طريقنا كلنا طريق كل شاب وفتاه {افضل من الافضل}

[♥Donya♥]

السلام عليكم ورحمه الله وبركاته


رسالتي الي كل فتاه وكل شاب
الي افضل من الافضل
الي طريق الصح
الي طريق التوبه والمغفره
الي طرق يذكرنا بالله
الي طريق يقربنا من والدينا
الي طريق يقربنا من الصح
ويبعدنا عن الخطائ


السعاده
كلنا هنا بندور ع السعاده
وبطرق مختلفه
وكل ده عشان السعاده
السعاده ادمان
كل انسان مدمن سعاده
وياريت في الاخر يلاقيها
انا عايزه السعاده
جربت شربت وادمنت
ولكني في الاخر ضعت
انا فتاه وعايزه انسي
انسي عيشتي وذلي في بيت اهلي
كلمت وحبيت واجوزت
اجوزت عرفي عشان اعرف معني
السعااااااده والحريه
السعاده
طريق للشياطين
اخره ضياع
ضياع من حب اهلينا
ضياع منقله تردد كلمه الله
علي شفاتينا
السعاده
كل شخص شايفها بطريقه
اللي شايفها بالادمان
واللي شايفها الانحراف
واللي شايفها بالسرقه
واللي شايفها بالفلوس
واللي شايفها بالمظهر
كلها طرق كتيره
ولكنها مشتقه من طريقواحد
هو طريق الضياع
ده ابويا جه مخنوق من الشغل
ماعملتش حاجه وضربني
سيبت البيت وهربت
علشان ابويا بيكرهني
ده كل اللي بتقوله اي بنت
ماحسبتيش نفسك مره
لما بتطلبي "فلوس "لبس" اكل"
ليه هو مجبور ع احتياجاتك
كان ممكن يقول
بنتي بتكرهني مش مقدره امكانياتي
فكري وافهمي قبل ماتتكرري
ليه الحقد والالام ليه كلنا نعيش في ضياع
ماهو جه من الشغل وكان زهقان
تعبان قرفان عشان
اتحمل اهانه زمايله
وكل ده عشان تعيشي احسن
من صحباتك
صحباتك اللي مليين دماغك
بالشباب والمرح معاهم
وباخر موضه نزلت
وموبايل احدث من موبايلاتهم
هتقولي ده ابويا وعايزني
يشوفني احسن واحده في الدنيا
مش معني كده انه يهيني
طب مانتي برده بنته
والمفروض انك تسمعيله
ولو كلمك ولا ضربك
يمكن جاي مخنوق
هيطلع همه في مين غيرك
مانتي ساعات لما الواد
مايردش عليكي ويسيبك
بطلعي همك فيهم كان ممكن تفكري
وتحطي نفسك مكانهم
قبل الضياع
السعاده يابنتي مش الكلام والحب والموضه
السعاده موجوده في قلبنا
دوري علي مين هيحبك
ويفضل جمبك مايسبكيش
هتلاقي اهلك هما حبايبك
وانت يا شاب يا ناضج
اتعلمت تشرب وتدمن
وكل ده عشان في البيت
ابوك بيقولك اتحمل مسئوليتك
اشتغل واصرف ع نفسك
وكله ده امله انك تبقي راجل ناضج مسئول
مسئول عن بيت لما تجوز ده لو واحده رضيت بيك وانت في حالك ده
ويطمن عليك في المستقبل
المستقبل اللي مش عايشه هو ليك
هتبقي ازاي من بعده
لما تفلس هصرف وتقول
هتبيع اعضاء جسمك
عشان تشرب وتدمن
فكر فكر هنخسر ايه لو فكرنا
وجات علينا للحظه
ونحط نفسنا مكانهم
هل انت عايز ابنك كده
هل انتي هتسيبي بنتك كده
ياشباب يا بنات
كلنا غلطنا وفي
في اللي لسه ماغلطش
قبل ما الطريق ياخودنا
ويقودنا في سكه الضياع
نقف لحظه صامدين
ونفكر بعقل سليم
ونفهم وجه نظرهم
ونشوف هما مننا ايه عايزين
ونعيش حياه شبه طبيعيه
مابين اهالينا وحبيابنا
ونسيبنا من صحابنا اللي مصممين يكملوا
يكملوا في سكه الضياع
ونحاول نساعدهم
بس من غير ماياسروه علينا
ونذكر الله
الله اللي مافيش بعده
اللي وصانا ببر الوالدين
ونطلب منهم المسامحه
ولو رفضوه نطلب تاني
لحد مايفتحوه قلوبهم
ونكسب ثقتهم من تاني
بدعائهم لو انا فقير
هكون غني
بدعائهم لو انا ضعيف هكون قوي
هما املنا في الحياه
نحاول نرضي ربنا عز وجل ونكسب رضاهم
عشان مانشوفش ده في اولادنا
اللي في مستقبل يفتخروه باعملنا
مع والدينا
يلا يا شباب ويا بنات
ماندورش ع شئ اسمه السعاده والحريه
ندور بس علي مستقبلنا في الحياه
والافضل لينا
ونكسب حب اهالينا وثقتهم من تاني
الفرصه ماضعتش ولو كنت في الاخر الطريق
بايدينا الخيارات
الخيارات دائما موجوده
مافيش شئ اسمه قدر ومكتوب
ربنا سامحلنا بالاختيار
ايدينا في ايد بعض
ونقول بصوت عالي
انا هبقي افضل من الافضل
"الي الامام كلنا"

[misho]

كل واحد وبيختلف مفهومه عن السعادة
و كلنا بنحاول نحققها
لكن كل واحد بيختلف في طريقته
في واحد بيفكر صح وعارف انها هتتحقق برضا ربه عليه ورضا اهله
و تفكيره في مستقبله بطريقة سليمة
و تحمله لمسئولية نفسه
علشان كدة بيقدر يوصل للسعادة
لكن في واحد شاف ان الطريق للسعادة هو الادمان والبعد عن اي مسئولية
و البعد عن ربنا وعن الاهل
لكن نسي حاجة مهمة ان كل دة سعادة وقتية وهمية
مجرد ما يفوق منها هيلاقي عمره ضاع ومحققش اي حاجة
السعادة الحقيقة هي اللي اسعد بيها واللي حواليا كمان يسعدوا فيها
هي السعادة الدايمة اللي مش بخالف فيها ربي
ولا بأذي نفسي ولا اهلي
موضوعك ودعوتك حلوة اوي يا دنيا
تسلمي يا قمري علي الموضوع الجميل
تحياتي

[~♥ Queen sozan♥~]

السلام عليكم ورحمة الله وبركاته
السعادة سعادة القلب والروح
وان تلقى السعادة فى عيون الاخرين
فى عيون اهلك اعز ناس على قلبك
فى عين ابوكى وامك

شكرا على كلماتك
وموضوعك
ومنتظرين كل جديد

[الطفلة الحالمة...]

كلمــات ..رائعــة

[DR.SMA]

طرق البحث عن السعاده تختلف من شخص لآخر
وحتى الشعور بالسعاده
ليس متوافق عند الكل
السعاده احساس داخلي
يشعر به المرء نتيجه رضى بأمر ما
السعاده هي مطلب الجميع
وكل له طرقه
ولكنها دوما لا تكون كامله
ولكنها تكمل فقط في رضى الله عنا
وحبه وطاعته
هكذا نشعر بالسعاده الكامله
بين يدي الله
تحياتي لكلماتك الجميله
ورقي نصيحتك

[دمعه حائره]

السعادة فى رضى ربى عنى ووالداى
وراحة البال
كل متع الحياة زائفه ومؤقته
سلمت اناملك كلماتك رائعه
ونصائح غاليه
تحياتى واحترامى

[Dr.nour]

نعم ،،

طريق الله عز وجل

احنا بعدنا كتير اوى يا همس

محتاجين نقرب من ربنا تانى ،،

وهو ده الحــــــــــــل

دمتى بامان الله ،،

[الخيالى]

شكرا اختى على النصائح الغالية

لكى منى كل تقدير واحترام

تحياتى وتسلمى

[♥Donya♥]

اقتباسالمشاركة الأصلية كتبت بواسطة misho

كل واحد وبيختلف مفهومه عن السعادة

و كلنا بنحاول نحققها
لكن كل واحد بيختلف في طريقته
في واحد بيفكر صح وعارف انها هتتحقق برضا ربه عليه ورضا اهله
و تفكيره في مستقبله بطريقة سليمة
و تحمله لمسئولية نفسه
علشان كدة بيقدر يوصل للسعادة
لكن في واحد شاف ان الطريق للسعادة هو الادمان والبعد عن اي مسئولية
و البعد عن ربنا وعن الاهل
لكن نسي حاجة مهمة ان كل دة سعادة وقتية وهمية
مجرد ما يفوق منها هيلاقي عمره ضاع ومحققش اي حاجة
السعادة الحقيقة هي اللي اسعد بيها واللي حواليا كمان يسعدوا فيها
هي السعادة الدايمة اللي مش بخالف فيها ربي
ولا بأذي نفسي ولا اهلي
موضوعك ودعوتك حلوة اوي يا دنيا
تسلمي يا قمري علي الموضوع الجميل
تحياتي

صدقتي يا ميشو كل اللي ماشي في طريق السعاده
الغلط كل ده سعاده وقتيه وهميه
اتمني تكوني استمتععتي بالتوبيك يا جوكره

[♥Donya♥]

اقتباسالمشاركة الأصلية كتبت بواسطة همسღ الجراحالسلام عليكم ورحمة الله وبركاته
السعادة سعادة القلب والروح
وان تلقى السعادة فى عيون الاخرين
فى عيون اهلك اعز ناس على قلبك
فى عين ابوكى وامك

شكرا على كلماتك
وموضوعك
ومنتظرين كل جديد

اسعدني ردك يا هموسه ونقاشك للموضوع
دمتي بالف خير