هنفضل فاكرين بعض ولا ؟

[فيروزه]

بسم الله الرحمن الرحيم
السلام عليكم ورحمه الله وبركاته
ومساء الخير / صباح الخير
علي حسب ما تشوفو الموضوع

هبتدي موضوعي بسؤال
هنسيب المنتدي امتى؟؟؟

اتعلقنا بناس تقريبا مش شوفناهم ولا تعاملنا معاهم غير من وراء شاشه

وممكن فينا الي اتعرفو اكتر عن طرق الاتصااال سواء ميل فون

بس سؤالي هو انت ناوي /ه تسيب المنتدي امتى؟

طيب ولما تسيبه ياتري هترجع تاني ولا مش ناااوي ؟


وياتري الناس الي سابت المنتدي لسه فاكرين صحبهم الي هنا ولا لا ؟


وهو لسه حد فينا هنا علي علاقه بنااس مشيت من هنااا ؟



موضوعي مش جديد
بس كل حد فينا يسال سؤال لنفسه هو انا لو سيبت المنتدي هتفتكروني ولا ايه ؟


احب اسمع اراء الجميع من غير اساله لو عايزين

فيروز:cv24:

[دمعه حائره]

أسئله صعبه وغريبه عمرها
ماخطرت على بالى
وليه نسيب المنتدى اصلا طالما
مرتاحين فيه وبنعبر عن رائينا
لكن ممكن بعض الاعضاء ظروفهم
تخليهم يسبوا المنتدى فتره
لكن اكيد هايرجعوا تانى
والصداقه والزماله الصح عمرها ماتتنيسى
واكيد كل واحد فينا له ولوكلمه طيبه
أو اخلاقه كانت كريمه مع الغير
الناس هاتفتكروا بيها
وده اللى يأكد
ان العمل الصالح هوا اللى باقى
حتى لو الشخص اختفى
شكرا فيروزه موضوع رائع
تحياتى وودى
واتمنى تفتكرونى دايما وماتنسونى

[ولد السعوديه كول]

مشكوووووووووره علي الطرح الرائع
اما انا من ناحيتي ماراح اسيب المنتدي
الي المووووووووووووت
بعد عمر طويل

[محمد الشريف]

الأخت المتألقة / فيروزة

الوفاء من أبرز استمرار العلاقات الإنسانية الطيبة التى تظل عالقة بالذكرى

مهما تسببت الظروف فى التباعد فالمؤخاة الصادقة الخالصة لوجه الله الكريم

تعد بمثابة الميثاق القوى بين أطراف العلاقات الإنسانية لأرتكازها على الارتباط

والامتزاج والود والصفاء والإخلاص والتآلف الراسخ فى النفوس التى تجعل لتلك

العلاقات القداسة والصدارة الكامنة فى أعماق القلوب ولا يمسهها الزمن بطيها

فى عالم النسيان .

مع تقديرى

[اتيتو]

حلوة الاسئلة بصي اكيد هيكون فيه حنين لاي فترة الانسان عاشها وانا كنت بحضر توبيك بخصوص ده

انا لو سبت المنتدي اكيد مش هرجعله تاني بس اكيد هفتكر كل الناس اللي هنا حتي الوانهم هفتكرها

وهفتكر موضوعك ده d: لاني بحب المناطق الانسانية دي جدا

تسلم ايديكي فيروزة

[عذب المشاعر]

تسلمى حبيبتى على موضوعك لانه فى غاية الاهميه بس احب اطمنك ان اصحاب المنتدى مبتنسوش ابدا لانهم مش بس من وراء الشاشه لكن دى جزء من حياتنا مادامت فى مضمون الحب والوفاء والود ولوسيبت المنتدى هفضل فاكره اصحاب المنتدى حتى ولوكانت ذكرى عشان هى مرحله من مراحل العمر ومتتنسيش . تحياتى

[حياتي ذكريات]

السلام عليكم

الواحد لما هيسيب المنتدى لظروف خارجية او بإرادته
أو لأي سبب كان لو ليه بصمة خير الكل هيفتكره بيها
عموما الشخص الطيب في اي حاجه لو عمل معروف لغيره
بتعلق فيه طول العمر
طبقيها على نظام حياتك هقولك مثلا زميلات الدراسة اللي الواحد فارقهم
لما تفتكريهم بتوصفيهم بكلمة واحده
ممكن تقولي دي كانت طيبة ، ودي كانت أنانية ، دي مغرورة
وبجد حتى صديقات الطفولة من وانا في ابتدائي ممكن اكون ناسية
الشكل شوية بس بتكون فيه صفة معلقة عن فلانه !!
فالواحد يعمل الخير هيلاقي سمعه طيبة والواحد مش عايز اكتر من كده
وعلى فكرة فيه ناس سابت المنتدى كتير وكل ما بنفتكرهم بنحن لأيامهم
وندعلهم بالتوفيق والخير واي حد ليه بصمة حتى لو صغيرة مش بتتنسي
بين الصحاب وهنا احنا اكتر من صحاب ويعتبر بمثابة البيت التاني
فأي واحد بيكون ليه مكانة اكيد

شكرا ليكي على موضوعك الجميل
دمتي بخير

[~♥ Queen sozan♥~]

السلام عليكم ورحمة الله وبركاته


ناوي /ه تسيب المنتدي امتى؟
احتمال بعد عشرين يوم !!!!

ومهما بعدنا الوفاء فى قلوبنا
الوفاء انك تفتكرى المكان لى كانتى فية والناس لى اتعاملتى معاهم
لان دول فى ذاكرت حياتك
ناس اتعملتى معاهم سمعتيهم وسمعوكى
ناس فى الواقع حتى لو فيهم بعد الخيال
الوفاء انك تفتكرى
وانا عن نفسى بجد هفضل فاكرة عضو عضو وعضوة عضوة
هنا لان اعتقد انهم فى ذاكرة حياتى

تحياتى على موضوعك المميز

[زهرة النسرين]

كل من ساهم في استمراري


في فائدتي ولو بحرف


في اشراق ابتسامتي ولو للحظة


في التنفيس عن حزني ولو بدمعه


في قهقهتي ,,, بكائي ... اندهاشي


غروري .. تواضعي ,, حتى غضبي



له مني كل الود


ومهما باعدت بيننا الايام ساظل بذكراهم


وفي ذكراهم ,,,


ومهما غبت ساعود ,,,


ارجو فقط بالخير ان اذكر وسطهم جميعا


دمتِ بخير وود


اختك

نسمه

[فيروزه]

اقتباسالمشاركة الأصلية كتبت بواسطة دمعه حائرهأسئله صعبه وغريبه عمرها
ماخطرت على بالى
وليه نسيب المنتدى اصلا طالما
مرتاحين فيه وبنعبر عن رائينا
لكن ممكن بعض الاعضاء ظروفهم
تخليهم يسبوا المنتدى فتره
لكن اكيد هايرجعوا تانى
والصداقه والزماله الصح عمرها ماتتنيسى
واكيد كل واحد فينا له ولوكلمه طيبه
أو اخلاقه كانت كريمه مع الغير
الناس هاتفتكروا بيها
وده اللى يأكد
ان العمل الصالح هوا اللى باقى
حتى لو الشخص اختفى
شكرا فيروزه موضوع رائع
تحياتى وودى
واتمنى تفتكرونى دايما وماتنسونى

	الشكر لله ياقمررر اكيد كلنا ما نحبش اننا نسيب المكان الي اتعودنا عليه وعلي ناس بتحترمنا وبتحترم اراءنا بس كلنا هيجي يوم ونمشي من هنا بسبب ظروف خارجه عن ارداتنا بس ياريت بجد نفتكر بعض بكل خير مرورك اسعدني جدا تسلمي