداب وجبان وكلو بينفع نفسو

[ღ Gի๐sτ ღ]

السلام عليكم ورحمه الله وبركاته

اولا

عارف ان اغلب الزملكاوية طلعو الكدبة ومصدقينها وهى مؤامرة ان كل الناس اهلاوية
اتحاد كورة اهلاوى واعلام اهلاوى وفيفا اهلاوى واتحاد افريقي اهلاوى وحكام اهلاوية والشغب اهلاوى وكل حاجة فى الدنيا اهلاوية وضد الزمالك

بس ياريت تشيلو المؤامرة دى من دماغكم اذا كانت موجودة لدى احد فيكم

------------------

فى السنين اللى فاتت

الاهلى فى مباريات كتير كسبها تحكيم , نعم والسبب ليس مجاملة للاهلى او ماشابة بس هاقولوكو السبب فى الاخر

الاعلام كان بيخاف يتكلم علي الاهلى وكان دايما يقطع فى الزمالك وماصدق لقى نادي زي الزمالك يشمت فية والى اخرة

اتحاد كورة كان جان واداءة غير ثابت وفى النهاية قراراتة اغلبها غلط واحيانا كانت تكون مع الاهلى


اما الان

الزمالك يكسب بالتحكيم , ايوة الزمالك دلوقتى هو اللى بيكسب بالتحكيم وكلنا شفنا مباراة المقاولون والمقاصة والاتحاد والاسماعيلى


الاعلام بيخاف يتكلم علي الزمالك دلوقتى وعمال يقطع فى الاهلى وماصدق لقى نادي زي الاهلى يشمت فية و.. الخ

اتحاد الكورة كالعادة اداءة غير ثابت وقرارات مترددة وفي النهاية اغلبها غلط واحيانا تكون مع الزمالك



فكيف الناس كلها من سنتين كانت مع الاهلى وضد الزمالك , والان الناس كلها مع الزمالك وضد الاهلى

فهل عرفتم السبب ؟


السبب ان كل هؤلاء جبناء وبيخافو وبيشترو نفسهم ويشترو القوى ويبقى حبيبهم والضعيف ييجو عليه

فهمتهم اكثر ؟


الان ابراهيم حسن وحسام حسن بياكلهم من اعلام وحكام واتحاد كورة والى اخرة , والنتيجة كلهم دلوقتى فى صالح ابراهيم حسن وحسام حسن

ومن سنتين كلهم كانو مع الاهلى والسبب ,وجود جوزية , لما كان بيطلع بنفس الحكاية وياكل اي حد يقف قدامة

ولايهمة ولا صحافة ولا اعلام ولا اتحاد كورة ويطلع يشاور بايدة لاي حد ويقلع الهدوم ويخرب الدنيا وكل الناس مكنتش بتفتح بقها



فدلوقتى بس انا فمهت القصة

كلهم جبناء , القوى يعيش بسبب خوف الاخرين منة زي التؤام وجوزية والغلبان يموت لانة طيب زي البدرى ودي كاستال

رغم انهم عملو طفرة فى اداء الاهلى او الزمالك مع بدايتهم خاصة فى فتح خط ناشئين علي اعلي مستوى سواء شهاب وشكرى وعفروتو ,, الخ من البدرى , او حازم امام وصبرى رحيل والمرغنى والخ من دي كاستال

فالحكاية خوف وجبن

وليس اهلاوى او زملكاوي او عدل

فهل تتفقو معي فى الرأى ؟؟؟؟؟؟؟

[بنت الجنوب]

اتفق معك فى كل ما كتبت
واختلف معك فى شئ واحد ان الاعلام كان بيخاف من جوزية
الاعلام كان بيهاجم جوزية وبشدة
واتحاد الكرة بيوقع عليه عقوبات كما لم توقع على مدرب من قبل
وده مش بيحصل من الاعلام ولا من اتحاد الكرة مع ابراهيم وحسام
الكل بيخاف منهم



الف شكر على المجهود

[ღ Gի๐sτ ღ]

ماهو الاعلام يهاجم جوزية لان جوزية كان بياكهلم واحد واحد
:d

واتحاد الكورة كان يعمل عليه كدة بس لان جوزية كان اجنبى وجوزية كان بيريح دماغه
بس لو جوزية مصرى او ليس عندة فكر الاحتراف كان ممكن يخنق اتحاد الكورة

[M@HMOUD]

كلامك صح
واكيد الاعلام بيعمل ده لمصلحتوا مش اكتر

[ღ Gի๐sτ ღ]

تسلمو علي المرور وانا فعلا عرفت ان البلد دي كل واحد همة مصلحتة