صديقتى نسيت نفسها ؟؟؟

[عذب المشاعر]

السلام عليكم ورحمة الله وبركاته ازيكم اخواتى فى المنتدى احب انكم تشاركونى وتقولولى ارائكم هتفيدنى جداا لانى محتاره اوى وجوايا عقلى بيردنى وقلبى بيحن ومش هطول عليكم وادخل فى الموضوع على طول الحكايه من اولها يابنوتات ان صحبتى نسيت نفسها متستغربوش لعنوان الموضوع . ايوا نسيت نفسها لما اتخطبت ونسيتنى يوم خطوبتها ومحبتش اشاركها فرحتها ؟ مع العلم ان بحبها اوى وبتمنى ليها الخير من كل قلبى بصو بقى هكمل الموضوع انا لما سمعت انها اتخطبت كلمتها فى الموبيل وباركتلها وقالتلى اما نتفق على ميعاد الخطوبه هجيلك واعزمك وقالتلى كمان انتى اول واحده هعزمك وبكره تشوفى قبل خطوبتها بيوم رنت عليه ومكلمتنيش ومعزمتنيش ولاحاجه زى ماقالت انا الصراحه بعدت عنها فى الوقت ده عشان اشوفها هتعمل ايه فوجئت يابنات يوم خطوبتها انها النهارده وعملتها عند خالتها قصاد شقتنا انا بصراحه زعلت وخدت على خاطرى منها لانى كنت بعتبرها اكتر من اختى ومن اللحظه دى حاولت ابعد عنها طبعا انا مش محتاجه عزومه لكن على الاقل تشاركنى معاها اما تجيب حاجه لخطوبتها ابقا معاها من قبلها لكن لللاسف ؟ وعلى كدا رنات كل يوم على الموبيل بس من غير زيارات ولاتسال عنى وعرفت انى واخده على خاطرى منها ومجتنيش برضو استنت اما اتقابلنى بالصدفه فى الشارع وقالتلى متزعلش دى كانت عملينها على الضيق وهعمل خطوبه كبيره وهجيلك واعزمك ومتزعليش عارفين كان رد فعلى ايه قولتلها انا مش زعلانه بس كنت احب ان اشاركك فرحتك وربنا يوفقك بس مخبيش عليكم انا من النهارده مش بعتبرها صديقه ليا بعتبرها حاجه تانيه غير الصداقه بعتبرها مثلا معرفه وخلاص عفوا ان طولت عليكم بس السؤال هنا تفتكرو هى اتصرفت صح كدا ولا لاء ؟ وانا كان رد فعلى الهادى ده كان صح ولا لاء ؟ وبعد كدا اعتبرها ايه بالنسبه ليا ؟ متبخلوش عليا بالردود ولكم الشكر.

[sosad]

شوفي يا عذب المشاعر ..دي بالفعل حاجة تضايق أي حد ...بس انتي برده التمسيلها العذر وفكري كام مرة اتزنقتي واضطريتي تعملي موقف مش اللي هو .... أكيد ليها عذرها يعني هي كانت حتعمل كده معاكي ليه مادام انتي صاحبتها وزي أختها.

الحاجة التانية : انتي افتكري مواقفها السابقة قبل الموقف ده ... هل كانت مواقف أخوية وكانت صاحبتك بجد ولا كانت دايما تصرفاتها معاكي مش مظبوطة....

لو كانت دايما مواقف كويسة وكانت دايما تعتبرك زي أختها يبقى موقف الخطوبة ده حالة استثنائية ومينفعش نحكم عليها بيه .. يعني متخليش الاستثناء هو القاعدة ... يعني أكيد فيه عذر زي النسيان أو الزنقة أو الإحراج من حاجة معينة مكانتش عايزاكي تعرفيها أو تشوفيها ...أو ... أو .... أو ...

أما لو كانت مواقفها قبل كده زي موقف الخطوبة فمعنى كده إنها لا هي صديقتك ولا يحزنون ... وتبقى دي صداقة من طرف واحد ،،،،، ومش معنى كده إنك تكرهيها ...لا أبدا ... بس معنى كده إنها لازم تكون بالنسبة ليكي زي ما انتي بالنسبة ليها .......وبصراحة حيبقى المشكلة عندك انتي لأنك اعتبرتيها صديقة وهي مش معتبراكي كده ( لإنها حرة في اللي تصاحبه واللي متصاحبهوش )


ده رأيي باختصار وياريت ميزعلكيش

sosad إخصائي اجتماعي وحلال العقد

[NOUR alsma]

خليلك أنت لا من قلت خلى .... وإن كثر التجمل والكلام .

[اتيتو]

shift@delete

[عذب المشاعر]

اقتباسالمشاركة الأصلية كتبت بواسطة sosadشوفي يا عذب المشاعر ..دي بالفعل حاجة تضايق أي حد ...بس انتي برده التمسيلها العذر وفكري كام مرة اتزنقتي واضطريتي تعملي موقف مش اللي هو .... أكيد ليها عذرها يعني هي كانت حتعمل كده معاكي ليه مادام انتي صاحبتها وزي أختها.

الحاجة التانية : انتي افتكري مواقفها السابقة قبل الموقف ده ... هل كانت مواقف أخوية وكانت صاحبتك بجد ولا كانت دايما تصرفاتها معاكي مش مظبوطة....

لو كانت دايما مواقف كويسة وكانت دايما تعتبرك زي أختها يبقى موقف الخطوبة ده حالة استثنائية ومينفعش نحكم عليها بيه .. يعني متخليش الاستثناء هو القاعدة ... يعني أكيد فيه عذر زي النسيان أو الزنقة أو الإحراج من حاجة معينة مكانتش عايزاكي تعرفيها أو تشوفيها ...أو ... أو .... أو ...

أما لو كانت مواقفها قبل كده زي موقف الخطوبة فمعنى كده إنها لا هي صديقتك ولا يحزنون ... وتبقى دي صداقة من طرف واحد ،،،،، ومش معنى كده إنك تكرهيها ...لا أبدا ... بس معنى كده إنها لازم تكون بالنسبة ليكي زي ما انتي بالنسبة ليها .......وبصراحة حيبقى المشكلة عندك انتي لأنك اعتبرتيها صديقة وهي مش معتبراكي كده ( لإنها حرة في اللي تصاحبه واللي متصاحبهوش )


ده رأيي باختصار وياريت ميزعلكيش

sosad إخصائي اجتماعي وحلال العقد
اولا اوجه شكرى على اهتمامك بالرد وبالمرور ثانيا على رايك المقنع الحازم وانا مش زعلانه ولاحاجه من صراحتك بالعكس انا كنت عايزه اوصل لراى صريح وجاد وبجد اشكرك للمره التانيه على اسلوبك الراقى المهذب تحياتى ودمت بخير وحظ موفق

[ڪــــبرياء الروح]

شوفي يا قمر
اولا نلتمس العذر ليها انا بعذرها وقت خطوبتها بتكون متوتره
مش فاضيه ابداا
يعني مشغل فستان وغيرها انتي عارفه

يمكن انشغلت عشان كدا ما عزمتك

هذا سبب
فيه بعض البنات بجد تخاف من العين على نفسها
مو جمال فلوس وغيره

لا
تلاقيها خافت من موضوع خطبتها يعني اعذريني الان يحسدوا الميت على الكفن
تلاقيها من النوع اللي بيخاف جدا على المواضيع اللي زي كدا
وهي معذوره

الاكيد
اللي باعك بيعيه
يعني ليش تشيلي على خاطرك عشانها ما عزمتك؟؟
يابنتي انبسطي وخليك فري

لا شوفي انتي خلي نفسك ثقيله
ههه عارفه كيف
خلاص اتصلي من بعيد لبعيد كلميها
لاتتعمقي معاها بالمواضيع
لاتساليها عن خطيبها
ابداا الا اذا اتكلمت فيه ومن وقتها اتكلمي وقفلي على الموضوع
بيني ان موضوع خطبتها مو مهم بالنسبه ليك



افضل لك


صداقتك مع اهلك والا الناس بتخليك محطه بحياتهم
ربما تكوني محطه الم بالنسه لهم
وبالتوفيق

[مشتاقه للجنه]

شئ مؤسف بس انتى شيلى من دماغك وعيشى حياتك

وبعدين عامل تعمل يعنى ان شاء الله لما تنخطبى لا تعزميها

واحسن تصرف اللى انتى عملته لا تورى لها انك زعلانه

وفى نفس الوقت وكن شئ لم يكن

[عذب المشاعر]

شكرا لمروركم واهتمامكم بالموضوع اسعدونى كثيرا

[عذب المشاعر]

اقتباسالمشاركة الأصلية كتبت بواسطة اساسے منبع احساسےشوفي يا قمر
اولا نلتمس العذر ليها انا بعذرها وقت خطوبتها بتكون متوتره
مش فاضيه ابداا
يعني مشغل فستان وغيرها انتي عارفه

يمكن انشغلت عشان كدا ما عزمتك

هذا سبب
فيه بعض البنات بجد تخاف من العين على نفسها
مو جمال فلوس وغيره

لا
تلاقيها خافت من موضوع خطبتها يعني اعذريني الان يحسدوا الميت على الكفن
تلاقيها من النوع اللي بيخاف جدا على المواضيع اللي زي كدا
وهي معذوره

الاكيد
اللي باعك بيعيه
يعني ليش تشيلي على خاطرك عشانها ما عزمتك؟؟
يابنتي انبسطي وخليك فري

لا شوفي انتي خلي نفسك ثقيله
ههه عارفه كيف
خلاص اتصلي من بعيد لبعيد كلميها
لاتتعمقي معاها بالمواضيع
لاتساليها عن خطيبها
ابداا الا اذا اتكلمت فيه ومن وقتها اتكلمي وقفلي على الموضوع
بيني ان موضوع خطبتها مو مهم بالنسبه ليك



افضل لك


صداقتك مع اهلك والا الناس بتخليك محطه بحياتهم
ربما تكوني محطه الم بالنسه لهم
وبالتوفيق
شكرا ليكى على اهتمامك بس هى عارفانى كويس ان بدع الخلق للخالق ومبشغلش بالى بحاجه اسمها حسد لامنى ولامن غيرى ومفتكرش انها بتفكر فى حاجه زى كدا مفيش حد بيتحسد وهو حامل القرءان ابدا تحياتى حبيبتىواشكرك للمره التانيه ونورتى الصفحه