ذنوب اقترفها الاباء.. وتحمل ذنبها الابناء

[الديلر احمد]

ذنوب أقترفتهآ الآبآء ,
قد يتوب الـبعض منهم وكآن الله غفور رحيمً
لكن المجـتمع لايتغاضى عن هذآ الذنب
ويهـول من أمره فيـصبح ذنب يتواثره الأبنآء
وكأنهم هم من أذنـبو ,

أبريآء تقتلهم نظرآت المجتمع لهم والسبب غلطه لم يقترفوهآ ..

ماذنبهم إذ لم يخطئو ؟
وهل هم مسؤولون عن أخطآء غيرهم ؟
ولما يحملهم المجتمع هذا ؟
فتاه و شآب ,
تربو على الدين بهم كل شي جميل ..
لكن عيبهم ( ابناء لخريج سجون , أب يرتكب المنكر .. الخ )
برأيـكم هل هذآ عيب يحمله الأبنآء ؟

هل تقبل ان ترتبط بفتاه فيها مواصفات الجمال والاحترام ال مش ممكن تلقيها فى بنت تانيه لكن ابوها كان يحمل ماضى اسود ؟؟

ونفس السؤال للبنات هل تقبلى ان ترتبطين بشاب حسن المظهر وعلى خلق ودين ولكن ايضا ابوه يحمل ماضى اسود ؟؟

مين فينا هيقبل ولية وبصراحه .. ومين فينا هيرفض ؟؟

[Remaas]

الجواز ارتباط اسرتين
يعنى ابوه هايكون جد لاولادى
حتى لو هوا كويس ممكن الاولاد بعد كده يضايقوا
من ماضى جدهم
تحياتى

[دمعه حائره]

هذاماجناه عليا أبى وأنا ماجنيت على أحد
ده بيعبر عن موضوعك احمد
لكن الشعارات حاجه والواقع حاجه تانيه
لو الماضى للاب اسود وغير مشرف
أكيد أهل البنت مش هايوفقوا
لان الزواج ترابط بين أسرتين
مش فردين فقط والجد اللى ماضيه ملوث
هايسيىء لاحفاده وده ظلم ليهم
ماحدش بينسى أخطاء الغير
الا عدد قليل وأكيد ظروفه بتكون مشابهه
تحياتى واحترامى

[حياتي ذكريات]

السلام عليكم

هو اكيد مش ذنب الابن انه يتحمل خطأ أبوه
حتى لو كان معروف عن الابن انه كويس
بس هتفضل نظرة المجتمع ليه انه ارتكب جريمة
ممكن انا اوافق عليه
لكن اهلي ما يقبلوش لانهم هيخافو عليا
وهيقولولي تاخدي واحد وتناسبي اسرة كويسة
احسن من انك تناسبي اسره فيهم ماضي اسود
انت لو اتقدم لاختك شاب كويس بس ابوه خريج سجون
وشاب كويس تاني برده وابوه شخصية معروفة محترمة
هتجوز اختك لمين ؟؟
اكيد الكل هيجمع على التاني لانك هتضمنه
وهتخاف كمان لو الشاب الاول حصلتله مشكلة او وقع في مصائب
يضطر يمشي في سكة والده ويسلك نفس الطريق
هو ما اذنبش صح لكن والده ما عملش حساب لابنائه
ونظرة المجتمع صعبة

شكرا ليك على الموضوع
خالص تقديري وودي

[الديلر احمد]

ياجماعه لو قولنا ان انا هوافق ارتبط بواحدة فيها كل المواصفات الجميله

ولكن ماضى ابوها مش حلو ..زى ما قالت الاخت دره ممكن اولادى يضيقوا من ماضى جدهم

لكن طلما بقا كويس طيب لية لا .. لية احكم على واحدة بماضى ابوها انا عايزها هيها مش عايز ابوها

تانى حاجه فى مثل بيقول

قبل ما تناسب حاسب ........ انا شايف ان فى ظلم لو اتاخدم بذنب ابوهم


تسلموا على المرور

اخت درة

ودمعه

حياتى

[Princess Noran]

والله انا شايفة العيب في مجتمعنا بجد ظالم في العادات والتقاليد وحتى التفكير

لية يتحمل الابن ذنب والديه اذا كان انسان محترم وصفاتة واخلا قة عالية يبقا لية لأ وبعدين كل واحد مسؤال عن عملة وربنا بيغفر

الذنوب احنا مش هنغفرها

تحياتى ليك ديلر على موضوعك الجميل

[AHMED SEVEN]

اولا شكرا ليك يا ابوحميد موضوع رائع تسلم الايادي يا ريس

انا لو واثق من حبيبتى وشايف فيها كل الصفات الكويسة اللى انت قولت عليها مش هيهمني اى شىء تاني بجد طالما ابوها تاب وخلاص ومابقاش يعمل اى شىء غلط واصبحت اخطائة فى رياح الماضى اكيد انا معاها مش هسيبها عشان ماضي راح

موضوع جميل ننتظر جديدك ... يسلمووووووووووووووووو

[الديلر احمد]

تسلمى ياملكه على المرور

وكلامك صح يابوحميد

بس فى ناس كتير بتتمسك بالعادات والتقاليد ابوها مين امها مين بيشتغل اية

وياحبذا لو
طلع ماضيه وحش يقولوا لا دة مينفعش والعيلة والناس وكلام فارغ

لكن القرار دة عايز اتنين متفاهمين جدا وعارفين قيمه اختيارتهم ومش يهمهم كلام الناس

ولا العرف السائد فى مجتمعنا طلما الاتنين راضين ربنا وفيهم كل الصفات الحميمه

يسلموا على المرور

[نانـــــو]

لو انت ليك ابن وجالك قالك يابابا انا عايز ادخل اى كلية عسكرية ساعتها هتعرف انك اخترت غلط من البداية وانجرفت وراه مشاعرك على حساب اولادك فى المستقبل
اساس نجاح العلاقة الزوجية هى الدراسة الصحيحة من الاساس والنظرة السليمة للمستقبل ومن رائى ليه نضع لانفسنا عائق هيواجهنا وهيواجه اولادنا فى المستقبل احنا فى غنى عنه
شكرا على الموضوع

[جبل عالي]

السلام عليكم ورحمة الله وبركاته

اولا موضوع جميل يا احمد فعلا

ومن رأيى أن الآراء بتختلف كل بحسب وجهة نظره هو

وكل واحد على فكرة فيكم عنده حق المعارض والموافق

ولكننا لا نعلم أين الخير ... لذلك عندما نحتار فى أمر ما

نتركه لله عز وجل ... على من يتعرض لهذا الأختيار

أن يستخير الله فى أمره ... فربما فى هذا الأختيار سبب

لرضا الله عنه من يعلم ؟ وأيضا لها .. من يعلم

ولا نبكى على أى فرص تضيع من أولادنا كما يذكر البعض

كضياع فرصة الدخول الى كلية ما أو ما شابه .. ولنقل

ماذا لو دخلها ثم مرض ولزم الفراش !!! فما هى النتيجة ؟؟

هل الأختيار الصحيح هو من يمنعه من قضاء الله ؟ بالطبع لا

أحبتى ... من دهسته الحياة وعصرته أحوالها وأهوالها سيتفهم كلامى

وفى النهاية لن يكون الا ما قدر الله له أن يكون

سواء رضينا أم أبينا ....... الله المستعان