شيكابالا: ردى على جماهير الأهلى سيكون فى الملعب

[M@HMOUD]

فى أول رد فعل له على الهتافات العدائية التى تمت ضده من قبل جماهير الأهلى أمس، أكد محمود عبدالرازق شيكابالا أنه لن ينساق وراء مثل هذه المهاترات لأن الهدف الأساسى منها هو إخراجه عن حالة التركيز التى يعيشها حاليًا مع الفريق، والتى انعكست بدورها على أدائه داخل الملعب.
وأضاف شيكابالا أن رده على مثل هذه المهاترات سيكون داخل الملعب وبالتحديد فى مباراة القمة، مشيرًا إلى أن إحرازه لهدف فى هذه المباراة سيخرس كل الألسنة التى تطاولت عليه وعلى والدته.
وأوضح مهاجم الزمالك أنه تعلم من دروس الماضى، حيث نجحت جماهير الأهلى فى تشتيت تركيزه قبل مباريات القمة أكثر من مرة، ووعد شيكابالا جماهير الزمالك بالتركيز والفوز بلقب بطولة الدورى العام الذى غاب عن ميت عقبة لعدة سنوات.


كبير يا شيكا وربنا يوفقك فى الملعب علشان يخرسوا خالص

[Đ ẵ я ṥ ђ]

تمااااااااااام

تسلم علي الخبر ياميدو

[DESERT]

وانت لما رقصت مع جمهورك وشتمت الاهلى بعد مبارة المصرى وكنتوا فرحانين اوى اوى مش عارف لية ال يعنى اخدوا الدورى دة حتتة مبارة هههه وجاى دلوقتى تلوم الجمهور ما تبص الاول لتصرفاتك وبعد كدة لوم الجمهور الجمهور رد فعل مش فعل يعنى الجمهور عمل كدة بناء على تصرفك مع اعترافى ان اللى اتعمل دة غلط بس يعنى انت منتظر هيعملة اية والله انا شايف بالطريقة دى الجمهور دة هيرد على دة ودة هيرد على دة وفى الاخر اللى جاى اسوء للاسف وكانت فى مؤشرات فى السلة وماتش الشباب

[Đ ẵ я ṥ ђ]

اقتباس
المشاركة الأصلية كتبت بواسطة asmart man





وانت لما رقصت مع جمهورك وشتمت الاهلى بعد مبارة المصرى وكنتوا فرحانين اوى اوى مش عارف لية ال يعنى اخدوا الدورى دة حتتة مبارة هههه وجاى دلوقتى تلوم الجمهور ما تبص الاول لتصرفاتك وبعد كدة لوم الجمهور الجمهور رد فعل مش فعل يعنى الجمهور عمل كدة بناء على تصرفك مع اعترافى ان اللى اتعمل دة غلط بس يعنى انت منتظر هيعملة اية والله انا شايف بالطريقة دى الجمهور دة هيرد على دة ودة هيرد على دة وفى الاخر اللى جاى اسوء للاسف وكانت فى مؤشرات فى السلة وماتش الشباب





طيب وانت متعرفش ان جماهير الاهلي دايما هي الي بتبدا في شتيمته بامه الي هي ميته ليه محدش كلمهم ولما الجماهير شتمت امبارح سباب جماعي ليه متوقفتش وبعدين هو لما شتم جاب سيره الاهلي خالص؟

[M@HMOUD]

منور يا درش ويا سمارت

[اتيتو]

سبايسي ياشيكا وان شاء الله الرد يكون موجع

شكرا ميدوو علي الخبر ودعوة لمقاطعة كل التوبيكات المسيئة للزمالك هنا الرد يعطي لها اهمية يارب الرسالة تكون وصلت للزملكاوية كلهم هنا

[بنت الجنوب]

يا ريت كل لاعب يفكر ان يلعب كويس وبس ويرد فى الملعب
ده المطلوب من الجميع
احنا بنتفرج وبنشجع الرياضة مش شئ تانى ولو الرياضة بتفرقنا بلاش منها خالص

الجمهورين غلطو فى بعض ولو مكنش فى رادع المسئلة حتفات من الجميع وحتكون العواقب شديدة

طبعا اتمنى فوز الاهلى النادى البحبه واشجعه
بس قبل اى شئ اتمنى فوز الاخلاق الرياضية
واكيد بعتذر عن اى شتيمة وجهة لشيكابالا او والدته
والله البحصل ده قبل ما يكون عيب فهو حرام


الف شكر ميد و

[ღ Gի๐sτ ღ]

اقتباسالمشاركة الأصلية كتبت بواسطة Đ ẵ я ṥ ђ






طيب وانت متعرفش ان جماهير الاهلي دايما هي الي بتبدا في شتيمته بامه الي هي ميته ليه محدش كلمهم ولما الجماهير شتمت امبارح سباب جماعي ليه متوقفتش وبعدين هو لما شتم جاب سيره الاهلي خالص؟


جمهور الاهلى عمرة ماشتم شيكابالا بأمة غير السنادى عشان تبقى عارف

ولو عاوز تعرف مين اللى بيبدء بالشتيمة

هاتلاقى شيكابالا هو اللى بدء البداية من زماااااااااااااان خالص


ويكفى ان اي مباراة بيلعبها مع الاهلى اول حاجة يعملها اول ماينزل الملعب بيروح يشاور بصباعه لجمهور الاهلى

ولو مش متاكد روح الاستاد واتاكد بنفسك

=========

وكمان ممكن اديك مثال

جمهور الاهلى عمرة مايشتم لاعب معينة بعينه , الا لو كان هو اللى بدء

لان لو كنا احنا بنشتم النجوم فقط كنا شتمنا حازم امام الكبير , وانت عارف قد اية انة كان نجم وب100 شيكابالا

بس لانة كان بيحترم جمهور الاهلى , لحد دلوقتى جمهور الاهلى بيحترمة وعمرنا ماشتمناة ولا جبنا سيرتة ودايما جمهور الاهلى بيتمنالة الخير

اما شيكابالا فدة لأنة بدء من زمان خالص وبدايتة فى كل المباريات لازم ياخد الشتيمة كرد وليس بدء

لو كنا بنبدء

كنا عملناها فى حازم امام وعبد الواحد السيد وفتح الله وغيرهم

حسين ياسر نفسة رغم انه ماشي من الاهلي بنفسة من غير ود

رغم كدة عمرنا ماشتمناة

[ღ Gի๐sτ ღ]

اقتباسالمشاركة الأصلية كتبت بواسطة M>I>D>O

مشيرًا إلى أن إحرازه لهدف فى هذه المباراة سيخرس كل الألسنة التى تطاولت عليه وعلى والدته.



كبير يا شيكا وربنا يوفقك فى الملعب علشان يخرسوا خالص





طيب لو مجابش جول ؟

يبقى انتو اللى تخرسو واولكو شيكابالا

وينتهى الموضوع علي كدة

وكل واحد يروح لحالة

[Đ ẵ я ṥ ђ]

هو انتوا بتعملوا حاجه انتوا غلابه ياعيني لا اله الا الله صعبتوا عليا والله

شيكا طول عمره بيتشتم بامه شكلك عمرك مارحت استاد قبل كده