كسرتني ولكنك علمتني,, فشكرا لك

[DR.SMA]

أبحثت وراء الكلمات
لترى منها العبرات
أم إكتفيت بما تشعر
لتبني عليه الاتهامات
أسألت لتتأكد
أم رميت بلا عطف تلك الكلمات
الم أكن بالأمس طفله
فكيف في نظرك الان تلك الاساءات
اشعرت بي لحظتها
ام غاب عن قلبك وقتها
انه انا من رميتها بتلك الكلمات
اشعرت بسكينك الجارح
ام كنت لحظتها من الغافلين
وان اكنت كذلك فاين عينيك من دمائي وجرحي النزيف
فأنا من كنت لها الحامي والقاضي
فكيف تحكم عليها الان بدون اثباتات
حكمت في لحظه غضب ونسيت كل ما كان
نسيت كلماتك وحبك واحساس الابوة والامان
نسيت طفلتك الصغيره وتركتها للزمان



اشكرك
اشكرك لانك علمتني
علمتني انه لا امان للزمان
وان الانسان مهما كان فهو انسان
يحب ويكره
يخطيء ويصيب
افقدتني ثقتي بمن حولي
علمتني ان يقسو قلبي
وان يسبقه عقلي
واوضحت امامي كيف انا مهمه لنفسي
وانني اهم واكبر من الجروح
ولكني تعلمت منك ايضا
ان هناك من يستحق الحب والاحترام
وانت اولهم حتى بعد ما صار
يكفي انك كنت لي رمزا وقدوه
اما الان فأنا اشكرك لأنك علمتني
نعم ومؤكد جرحتني
وصدمتني وخذلتني
ولكن لن انسى يوما انك علمتني
فلك مني السلام والاحترام

تحيـــــاتي

سمــــــــا

[SiLver Spectra]

معلش يا سما
في ناس كدا فعلا تحب الشر و تدعي الخير
و تلاحظي انه مع ناس كتير بيمارس نفس التصرفات
فتلاقيه عايز يفرق و عايز يشتت و نفسه مش سوية
و على النقيد في ناس زيك كدا بيعيشوا بحسن نية و بالتالي بتجيلهم صدمات

أهلا بيكي في الحياة
و نيصحة : ما تاخديش دايما بالظاهر

موضوع قيم يا اسماء
دوام الابداع..

[حنـــــون]

الله عليكى ياسما بجد مش عارفه اقولك ايه

كلامك بجد جميل اوى اوى واحساسك رائع

هيا دى الحياه يوم معاكى وبتضحك وعطياكى كل

الامان ويوم توريكى كل الناس على حقيقتها

بجد ابدعتى ياسومه عجبنى اوى الموضوع

دومتى مبدعه

[مشتاقه للجنه]

كلام جميل جداا يا سما

تحسى معاه بنض الكلمات بجد مبدعه

تقبلى مروورى

[тoкα..♥]

عـجبـني آوي ^^
كلآمك جميل يـآ سمـآ ,, وحـلو إنك تتعلمي فـ الآخر مهمـآ كآنت الصدمه قويه ,,
ومحدش بيتعلم ببلآش !~\
بـس الإنخدآع فـ حد ذآته صعـب فـ حـد كنتي ممكن تكوني حـآطه فيه كـل الثقه ,,
الموهم ,, مبنقفش عـنـد حـد وبنكمل ,, وآدينـآ بنتعلم وآهي حيـآهـ ^^
دآم نبض قلمك الرآقي !~\

[yasmine refat]

موضوع جميل جدا

الطبيعي جدا ان احنا في البدايه نتعامل بحسن نيه ونشوفهم كويسين ((فكل يرى الغير بعين نفسه))

وبنبدء نحذر منهم اول ما نشوف موقف وطبعا ده بيحصل بالعشره ومن الغباء بقى إني مشفش الغلط وانا قريبه فده العيب مني

الحياة مش ورديه بس مش لازم نعشها بشكوك نحسن النيه وفي نفس الوقت ننتبه لما تحصل حاجه تستدعي الانتباه

وده الطبيعي انك كل متقرب تشوف عيوب أكثر والانطوائيه مفهاش اي زكاء الزكاء هو انك تنتبه وتعرف مين مؤهل للثقه ومين لا

عموما كل شيء بيهون قوي قلبك بس وثقي في ربنا

واخيراااااااااااااااااا

العاقل خصيم نفسه

رائعه

[misho]

عجبني جدا موضوعك
كتير بنقابل ناس في حياتنا وبنثق فيهم جدا
و نحسن الظن بشكل كبير فيهم
و في الاخر يطلعوا خارج نطاق الثقة دي
و تبدأي تعرفي انهم ما يستاهلوش ثقتك ولا احترامك من الاساس
لكن مش معناه اني افقد الثقة في كل الناس لكن اني اكون حذرة
و مش عيب اني اغلط في نظرتي لانسان
بالعكس دي تجربة بمر بيها وبتخليني اقوي لاني هقدر احكم صح بعد كدة
واحط ثقتي في اللي يستاهلها
و المواقف اللي بنمر بيها بتوضح حقيقة الاشخاص ونواياهم
تسلمي علي الموضوع الجميل
تحياتي

[دمعه حائره]

الأنسان طول ماهو عايش بيتعلم
وبيقابل كتير بيضع ثقته فيهم وبيكتشف
غدرهم
سلمت اناملك سماكلمات رائعه من واقع الحياة
تحياتى واحترامى

[Dr.nour]

مش عارفه اعلق والله ،،

بس فى الاخر

احنا الى غلطانيــن

الانسان هو الى بيجلب لنفسه السوء

فعلا احنا الى اغبيه

موضوع جميل يا اسماء

موفقه يا عســـل

[Sєяєєη●•ʚɞ]

جميله اوى يا سما برغم احساس الوجع ال حساة من كلماتها
اجمل مافيها انك بتشكرى ال بيصدمك علشان علمك ،، ودى حقيقة فعلا
صدماتنا هى اللى بتعلمنا وبتقوينا ..!!
ماتزعليش لو اتصدمتى فى ناس او حتى فقدتى فيهم الثقة لانك من الاول حطيتهم فى مكانة اكبر من مكانتهم،،
وارد اوى اننا نتصدم فى ناس وحتى نتصدم فى تفكير وشخصيات ناس كنا حاطنهم فى وضع معين ونزلوا من الوضع دة لوضع اقل،،
المهم اننا نتعلم ونقيم علاقتنا دايما مع كل المحيطين بينا علشان نعرف نحكم صح،،
والحكم مش بيجى من مجرد موقف او اتنين بيجى من خلال مواقف ..!!
اهم من دة كله ان مهما اما قابلنا ناس واتصدمنا فى ناس لازم نحتفظ بالمميزات الحلوة والجميله اللى فى شخصيتنا خصوصا لو كنا راضين عن شخصيتنا وتعاملاتنا مع الغير،،
فمانخليش صدماتنا تضيع الحاجات الحلوة ال جوانا ونشوف الدنيا كلها وحشة او مافهاش امان لان الدنيا مش كدة..!!
سوء الاختيار من الاول وعدم تقيم علاقتنا هو ال بيصدمنا وبيخلينا حاطين ناس فى مكانة مايستحقوهاش لانهم ماعرفوش يقدروها ،،
وتقيمك دة بيساعدك بعد كدة فى حسن الاختيار المرة الجاية وبيديكى خبرة اكتر فى معامله البشر،،
وكونى متأكدة ان اى حاجة بتحصلك فى حياتك دى هى الخير ،،
تســــــ،،ــلم ايدكـ ع الموضوع... :278: