معـــاكـــ قــــرش تســـــاوى قـــــرش !!!!!

[AHMED SEVEN]

موضوعك هايل
تفتركي ليه قالوا المثل ده وطلعوه .... عشان حاجة موجودة تخيلى مثلا مدرس ذاكر وتعب واتخرج واشتغل لو مابيديش دروس ومثلا بياخد 300 فى الوقت الحالى الناس هتقول عليه ايه غلبان ومقشفر ده مش لاقى يجيب كذا وكذا ولو دخل كافيه ولا حاجة اخره كوباية شاى واللى بيقدم بيعامله على انه غلبان وبيهمله وممكن ياخرله طلبه ليه لانه شايف ان ده على قده مش معاه فلوس والا كان اداله مثلا بقشيش وكان طلب بدل الشاى بتاع كل يومين سحلب مثلا هههه فهى كده وخدي على الامثلة دي كتيررر ... لاكن مش معني كده ان كل الناس مابتحترمش او مابتقدرش الشخص الكويس اللي معهوش فلوس كفايا بس عشان الاغلبية كده فهو ده السائد .... معلش يا جميلة طولت عليكي ....

ديما مواضيعك جميلة ومهمة يا هزورة ... يا رب ديما من الافضل للافضل .... تحياتي

[هزوره المصريه]

اقتباس
المشاركة الأصلية كتبت بواسطة ead





لا فى مواقف كتير جدا الفلوس بتلعب فيها دور اساسى

ومتقوليلش مش كل حاجه بالفلوس ال عايز يخلص اى حاجه

بفلوسه .... تحبى اقولك امثال ولا اكيد عارفه ؟

ميرســى علــى مروركـ بس أنــا برده
بقول الفلوس مش كل حاجــه لومعاكت فلوس الدنيا
وربنا مش راضى عنكـ مش هتعرف تتهنى بيهم
ولو مش معاك الا قوت يومك وربنا راضى عليك
هتحسهم مليون جنيه شكرا على مرورك نورتنى

[حياتي ذكريات]

السلام عليكم

الفلوس مش كل حاجه
هي من ضمن أساسيات كتيرة في الحياة لمعيشة أفضل
وسبب من أسباب السعاده
لكن فيه حاجات كتيرة ممكن تفتقديها لو معاكي المال
يمكن لو قابلتي طبقة مستواها عالي جدا
هتلاقي فيه منهم كتير جدا ناقصاهم حاجات مش قادرين يوصللها بفلوسهم
لان مش كل حاجه عايزة توصللها هتشتريها بفلوسك
فيه حاجات عمرها ما تتشري بفلوس الدنيا
ولو لقيتي انسان محترم هتلاقي الناس محترماه عشان شخصه
لكن الشخص الغني المتكبر هتلاقي الناس محترماه عشان فلوسه مش اكتر
والنوع الاول افضل بكتير

شكرا ليكي على الموضوع
خالص تقديري وودي

[محمد الشريف]

المتألقة / هزورة

يقول الله تعالى :

بسم الله الرحمن الرحيم


" المال والبنون زينة الحياة الدنيا والباقيات الصالحات

خير عند ربك وخير آملا "

فالفلوس مهما لمع بريقها وتهافتها الناس فهى عرض

من أعراض الدنيا الزائلة وكم حدثنا القرآن فيها فلننظر

إلى قارون وما انتهى عنده مصيره وبئس المصير

ومن حكمة الله تعالى أنه لاينظر إلى وجوهنا ولا اشكالنا

ولكنه تعالى ينظر إلى قلوبنا وسبحانه وتعالى جعل رصيدنا

فى الآخرة أعمالنا ولم يحدد من ضمها الفلوس .

وكم من متخمى الأموال زالوا من الدنيا ولم تنفعهم أموالهم

فسبحان الله مانح الرزق والمال لقد شاهدت بنفسى أحد

مما فاضت خزائنهم بالملايين إن لم تكن المليارت يرقد

فى إحدى كبريات الاستثمارية المستشفيات ويتلمس من

كبار الأطباء أن تصرف مليارته وملاينه مقابل أن يستطيع

أن يأكل طعامه مثل أى إنسان عادى أو أن تعود إليه عافيته من

جيد ولا يستخدم الأنابيب التى يعتمد إليها فى تناول طعامه

ولكن هذا هو حكم وأمر الله ولن تجدى خزائنه إلا بأمر الله

القادر . فهما قيل من آراء لتعظيم الفلوس فهو لغو وقصر

نظر فكما قلت أنه عرض زائل والتأمل الآية القرآنية زينة

الحياة الدنيا وأن الخير فى الباقيات الصالحات .

ولنقرأ للشاعر إيليا أبو ماضى تلك الأبيات :


نسي الطين ساعة انه طين حقير فصال تيها وعربد

وكسا الخز جسمه فتباهى وحوى المال كيسه فتمرد

يا أخي لا تمل بوجهك عني ما انا فحمة ولا أنت فرقد

أنت لم تصنع الحرير الذي تلبس واللؤلؤ الذي تتقلد


فليمحنا الله الهدى والتقى ويبعدنا عن زخارف

ومباهج وأعراض الدنيا الزائلة

وسلمتى لطرحك هذذا الموضوع

وتقبلى موفور تقديرى

[دمعه حائره]

الانسان هوا اللى بيعمل الفلوس
مش هيا اللى بتعمله
وكتير معاهم فلوس لكن للاسف من المجرمين
وتجار المخدرات هل فى الحاله دى ممكن يقول
انا ليا قيمه فى المجتمع
قيمة الانسان بعمله والمهنه الشريفه اللى بيقوم بيها
وبرسالته فى المجتمع بين الناس
الفلوس بتيسر الحياه وبنشترى بيها اغلب الاشياء
لكن الاخلاق والحب بين الناس هاتشتريه ازاى بالفلوس
والرسول عليه الصلاة والسلام وصى باختيار الزوج اوالزوجه
صاحب الخلق الحسن والتدين هوا ده اللى هايضمن السعاده
تحياتى واحترامى على الموضوع القيم

[sosad]

فكرتيني بواحد صحبي يا هزورة كان بيقول : "أنا مش عايز غير الستر" .......

وبعد كده يروح يقول : " مش الستر أوي يعني ... الستر ومعاه عربية " ههههههههههههههههه

المال شيء جميل جدا يا هزورة وبه تحل كثير من مشاكل الحياة ، سواء كانت المشاكل على المستوى الشخصي أم على المستوى العائلي أو حتى على المستوى السياسي ، الحروب تقوم من أجل المال ، وتهدأ من أجل المال وكثير من حالات الطلاق تحدث من أجل المال ، والمتشردون متشردون بسبب نقص المال ، والمتسولون متسولون بسبب حاجتهم إلى المال ،
والمريض الفقير لا يستطيع الحصول على العلاج بسبب المال.

لهذا فإن الإنسان لا يقيم فقط بماله وإنما أيضا بما يفعله بهذا المال الذي يمتلكه ، هل سيسعى به إلى الخير أم إلى الشر ؟ هل سيتبرع به لمستشفى سرطان الأطفال أم سيدخل به شقق الدعارة ؟ هل سيشتري كتابا يقرؤه أم قطعة حشيش ؟

والثراء بصراحة شرط في العريس ، وأنا ألتمس العذر لكل الأسر التي تشترط الثراء في العرسان كشرط هام وليس كشرط وحيد طبعا ( معنى كده إن واحد غلبان زيي مش حيتجوز خالص هههههههه )

التوقيع : sosad ( متخصص في الحقد على الأثرياء )

[DR.SMA]

هل تقييم الناس اصبح بما يملكون؟
تقييم الناس بيكون على اساس قدر دينهم وتمسكهم به
واخلاقهم لكن للأسف دلوقتي في ناس كتير بتقيم على اساس ما يملكون
لكن ده طبعا تقييم خاطيء
لأن لو قيمت حد على اساس ماله فممكن المال ده يكون تعاسه للأبد
لأنه بعيد عن رضى الرحمن

ماهو دور المال بحياتك؟ والى اى مدى يتحكم بمصيرها؟
له دور مهم طبعا لكنه ليس الدور الاساسي بالحياه
هناك اولويات بالحياه
والمال من هذه الولويات لكن اذا كان المال فقط
فهو مرفوض طبعا
لأن الدين والاخلاق اهم من اي شيء
اخلاق عاليه ودين ومال قليل
افضل الف مره من مال كثير وعدم وجود اخلاق ودين


تحياتي
موضوع قيم
سمــــا

[حورية فلسطين]

هل تقييم الناس اصبح بما يملكون؟


للاسف الشديد ده بقى واقع بنعيشه والمادة بقت طاغية
ومش في ايدينا غير نقول ربنا يهدي الجميع

ماهو دور المال بحياتك؟ والى اى مدى يتحكم بمصيرها؟

بصراحة المال هو اخر اهتماماتي
المال مش هيشتري الاخلاق لو ضاعت ولا هيرجع الصحة لو راحت
مش هيجب راحة البال ولا السعادة ولا الحب ولا الرضى
مفيش اجمل من القناعة بما لدينا سواء قليل او كثير
المادة زائلة ليه نعلي من شانها

الحمد لله المال مش بيتحكم في مصيري لان مصيري تحكمه قناعاتي
واخلاقي وايماني الصادق قبل كل شيء





موضوع جاااااااامد ياحبي
تسلمــــــي

[هزوره المصريه]

اقتباس
المشاركة الأصلية كتبت بواسطة d.g. dandana





ممكن ارد على اياد يا نور

ياباشا يا كبير شغلتنك كلها لعب بلفلوس

وانت عارف ان اى شئ بيمشى بالفلوش

وفعلا يا نور كل شئ دلوقتى ماشى بلفلوس

معليش فى حاجات مش بتشتريها بفلوس ماشى

وهو العمر اليوم اللى بيعدى على الانسان عمرك ما تعرفه تشتري ولا بفلوس الدنيا كلها

علشان ترجعه تانى

وحاجات تانيه بردو مش تعرف تشتريها بمال

هو رضا ربك عنك

اما راحه البال دلوقتى بتشتريها دلوقتى زمان كنا نقول راحه البال عمرها ماتقدره بثمن

دلوقتى يتتقدر راحه البال

موضوع جميل جدااااااااا

وانا معاك يا اياد

وربنا يستر مش نخش السجن

ههههههههههههههه




ميرسى على مرورك ياسيد
ورد براحتكـ ماانت الموكل العام
هنا هههه نورت ياسيد لاحرمنا من تواجدك

[هزوره المصريه]

اقتباس
المشاركة الأصلية كتبت بواسطة الديلر احمد





لا يابوسيد انت حبيبى

وبغض النظر عن شغلى

بالنسبه ليا ال مش بيقدر من ربنا الايمان والصحه

اى حاجه ممكن تجبها بفلوس

احنا مش ايام الصحابه احنا فى زمن غير الزمن

ميرسى على مرورك تانى
لكل واحد وجهة نظره