حلقات برنامج ( انا ضد الارهاب )

[سلمى الجزائرية]

اقتباس
المشاركة الأصلية كتبت بواسطة Big Brother





موووضوع جمييل جدا يا اخ احمد
واجابات جميييله جدا وليست غريبه عن الاخت سلمي
بالتوفيق في الحلقه القادمه
ولا نملك غير ما قاله جعفر الصادق
عجبت لمن أبتلي بمكر العباااد ويغفل عن وأفوض أمري الي الله ان الله بصير بالعباااد

كيفك اخي شو هالغيبة .تسلم كلك ذوق. نورت الموضوع

[morshooo]

اتمنى الحلقة تكون

عجبت جميع الاعضاء

والضيفة طبعا ماشاء الله عليها

اجابتها مميزة جدا

[Dr.nour]

اقتباس س / عايزك توجهى كلمة لمرتكبى الحادث ؟ لاتحسبن الله غافلا عما تعملون

فعلا والله احسن رد عجبنى

لا يغفل الله عن عباده ف الارض ولا ف السماء

يمهل و لا يهمل

حلقه ممتعه جدا يا احمد

دمت موفقه ،،

[ڪــــبرياء الروح]

يعطيك العااافيه احمد
تسسسلمي يااا قمر على الطرح الرااائع
وليه ملاحظه
إن لم يحرس الرب البيت، فباطلاً سهر الحارس".

؟؟؟؟ الحمد لله على العقل


وشششكرا

[morshooo]

طبعا احب اشكر جميع الاعضاء

الى نورو البرنامج

واشكر اختى الغالية

سلمى الجزائرية

على تلبية الدعوة

اتمنى الحلقة تكون عجبتكم جميعا

تحياتى

[beauty angel]

موضوع مميز كالعادة ياأحمد
وسلمى اجاباتكــ واسلوبك أكثر من رائع
للأسف بداية العام الجديد كانت محزنة
واكيد الى عمل الحدث الارهابى ده ايا كان جنسيته او دياناته
هدفة الاساسى أشعال الفتنة بين المسلمين والمسحيين
المشكلة اننا بنتركـ العدو الاساسى ونصدق اى حاجة تتقال لنا ..
لكن بالضبط زى ماقالت سلمى
اجابة كافية ووافية
لاتحسبن الله غافلا عما تعملون
حلقة ممتعة جدا ياأحمد
وضيفة مميزة واسلوبها راقى
تسلم الايادى ..
فى انتظار حلقة جديدة
موفقين ان شاء الله

[morshooo]

اهلا ومرحبا بكم


وحلقة جديدة من برنامجكم


انا ضد الارهاب


مازلنا نتحدث عن العمل الارهابى


الاخير بكنيسة القديسين


والى اعتقد ان الامور هديت نوعا ما


الان ولكن ما حدث الفترة الاخيرة يدل


على وقوف المسلمين مع المسيحين فى المحنة الاخيرة


بس مش هقول ان الفتنة الطائفية مش موجودة فى مصر


ولكن هقول ان يوجد فتنة طائفة ولكن ناتج عن احتقان بين الشباب


مش اكتر ولو شوفنا الاحداث الى بتحصل بتبقى ناتجة عن اعمال فردية


ولكن الحدث الاخير مازال مجهول لنا جميعا ولكن بكل تاكيد مع مرور


الايام سوف يظهر لنا كل شيىء


اليوم هتبقى معايا الضيفة الغالية


المتألقة : عبير الزهور 1983


والان زى ما اتعودنا


تعالو نشوف عناوين الاخبار الى تناولتها


الصحف والمواقع الالكترونية الفترة الماضية


عناوين الاخبار


الطب الشرعى ينتهى من فحص الـ" D.N.A" فى تفجير "القديسين"


المفوض السامى لحقوق الإنسان يشيد بتعامل مصر مع حادث الإسكندرية


استعجال تحليل D N A والاستماع إلى 80 شخصا فى حادث "القديسين"


القذافى يهنئ البابا شنودة بعيد الميلاد


الكاتدرائية المرقصية تبدأ تلقى العزاء فى شهداء "القديسين"


دقيقة حداداً لطلاب الأزهر على شهداء القديسين



والان تعالو نشوف الحوار مع ضيفتى الغالية


س / فى البداية كل سنة وانتى طيبة بمناسبة العام الجديد ؟

كل سنة وإنت طيب وبألف خير والعالم العربى كله بخير وسلام يارب

س / بتتمنى لحياتك اية لعام 2011 ؟

أكيد بتمنى حاجات كتيرة أوىى تتحقق ماقدرتش أحققها فى 2010


وبتمنى إنى أحققها فى 2011 باذن الله

سواء على المستوى الشخصى أو الدراسى أو العملى

وربنا معانا جميعا ويوفقنا اللهم أمييين

س / لما عرفتى الى حصل فى الاسكندرية عملتى اية ؟

أنا عرفت اللى حصل بعد أربع ساعات من حدوثه لان كلنا كننا بنحتفل


وسعدا ومبسوطين ماكناش متوقعين حدوث مثل هذا

أكيد زيى زى كل مصرى إستأت كتييير من اللى حصل وبجد كلنا حزنا جدااا


على ماحدث وللان الحزن يخيم على قلوبنا وترك أثاره السيئة فى نفوسنا


جراء هذا الفعل الوحشى المتخلف

س / لية العمل الاهابى الى حصل دا اتعمل فى مصر بالذات ؟

لانها مصر هيا دى الاجابة

مصر بلد كبيرة ومستهدفة منذ زمن والتاريخ كله يشهد على دا

تاريخنا حافل باللى طمعوا فينا وفى أرضنا والحمد لله عدينا من كل محنة ورجعنا أقوى و أكبر ماكننا

اللى بيحصل دلوئت مش بشوفه يفرق كتيير عن الحروب اللى اتعرضت ليها مصر على مر التاريخ

الفرق إنهم دلوئت بيضربونا ببعض حرب من نوع جديد

بتمنى كمان نعدى المحنة دى وتقوينا ماتهديناش وتزيد من ترابطنا بدلا


من أن تزعزع صفوفنا باحداث فتنة بين طوائف شعبنا

س / توقعات كتير بتقول ان وراء العمل الارهابى دا ( تنظيم القاعدة ) دا صحيح ؟

الكلام دا ورد تحديدا فى مجلة تايم الامريكية

فقد أرجعت كل ماحدث لتنظيم القاعدة

وذكرت المجلة إنه منذ عدة أشهر، توالت تهديدات مقاتلي القاعدة في العراق


بشن هجمات على المسيحيين انتقامًا منهم، حيث يزعم هؤلاء المقاتلين إن


الكنيسة القبطية في مصر قامت باختطاف سيدتين مسيحيتين واحتجازهما


اعتقادًا إنهما قد تحولتا إلى الإسلام.

هايقولوا إيه غير كده علشان ينفوا التهمة عن نفسهم


رأيى لا علاقة لتنظيم القاعدة بهذا الحدث والله أعلى وأعلم

س/ لو ظهرت التحقيقات ان وراء العمل الارهابى فعلا ( تنظيم القاعدة ) يعملو كدا فى دولة اسلامية لية ؟

أولا ماعتقدتش هما ورا اللى حصل والاجابة موجودة فى سؤالك ليه هيعملوا كده فى دولة أسلامية

س / الغرب بيتهم العرب بالارهاب ؟ تفتكرى الى حصل فى كنيسة القديسين يثبتلهم وجهة نظرهم ؟

هما مش محتاجين لحاجة تثبلهم دا

دايما بيتهمونا بالارهاب والهمجية والتخلف ومش بعيد يكونوا هما ورا


اللى حصل لاثبات نظريتهم فينا كعرب

س / تفتكرى مصر مستهدفة من الخارج والا من تنظيم القاعدة ؟

الاحتمال الاقوى والاكبر والمنطقى أكتر من الخارج

س / هو فعلا فى مصر فى فتنة طائفية ؟

لا يوجد فتنه طائفيه فى مصر , بل هى حالات فرديه

و لو عايز تشوف الفتنه الطائفيه بجد


شوف اللى بيحصل فى الصين و الفلبين بين المسلمين و النصارة


اضطهاد للمسلمين

* عندما يدخل المدرسة

*يرمى عليه زباله و هو ماشى فى الشارع

*منعه من العمل فى الحكومه


*منعه من الوصول للرتب و المناصب


أما فى مصر فالمسيحى يعامل كالمسلم تماما سواء فى التعليم السفر الرتب


و الوظائف التعيين الترقيه المعامله ,


سواء من ناحيه الحكومه او من ناحيه الشعب


فالمسيحى فى مصر بيتعامل بشكل طبيعى جداااا كفرد مصرى بغض النظر عن ديانته


لكن ما يحدث فى صعيد مصر فهو حالات فردية او تعصب قبلى نتيجة لعادات هذه المنطقه


فمثلا تجد هناك الثار


الثار حتى بين المسلمين و بعضهم


لكن لما تلاقى ثار بين علتين مسلمه و مسيحيه نقول فتنه
ليه اشمعنى


من الوارد ان مجتمع زى مصر فيه مسلم و مسيحى يحصل بينهم


اغتصابات قتل سرقه شىء طبيعى زى ما بيحصل بين المسلم و المسلم
و زى ما بيحصل بين المسيحى و المسيحى


لكن لما بيحصل بين المسلم و المسيحى بنقول فتنه ليه بردو مش عارفة

الملخص مصرنا خالية من الفتنة الطائفية إلا من القلة طول عمرنا أخوات


وأصحاب الطبيب اللى بتعامل معاه بصفة دائمة أنا على المستوى الشخصى


مسيحى والصيدلية اللى بتعامل معاها دايما لمسيحى أيضاا


س / انا بصراحة شايف ان يوم 7 يناير الماضى مكنش فى فرق بين مسلم ومسيحى فى جميع الكنائس ؟

معاك حق مكنش فى فرق بين مسلم ومسيحى أبدااا وكان يوم جميل ومهم جدااا

وبعتبره كمان رسالة لمرتكبى الحادث


رسالة بتقول ليهم أهو إحنا إيد واحدة وفشلتوا فى تحقيق هدفكم بينا من


فتنة وزعزعة صفوف شعبنا المترابط .

س / خروج المسلمين والاحتفال مع المسيحين باعياد الميلاد دا ابلغ رد للعالم ان فى مصر مفيش فتنة طائفية ؟

بتفق معاك تماما وكان لازم ده يحصل علشان نثبت ده لنفسنا قبل غيرنا إننا إيد واحدة .


س / تفتكرى الايام القادمة هيبقى فى فتنة طائفية بين المسلمين والمسيحين ؟

بصراحة وللاسف ومما أثار حزنى الشديد إنه فعلا حدث شىء من الفتنة لدى


القلة ويارب الفجوة ماتوسعش عن كده والناس تفهم الموقف صح ونحط


إيدنا بايدين بعض ونقف إيد واحدة زى ماعشنا طول عمرنا

النهارده شوفت على الفيس بوك مالا كنت أتصور إنى أراه من بعض إخواننا


المسيحيين واللى متأكدين تمامااااااا إننا كمسلمين ورا اللى حصل

كمان جايبين أيات من القرأن الكريم اللى بتدعوا لقتل أعداء الاسلام


وجايبينها بصراحة مش كاملة عاملين لها كات ومأولينها غلط خالص أكيد


لانهم مش فاهمين ديننا كويس

طبعا الاخوة المسلمين تولوا الامر ووضحوا معانى الايات ليهم

اللى بتمناه من كل قلبى بلاش نخبط فى بعض أكتر من كده طول عمرنا


بنحبكم ياأقباط وإنتم إخواتنا واللى عمل ده بيكم وبينا معاكم حتى لو إتضح إنه مسلم فالاسلام منه برىء

بس بجد حزنت جداااا

س / من وجهة نظرك اية الى المفروض نعملة الفترة القادمة ؟

نفهم الحقيقة نفهم إنك يامسيحى ويامسلم فى الاول والاخر مصرى وبلدك مطمع فحافظ عليها أرجوك

وبلاش ينجحوا فى الحرب الجديدة اللى بيحاربونا بيها ضربنا وبادينا إحنا



س / تفتكرى ان الاعلام لية دور فى الفتنة الطائفية ؟

والله أمريكا قامت بالواجب وأكتر بصراحة

مانشر فى صحيفة تايم الامريكية بيروج لوجود فتنة طائفية فى مصر


وبيرجع كل ماحدث لتنظيم القاعدة والناس بتصدق


اذن الاعلام له دور طبعااا ودور كبييير جدااا

والاعلام المصرى بتاعنا بصراحة ماقصر فى نفى هذه الصورة عننا ونفى



إرجاع ماحدث للمسلمين أو تنظيم القاعدة كما ورد

عن الاعلام الاوروبى

وفى النهاية الحقيقة البحتة مازال لا يعلمها إلا الله رغم أمانينا أن لا تكون هذه الايد الخسيسة التى قامت بارتكاب هذا الفعل الأثم يدا مسلمة .



س / تقولى اية لمرتكب الحادث الارهابى ؟

ما فعلتوه لا ترضى عنه أى ديانة سماوية فهوا جرم بكل المقاييس والله


ليس بغافل عما تعملون

ومن قتل نفس بغير حق فقد قتل الناس جميعاا


قال رسول الله عليه الصلاة والسلام من قتل ذميا بغير ذنب فقد برئت منه ذمتي


س / ياريت توجهى كلمة لاهالى الضحايا ؟

بتوجه ليهم بخالص عزائى وبجد ربنا يصبر قلوبكم فما حدث موجع للقلوب


فقدان عزيز وغالى على قلوبنا فى مثل هذا اليوم ووقت عيد وفرح وإحتفال


ينقلب بالشكل ده لحزن وأسى بجد شىء كتيير صعب ومحزن ومؤسف قلوبنا


معكم وربى يجعلها أخر الاحزان .

وبكدا تنتهى حلقتنا النهاردة


اتمنى ان تنال اعجابكم


تقبلو تحياتى


morshooo

[Dr.nour]

اجابات حلوه يا قمر ،،

وربنا مع الاقباط والمسلمين

ويبعد عنا الشرور ياربــــ

حلقه حلوه يا احمد

دوام التميز ،،

[الملكة كيلوباترا]

حلقة جميلة يامارشو
واختيار جميل
واجابات عبير الزهور 1983 روعة

[morshooo]

اقتباسالمشاركة الأصلية كتبت بواسطة N@nooOooاجابات حلوه يا قمر ،،

وربنا مع الاقباط والمسلمين

ويبعد عنا الشرور ياربــــ

حلقه حلوه يا احمد

دوام التميز ،،

اهلا نور

نورتى التوبيك

اتمنى الحلقة تكون عجبتك

اشكرك على المرور