حبيبه الجامعات

[nooody]

ايه رايكوا نتكلم على حبيبه الجامعات
وحبيبه الجامعات يعنى السكشنات.......يعنى المحاضرات..........يعنى المدرجات والنوعيه دى مش بنلاقيها فى كل حته بنلاقها بس فى الجامعات وما ادراكوا من اللى بيحصل فى الجامعات
ودول بيبقوا حبيبه على شكل طلبه والواحد ياكبد امه من دول اول اما يخلص الثانويه العامه ويطلع التنسيق يطلع فرريره على الجامعه والتسخين يبتدى فى الثانويه العامه
يبتدى الحلو من دول يحب على نفسه وطبعا هى مابتقصرش تبتدى توضب نفسها:SuN040:ولما حد يكلمها فى البيت على اللى عملها فى نفسها ولبسها وشكلها ترد تقول .... انا مش صغيرة انا السنه الجايه جامعه وطبعا دة كله بروفه للجامعه
وجه التنيسق ودخلنا الجامعه يبتدى كل واحد يرمى الرمش.. وطبعا كله جاى ايه .. على سنجه عشرة:cv42:ولابس اللى على الحبل واللى تحت الحبل واللى فوق الحبل:ju6:
ويبتدى المشوار وياريت المشوار دة على فايده لا سمح الله وماحدش يفتكر انهم رايحين يذاكروا وينجحوا ويطلعوا دكاترة مهندسين لا سمح الله ........لالالالالالالالالالالالالا خالص
دول نازلين هى تدور على عريس متريش ومقتدر......:702: وهوة على امورة او بالاصح موزة.......فهمتوا ولا اقول اكتر
وطبعا تلاقلى الشاب الامور من دول يضحك عليها بكلمتين ويشغلها طقم عبد الحليم:cv45: ودة عادة ما بيخيبش ويخش على ام كلثوم بليل ويختم بفريد الاطرش
على كام قصيده حب فى الاجندة على وردتين وفى الغالب بيبقوا حمر وهى تبقى تمام
اما هى بقى لو كان الشاب من دول متريش حبتين ترمى ياعينى الهلب عليه:cv14:
وتبتدى السطوانه بتاعتها وتقوله انا حكيت لمامى عنك... واخويا شفنا مع بعض اول امبارح... ومامى مصره تقول لبابى.......واحنا هنتفضح يا حياه قلبى وتجيبه يمين وشمال وتحاول تصطاده
.................وهوة بقى ايه مفتح:732:وبيصيع عليها وقارى كل حاجه ويروح رادد عليها ويسبتها ويقولها لما نخلص الجامعه وناخد الشهادة ياروحى
ولو هى زنت كتير على موضوع الخطوبه يروح قالبها ويخش على اللى بعدها وبنفس السطوانه المشروخه بتاعته
ولو هى مش لقيت منه راجه تروح راميه الهلب على حد تانى
ودوخينى يا لمونه دوخينى
يارب يكون الموضوع عاجبكوا

[Mahmoud Kamel]

دوخيـني يالمونه دوخينـي


واشطـا جـدا الديكـ بيدن هههههههههههه


تصدق نودي كلامكـ كله في الصميم هههههه


بيحصـل وبشوفه بام عينـي يخربيت كـدا ههههههههههههه

[قلم بلا حبر]

اقتباس ودوخينى يا لمونه دوخينى

ههههههههههههههه هو ده ا اللى ينفع بصراحه

,,, ماشاء الله عليكى معاصره اللى بيحصل بالضبط ,

يعنى اكيد الغالبيه العظمى لو قراوا الموضوع حيشوفوا نفسهم فيه

برحب بيكى معانا فى المنتدى

وبدايه ماشاء الله قويه ,,, وواضح اننا كسبنا قلم جديد فى المنتدى

خالص تقديرى ليكى وللموضوع وبرحب بيكى مره تانيه

تحيااااااااااااااااااااااااتى"""""""""""

[sara_A.A.H]

ازيك يا nooody
انا معاكي فكلامك بس برضه اكييييد في من بيذاكروا وبيطلعو دكاتره بعد كل ده
وكل اللي انتي كتبتيه بيتكلم عن $ مراهقين $ و $ مراهقات $ او بنات بتعيش الدور بالاصح
ومن اكسسوارات الولاد (مش كل الولاد) انه يبقى معلقله اثنين تلاته
انتي اتكلمتي في حاجه بتحصل كل يوم فشكرا على صراحتك[/SIZE]

[nooody]

ميرسى اوووووووووووووى على الردود الحلوة دى
وانا سعيده جدا انى معكوا فى المنتدى

[miraa]

بصراحه موضوعك مهم نودى وفعلا بيحصل مش هقول الغالبيه بس على الاقل عدد كبير
من الشباب الغريب فعلا انهم فاكريين ان الجامعه للمقابله والتعارف
والاغرب فعلا ان تلاقى المحاضره مليانه لاخرها ومش لاقيين مكان نقعد ومعظم اللى قاعديين مش مركزيين مع الدكتور لا دول بيتعرفوا
بس برضه فى ناس تانيه اكيد بتروح عشان تفهم وتذاكر
وفى ناس تالته بتروح عشان تجيب المحاضره بس مش بيفهموا حاجه ههههه
مرسيي يا نودى على الكلام الجميل ده

[nooody]

ميرسى ليكى
لا وكمان فيه ناس ممكن تنزل الجامعه فى يوم مش عليها محاضرات ........ وايح فين رايح الجامعه وجاى مننين جاى من الجامعه قال يعنى العلم مقطع بعضه ههههههههههههه
ميرسى مرة تانيه