قوم ولعلك شمعه .....

[Dr.nour]

بسم الله الرحمن الرحيم









بصيت من فوق برج عالى واديه بترجف ،،

ومسكت بعزم ما فيه ،، فى الشرفه الجوانيه

ميلت برأسى لتحت ،، ودققت بعنيه

بصيت ولقيت ناس ماشيه وعالم دايخ من فوق لتحت ،،

لا الماشى بيفضل ماشى ولا المرتاح هيدوم راحته ..

بصيت ولقيت ::


شيخ كريم ،، للعالم فهيم ، ماشى ينصح نصح الحكيم

شايل دقنه قدامه مترين ،، وعامل بيها فوطه وقت اللزوم والحين

كل من شافه قال ده حكيم ،، كريم

لا بينطق غير بأسم الله ،، ولا يعرف يحكى فى حق الغير

والناس شايفينه شيخ مزبوط ،، وعلى وشه الطاع والقبول


شفته بيقابل رقاصه من خلف جدار ..

قولت اكيد دا ناصح ضد الرقص والاومار .

ولقيته ف الاخر شيخ مزمار ،،

بيحب يبان من ورا الستار على انه شيخ مغوار

ويا ويله من ربه ،، يوم الحكم على عبده



ـــــــــــــــــــــــ


ولقيت بنوته جميله وشيك ،،

باين عليها من بيت مماليك

ماسكالك شنطه فرنسيه ،، ولابسالك مينى جيب

وفى نفس اللحظه الاقيها ،، بتعلق شاب على الناصيه

وبتسرق منه محفظته ،، وكمان منديله وكرفته

اصل ابن الناس ،، كان بيدور على بنت يقضى معاها اليوم

وكمان اهو منه يتسلى من غير ما يفكر ف اخته ف يوم

وبباه مديله عربيه ،، مصروفه الشهرى يآآآآآآآآكل بيه ميه

وفى لحظه لقيت راسى لفت وعنيه تدور ،،

مش فاهمه ليه الانانيه ،، والناس الدون


ــــــــــــــــــــــــ


لفيت ع الشارع الورانى ولقيتلك واحده

نايمه على جنب الشارع زى الفرخه الدايخه

وشويه وقامت م النوم عماله تدور

بتدور على لقمه حاف فى بقايا الناس

مهى اصلا كانت نايمه على جنب رصيف ويا السله

دا صحيح كان فى سله فيها زباله

مليانه بواقى من ناس مش فاهمه القصه ..

ودى كانت قصه طويله وممله

كل اما احكى للناس ع الفرخه الدايخه

يقولولى سيبك يا حاجه ،،

دى صحيح ناس فاضيه

وبقيت اغنى فوق البرج من غير احساس ،،

وكأنى شاربه كوبايه مليانه ازاز عمال بيقطع فى جوفى ،،

ال شايله الهم على الناس ،،

ولقتها فجأه بتغيم من فوق راسى

والشمس بتغرب من ظهرى

والدونيا فجأه بقت سوده من فوق راسى

و .............

<< قوم ولعلك شمعه >>

[DR.SMA]

عشان كده يا نور بلاش نحكم على الناس من اول نظره

لأن الحكم ممكن اوي يكون غلط

المظهر والكلام مش هو الي بيبين الناس على حقيقتها

لكن المواقف والافعال هي الي بتوضح الصح من الغلط

بلاش تشوفي الناس بعنيكي

شوفيهم بعقلك احسن

عشان نعرف نعيش ف الدنيا يا قمر

وحتى لو عقلك شافهم غلط

اكيد هتتعلمي من كل مره تكتشفي فيها الصح من الغلط

بس اهم حاجه انك لما تكتشفي الحقيقه

ترتاحي وبلاش تخليها تكسرك

ما لا يقسم الظهر يقويه

تحياتي لمشاعرك وكلامك الصادق

من داخل قلبك الى داخل قلبي

:120::120::120::120:

دوام التميز

[سمش2012]

:cv10:صدق من قال ان الحياة شعله اما نحترق بنارها ونقوى واما نطفئها ونعيش في الظلام%%%

[Mo7aMeD Lotfy]

نووووور

كلماتك جميله جدا ومتميزه وصادقه
بس يانور كل النتائح السابقه لانك مش اتمعنتى فى النظره للشخص من البدايه
لاننا لو اتاكدنا من اللى قدمنا ممكن وده شىء قليل اننا مش نقع فى خطأ التقدير
اتمنى تقابلى ناس صادقه فى كل تعاملاتها
واتمنالك حياه سعيده موفقه ان شا الله
ومش تولعى شمع كتير
عشان بيقولوا الكهربا هتقطع كتير اليومين الجيين دول
وهنحتاج الشمع
بالتوفيق يا نور

[♥..pure]

هههههههههههههه

هم يبكى وهم يضحك

اسلوب جميل وجديد فى سرد الموضوع

قود ولعلك شمعه ...

العنوان نفسه لافت النظر ويشد الانتباه

بلاش ناخد المظاهر عشان ساعات بتكون خداعه

تسلمى يا نور على قلمك

دمتى بخير ...

[ARAGON]

فعلا.. موضوعك .. يستاهل يا نور..

بس دي الحياة ,, لازم يبقى فيها كده وكده وكده

هي كده لو ليها لون واحد الحياة ما تنعاش

كتير بيشوفوا وبيحكموا بمظاهر وبخلافه

بس ما في حد يعرف اللي بالقلب وعمر ما كان المال بيصنع بني ادم

ولا قلته بتصنع الانسان

لا ده ولا ده ..,

بس في النهاية موضوعك ليه كلمات كتير نقدر نقول عليها

منحنيات بس على طرق مختلفة

تسلمي

[~♥ Queen sozan♥~]

السلام عليكم ورحمة الله وبركاته
ممتاذة يا نور
لو الحكم با المظاهر كان العالم اختلف
وهى الحياة والدنيا كدة يا نور
الوان
وكل لون لية حكاية وكل لون
لية قصة ولكن لى يفهم
ويعرف كل لون على حققتو

شكرا على موضوعك يا نور
ومنتظرين كل جديد

[ماتركس]

الدكتوره / نور

موضوع جميل منك يا نور احنا اتوالدنا في الدنيا دي يا نور كانت زي الورقه البيضاء

زي ما بتكون كراسه مشتريها جديد مفهاش والا شخبطه

بس احنا مهما كان يا نور مش هنقدر نحكم علي لاالناس من كلامهم ولا من تصرفاتهم

والا من اشكالهم لازم نتعامل معاهم ومش مره والا اتنين كتير علشان نقدر

نعرفهم علي حققتهم

تسلمي يا نور علي موضوعك القيم ده ومنتحرمش منك يارب يا نور

تسلم ايدك علي الموضوع بجد موضووع يستاهل خمس نجوم

بالتوفيق اليك

[♥Donya♥]

اسلوبك جميل في التعبير
وعشان كده عايزين
مانظلمش الناس من ماظهرهم
عاشرهم حتي تعرفهم
موضوع متميز
من افضل للافضل
دمتي بالف خير

[тoкα..♥]

كـونت فـآكرة هـدخل ألآقـي شـآديه جـوآ يـآ شيخه هع
جـآمد أوي يـآ نوني مـوضوعك ,,
وهـي المـظـآهـر خـدآعـه >> دي الخـلآصه !
تسسلمي يـآ قمري , مـوضـوع قـيم !