خاص: إبراهيم حسن يفتح النار على مجدي عبدالغني ويتهمه بأنه السبب في أزمة المحمدي..لمصلحة الأهلي

[ღ Gի๐sτ ღ]

شن إبراهيم حسن مدير الكرة في الزمالك هجوما عنيفا على مجدي عبدالغني عضو مجلس اتحاد الكرة، وأكد أن عملية استدعاء اللاعب حسين ياسر المحمدي لمنتخب قطر في هذا التوقيت هي مجرد عند فقط من القطريين وأن المحرض الرئيسي في هذا الموضوع هو مجدي عبدالغني ، وذلك من أجل مصلحة الأهلي فقط.

وبلهجة تحدي أكد حسن أن الزمالك سيفوز على الأهلي في وجود المحمدي أو في عدم وجوده، مشيرا إلى أن الزمالك باستطاعته الفوز في لقاء القمة المقبل تحت أي ظرف.

وتطرق الحديث حول نية اتحاد الكرة اعتبار اللاعب المعار من النادي خارج القائمة، وأكد أن عبدالغني أيضا هو من وراء هذه الفكرة ، لتخدم مصلحة الأهلي فقط دون النظر لباقي الأندية، وهو يسعى بكل قوة لخدمة الأهلي بأي وسيلة ممكنة .

وأشار غلى أن هذا الأمر يجب أن يقنن بأسس ونظم معينه ، وأن يتم تحديد عدد اللاعبين المعارين الذي يخرجون من القائمة حتى لا يكون المجال مفتوحا أمام الأندية لتكديس اللاعبين دون الاستفادة منها.


مش عارف اقول اية , يعنى هو مجدى عبد الغنى هو اللى هايروح يقدم الشكوى في الفيفا عن حسين ياسر؟

اللى هايقدم الشكوى رئيس الاتحاد القطرى لكرة القدم , فما دخل مجدى عبد الغنى فى الحوار مش عارف


ومن ناحية اعتبار اللاعب المعار خارج القايمة

فبجد شىء مضحك , فكأن حرام لو مجدى عبد الغنى اقترح هذا الاقتراح

لما انت عاوز مجدى ميقترحش , امال اية لزمتة بقى فى شغلتة ؟ يبقى الاحسن يقعد فى بيتة وميشتغلش طالما ملوش اقتراحات ورأى

وثانيا دة اقتراح وعرض وفى حاجة اسمها مجلس اتحاد كورة بالكامل بيناقش الموضوع ويحدد اين مصلحة الدورى

وانا بقول الكلام دة لو كان فعلا مجدى عبد الغنى هو من وراء الفكرة ام لا , لانى معرفش

وانا بضحك فعلا وانا بسمعك بتقول لمصلحة الاهلى فقط كان الاهلى هايتم احتساب لية الفكرة والباقى لن يتم احتساب ليه الفكرة

ماهي هاتتطبق علي الكل زي ماهي هاتخدم الاهلى فهى هاتخدم كل الاندية لان القانون هايكون واحد علي الجميع


وبعدين الفكرة دى سليمة ودة اللى المفترض يحصل

لان حاجة غريبة جدا لاعب يبقى مقيد فى 2 نادى فى نفس الوقت ازاى متعرفش

والقانون الحالى اصلا قانون غريب ويضحك فعلا , والقانون دة مش موجود فى اى دولة

مش هاقول مش موجود فى اوروبا , دة الدول العربية اللى اقل مننا نفسها لن تطبق القانون الحالى


واللى انا مستغربة انة لازم يجيب سيرة الاهلى فى كل حاجة رغم ان الاهلى ليس لة دخل فى الموضوع

ويرجع يقولك خليك فى حالك ومحدش يتكلم علي النادي بتاعى

وان الاهلى هو الشريك المخالف اللى بيعترض علي اي قرار

وانا اللى شايفو ان ابراهيم هو اللى بيتكلم علي الاهلى وليس العكس

وابراهيم هو من يعترض علي كل حاجة وليس الاهلى

خاصة انة بيعترض فى اغلب الحالات من قبل ماتتعمل القرار اصلا

[game010]

شكرا على الخبر
التوفيق للجميع
منور الاقسام الرياضيه

[بنت الجنوب]

معلش اسفه مفهمتش
ايه علاقة مجدى عبد الغنى بالاتحاد القطرى
هو عضو هناك كمان !!!!!!!!!!!!!!!!!!!!!!!

ومن امتى الاتحاد القطرى حيسمح لحد من الخارج يتدخل فى شئونهم

لو كان فى عند من الجانب القطرى ضد الزمالك ده علشان الفلوس الدفعوها للزمالك لما المنتخب سبق واحتاج اللاعب فى بطولة الخليج


لا حول ولا قوة الا بالله

اللهم اهدى الجميع

الف شكر على الخبر

[ღ Gի๐sτ ღ]

اقتباسالمشاركة الأصلية كتبت بواسطة بنت الجنوبمعلش اسفه مفهمتش
ايه علاقة مجدى عبد الغنى بالاتحاد القطرى
هو عضو هناك كمان !!!!!!!!!!!!!!!!!!!!!!!

ومن امتى الاتحاد القطرى حيسمح لحد من الخارج يتدخل فى شئونهم

لو كان فى عند من الجانب القطرى ضد الزمالك ده علشان الفلوس الدفعوها للزمالك لما المنتخب سبق واحتاج اللاعب فى بطولة الخليج


لا حول ولا قوة الا بالله

اللهم اهدى الجميع

الف شكر على الخبر



هو كدة

اي حاجة تتعمل ابراهيم حسن يقولك الاهلى والناس اللى بتساعدة السبب فى دة

بس يلا

خليه يتكلم كتير لحد مالدورى يكون اهلاوى فى النهاية باذن الله

بالتوفيق للاهلى ولمجدى عبد الغنى صاحب اشهر ضربة جزاء فى تاريخ الكورة المصرية