سرك فى بير

[نانـــــو]

السلام عليكم ورحمة الله وبركاته


صاحبتنا

: مالك يا س شكلك مدايقة ليه ؟

س : لا ابدا مافيش







ص : مافيش ازاي ده انتى شكلك مضايقة خالص







س: مافيش شوية مشاكل بس .







ص : مشاكل ايه كفى الله الشر . يابنتى فضفضى هترتاحى

وما تخافيش مش هقول لحد

س : طب انا هقولك بس ده سر







ص: يا بنتى ما تخافيش سرك في بير

ع

: هى س مالها يا ص متغيرة اليومين دول ليه ؟

ص : متغيرة ازاي يعني ما هى زي الفل







ع : زي الفل ازاي ده شكلها مخنوقة







ص : يا بنتى قلنا مافيش سيبيها في حالها







ع : شكلك عارفة ومخبية يابنتى قولى فاكراني هعمل

اعلان باللي انتى هتقوليه

انا عايزة اطمن عليها بس









ص: طب انا هقولك بس كأنك ما سمعتش حاجة

اصلها مأمناني ماقلش لحد

ع: عيب . السر في بير







ن : ازيك يا ع اخبارك ؟







ع: الحمد لله تمام







ن: ما تعرفيش س مختفية ليه اليومين دول







ع : لا ماعرفش







ن : غريبة قافلة الموبايل ومش بترد على تليفون البيت







ع : ربنا يكون في عونها







ن: شكلك عارفة في ايه ومخبية







ع : لا ابدا شوية مشاكل بس







ن: ليه بس ايه اللي حصل









ع : انتى اتخضيتى كده ليه







طب بصى انا هقولك علشان ما تقلقيش بس كأنك ما سمعتيش حاجة







ن : عيب ما تقوليش كده السر في بير

وبعدها بأيام تكتشف أختنا

س ان سرها اتوزع على ابار البلد كلها

ان طولت ف الحوار دا

بس دا من خنقتى من ال بيحصل الواحد يدى سره من هنا

وهو ميعرفش ان الابار كلها مفتوحه على بعض
والله انا حاسة ان السر بقى ف مايك مش ف بير اساسا














انا بس عايزة افهم حاجه بس هو الواحد ميعرفش يحكى لحد خالص ال جواه






سامعة حد بيقول "احتفظ بسرك لنفسك"






هقولة ما اكيد اى حد فينا محتاج حد يشكيله ويفضفض له






وانا من وجهه نظرى شايفه ان السر دا امانه يعنى مينفعش

ابقى مديه حد امانه ويروح يديها

لدا ولدا ولدا














ورسولنا الكريم قال" ايه المنافق ثلاث إذا حدث كذب ، وإذا وعد أخلف وإذا ائتمن خان "













ياترى بقى العيب ف مين






العيب فينا عشان امنا لناس وادناهم سرنا عشان

محتاجين نفضفض ونشكى

ولا العيب

فيهم عشان مش حافظو على السر وكان بيرهم

مفتوح وموصل لكل الابار

[Řǻet βanota]

احم احم
العيب مش فيهم هما كدا وهيفضلوا كدا
انما العيب فينا احنا لان احنا الى بنحكى
ليه الانسان ميكونش ليه صديق هو ستره وغطاه
هو امله ومناه يحكيله كل شئ
اكانه بيكلم نفسه ادام مرايته
المفروض حسن اختيار الصديق
مش اى حد ناتمنله ونحكيله

ميرسى كتير للطرح
ودمتى متميزه متالقه
تحياتى

[حـ,ـكـ,ـآيـ,ـهـ,ـ ۅطـ,ـنـ,ـ]

عارف عندنا مثل بيقول

السر بين اثنين فرج

ثلاته طلع الدرج

اربعه فتح الباب وخرج

موضوع هايل واعجبني الحوار بجد

بس ياريت الكل ينتبه انه سرك

في بيرك بحكم تدبيرك

سلام

[رووكه]

حبيبته قلبى مش هقولك الامان بين الاصحاب اختفى

بس زى مقولتى كله منفد على كله يعنى ديه موصله لى ديه

بس الصديقه الصدوق هى اللى تديها سرك وانتى مغمضه

انا اتعلمت كتير مع انى كتاب مفتوح قدام الكل مش عندى سر

او عملت حاجه اخاف منها لله الحمد

بس معاكى ان فيه وقت تتخنقى وتدورى على اللى تحكى معاها وربك هو اللى

يعلم بالنيات هى هتصون ولا لا

واخيرا اتوصلت لى حد بثق فيه جداااااااااااااااااااااا

اقول كل اللى عندى وانام وانا مرتاحه ووثقه انه هيصونه

وهو ربنا حبيبى القرب منه احسن من الناس

احكيله هو واشتكى ليه ثقى انه هينور بصرتك

وهيصون سرك وهيفضل سترك فى الدنيا والاخره

موضوعك موجود منه كتيررررررررررررررررررررررررررر

دلوقتى وكله بيعمل باصله

سلمت ايديكى يا قلبى ومننحرمش منك ابدااااااااااااااا

[sฝeet αηgeℓ]

فعلا الموضوع ده مبقاش جديد ولا غريب

ولا هننصدم لما نلاقى اسرارنا معروفه للدنيا كلها

لانوا الصراحه محدش بقى يستاهل الثقه ومحدش بقى امين على حاجه

محدش بيشوف انوا لما حد يأمنوا على حاجه ف ده فى رقبتوا ليوم الدين

لا بيخدوا الموضوع بسهوله واستسهال اوى ,,

صحيح الواحد احيانا بيبقى هيموت ويفضفض ويريح نفسوا ولو حتى بالكلام

بس لازم سعتها تختار الانسان الصح مش اي حد وخلاص ,,

وميرسى عالتوبك الجميل

[~♥ Queen sozan♥~]

السلام عليكم ورحمة الله وبركاته
فى مقولة كدة لما حد يجى يقول لحد سر قدامى
ويقول سرك فى بير اضحك
واقول بس يارب ميكنش البير مفتوح على اصحبنا كلنا !!!!!!!!
ووالله والله
من اسبوع كدة وحدة صحبتنا كان عندها مشكلة
وراحت حكات لى صحبتها لى بتقول عليها الانتيم
وبعد المشكلة ما خلصت وهى فاهمة ان محدش يعرف
طلع كلو عاااااااااااارف وبيستهبلو وعملين مش عرفين
وحسبنا الله ونعم الوكيل
لان مينفعش نحكم على نفسنا منتكلمش
هو اة ممكن نتحكم فى نفسنا لكن سعات بنحتاج نتكلم
ولازم نتكلم بنشوف لى هو اقرب لينا من نظرنا احنا
ومنعرفش ان سرنا هيطلع ويكون قصة فى متناول الجميع
العيب على المستمع والمتلقى لان
محفظش على السر لى صحبو قالو علية
و ربنا يرحمنا من الناس والبشر النمامة دول

تحياتى على موضوعك

[حياتي ذكريات]

السلام عليكم

بصي كل انسان فينا مش بيقدر احيانا يكتم كل حاجه في قلبه
وبيجي يوم بنبقى عايزين نفضفض على اللي جوانا
بس مش أي واحده نشوفها قدامنا نفضفضلها ونحكلها
لازم تكون أمينه جدا على اسرارك وانتي عارفة عنها كده
يعني تكون من زمان معاكي وعشرة عمر
وعمرها ما طلعت ولا كلمة منك حتى لو كانت صغيرة
لان كل صغيرة بتبدأ تكبر
وزي ما بنقول عندنا لازم يكون سرك في بير مش مخروم ^_^
فانتي حاولي قدر المستطاع ان سرك يكون في نفس أمينه
مش بتاعت كلام او غاوية تنشر عنك حاجه مش حباها

شكرا ليكي على الموضوع
خالص ودي وتقديري
دمتي بخير

[sosad]

المشكلة عندنا احنا يا ناس ... مفيش داعي نقول لحد حاجة خطيرة إلا إذا كان الشخص ده ممكن يحل مشكلة ... إنما الفضفضة دي مبقتش حاجة حلوة الأيام دي !!


قال الإمام الشافعي رحمه الله :

إذا المرء أفشى سره بلسانه
ولام عليه غيره فهو أحمق ُ

إذا ضاق صدر المرء عن سر نفسه
فصدر الذي يستودع السر أضيق ُ



وبعد كده حكاية البير دي مبقتش بتطمن أوي لأن البير صغير وممكن السر يطفو على سطحه ، أنا لو حد قال لي سرك في بير مش حقول له حاجة .... مش حرتاح غير لما يقولي سرك في قاع المحيط الأطلنطي .

[نانـــــو]

اقتباسالمشاركة الأصلية كتبت بواسطة عاشقة الليل الحزيناحم احم
العيب مش فيهم هما كدا وهيفضلوا كدا
انما العيب فينا احنا لان احنا الى بنحكى
ليه الانسان ميكونش ليه صديق هو ستره وغطاه
هو امله ومناه يحكيله كل شئ
اكانه بيكلم نفسه ادام مرايته
المفروض حسن اختيار الصديق
مش اى حد ناتمنله ونحكيله

ميرسى كتير للطرح
ودمتى متميزه متالقه
تحياتى

حتى لو صديق ياقمر احذرى انك تتكلمى عن اسرارك الخاصة اوى حرصى ولا تخونى واحذرى انك تدى الثقة الكاملة لاى فرد مهما كان علشان متندميش فى الاخر نورتينى ياقمر وسعدت بردك جدا

[ماتركس]

المتألقة دائما الصحفيه نسرين

بجد اعجبني حوارك وموضووعك يا نسرين

بس عايز اقوالك حاجه يا نسرين احنا جايين هناء في الدنيا دي علشان نتعلم

والمثل بيقوال يموت المعلم والا يتعلم

يعني هنفضل نتعلم طوال حياتنا طبعا انا منعرفش اصدقائنا غير لما نجربهم

احنا مش هنجم ونقوال يا ريتني ما قوالت لفلان لا انا ممكن احكي لااصحابي

وافضفض معاه لقيته صان السر يبقي ده صحبي

غير كده اللي يعرف صاحبه يعلم عليه

بجد تسلم ايدك يا نسرين ومنتحرمش من وجودك يارب