حببتك فى المنتدى ..؟

[الديلر احمد]

الموضوع هو عباره عن سؤالين..؟

للشباب .. لو حببتك فى المنتدى معاك هل تقبل ان يكون عندها صدقات كتير وفى البروفيل بتاعها اكتر من صديق ..اكيد بيبعتلها رسايل صداقه وتعارف وغيره ..انت هتقبل بكدا ..او ان حببتك تشوفها تهزر فى موضوع مع عضو .. او تدخل الالعاب وتهزر .. هل لو طلبت منها انها دليت الشباب ال عندها من حقها انها تزعل ..وتقلب وشها .. وازاى هتتاكد انها بتحترمك وبتسمع كلامك ..؟

للبنات .. هو تقريبا نفس السؤال ..هتقبلى ولا الغيره هتدفعك انك ترفضى انه يعمل كل ماسبق ... هل لو بيحترمك هينفذ كل دة .. زى مانتى لو بتحترميه هتنفذى بردو نفس الطلبات ال قالها ....؟

بجد سؤالين .. عايز اعرف اية ردودكم فيها وبكل صراحه بدون تجميل ...

[ماتركس]

المتألق دائما / احمد الديلر

اولا ازيك يا ابوحميد ويشرفنا تواجدك معنا في منتدانا الغالي ده يا احمد

انا هتكلم في الموضوع ده بصراحه يا احمد هيختلف راي في حالتين

لو كانت خاطبتي مش همنعها انها تدخل المنتدي بس مهما كان لازم تبقي شخصيتها محترمه

مش تهزر معا ده وده انما لو كانت زوجتي بصراحه

الزوجه الحقيقه بعد الزواج تمنع نفسها منعا باتا من دخوال النت

لسبب انو هيكون عندنا حجات كتير اهم من المنتدي عندنا اولاد وعندنا بيت لازم نعطيه كل

وقتنا علشان نبني حياه سعيده بينا

انا ضد اي زوجه بعد الزواج تدخل المنتديات علشان في حجات كتير في بيتها اهم من كده

الزوجه اللي تعمل كده تبقي زوجه خايفه علي بيتها وزجها

غير كده تبقي زوجه مستهتره

بالتوفيق ليك يا غالي

[الديلر احمد]

تسلم ماتركس وبصراحه ردك جميل جدا

لكن انا عن نفسى ... مش همنع انها تكون فى المنتدى ..دى لو حببتى لكن اكيد هرفض يكون ليها صدقات

هو تعسف شوية فى استخدام الحق .. لكن افتكر حقى انه اطلب كدا او اعمل كدا

لكن لو مراتى او خطبتى مينفعش تشم المنتديات اساسا ... لان زى ماقولت تكوين الاسره والبيت اهم من كدا بكتير

الشب بن البلد ديما بيكون حابب يكون سى سيد ومراته او حببته لازم تحترمه وتحسسه بكدا

لكن او اتصرفت من دمغها مفتكرش انها تستحق يتقال عليها حبيبه وبكدا اهدرت شخصيته واحترامه لنفسه

تسلم يابوحميد منور وربى

[~®§§][][ سيد دندنة ][][§§®~]

لا طبعا يابوحميد انت عارف يااوزى

اننا ولاد بلد منقبلش بكدا

لو بتحترم وجودى مش هتقبل اى طلب صداقه من حد

لو انا مالى عنيها او هى بتعرف تحترم ال قدمها

لكن لو هى مش محترمه اكيد هتقبل الصداقه من ورايا وشغل الرسايل وكدا

مافيش بت فى اى منتدى مش ببيعتلها رسايل وكتير بنفض ومش بتقول لحببها الحقيقه

بتكون مبسوطه انها مرغوب فيها وببيعتلها رسايل ودى حاجه بضايق بن البلد الراجل

لكن الراجل السيس اكيد هيقبل ويقولك بيس يامان


شكرا يابوحميد على الموضوع فعلا فكره داخل كل المنتديات وظاهره حقيقيه

[DO3AA]

طيب كويس انك بتقولوا كده
لكن انتو مقولتوش ان كنتوا هتدخلوا منتديات بعد الزواج وتمتنعوا عن كده زى ما هتمنعوا زوجاتكوا
ولا هتمنعوهم وتدخلوا انتو؟؟؟؟؟؟؟؟؟؟؟
و كلامكو غايظنى بصراحة هههههه
يعنى هى البنت بس اللى بيتبعت ليها رسايل و بتبقى مبسوطه انها مرغوب فيها؟
و هى بس اللى بتنفض ومش بتقول ع الرسايل؟
و ماتركس بتقول البيت والاولاد اهم ده طبعا صح
لكن ايه المانع لو بتدخل لبعض الوقت؟
و احمد بتقول ازاى هتتأكد انها بتحترمك وبتسمع كلامك
مفيش حد هيبقى زى المخبر مع اللى بيحبه دى بترجع للثقة
و لو اختيارك صح والبنت كويسة اكيد هتسمع كلامك وتحترمه لما تطلب الحاجة منها بحب
مش تأمرها وتحسسها انه فرض و اما كده يا بلاش
و بالنسبة ليا لو حبيبى فى المنتدى همنعه من دخوله وهمنع نفسى قبله
لو اصر يدخل ومحترمش رغبتى وقدر مشاعرى يبقى هعامله بالمثل
و اعتقد بعدها مش هيبقى فى حب ولا حاجة لان لو الاحترام والتقدير راح
الحب كمان هيروح
هوه صحيح لازم يكون فى ثقة بين الاتنين لكن الحرص واجب

تسلم يا احمد ع الموضوع المهم ده

[AnGeL SenSe]

بالنسبة ليا يعني لازم يكون بينا ثقة مش معنى انو بيدخل النت اشك فية

بس هوا لازم يكون محل الثقة الي حطتها فية وطول ما الانسانة الي بحبها مالية عنية

عمرها ما هتكلم غيرو ولا تفكر في حد تاني

وانا اكيد هسمع كلامو في كل صغيرة وكبيرة يؤمر بيها

وهاخد رائيو في كل حاجة والاهم من دا كلو الثقة بينهم

اكيد انا بغير عليه بس كمان مش اشك فيه

وربنا يركمنا ويكرمكم ياااااااااارب

موضوع جميل اوي تسلم ايد حضرتك

تحيااتي اختك

[الديلر احمد]

منورنى اكيد ياسيد وهى دى الرجاله ولا بلاش . مش عيش وسبنى اعيش

والنبى الناس تقول عليا ايه .. خلاص اتاكل وشى حببتك فى المنتدى وعمالها صندوق اجتماعى ..

كتير جدا بنسمع الجمله دى من اى اتنين صحاب فى المنتدى وحد عارف ان حبيبه صحبه معاه فى المنتدى

كلامك تمام يا دعاء على فكرة واكيد لما اتجوز مافيش منتديات زى زيها انا مش احسن منها فى حاجه بالنسبه لموضوع النت

وكلامك جميل يا انجل

لكن لو هى منفذتش الكلام ال هو طلبه منها يبقى هى مش بتحترموا وبالتالى يبقى بناقص منها احسن

وتعيش حيتها فى المنتدى ...

اكيد نورتونى كلكم

[بحرولكن]

السلام عليكم ورحمة الله وبركاته

أستاذ أحمد أشكرك لكل ما يجول بخاطرك من معاني للنقاش
وهيا تستحق فعلا النقاش
وبشكر كل أخواني وأخواتي اللي ساهمو بالرد والمشاركه

طبعا أنا لي وجهة نظر بعف حجمي بين عمالقة الكلمه هنا
أولا أنا مرتبط بأنسانه من داخل المنتدي وطبعا أن شاء الله وباذنه سوف يكون هناك أرتباط
ثانيا أنا عرفتها من بيتنا دا منتديات بنات مصر يعني أتعرفت علي كل الاحترام فيها أو بمعني
أني لما قبلتها بالبدايه عرفت أنها تجمع الاخلاق مع الشرف وبنت ناس وأحنا كلنا هنا بيت واحد
يعني لا شات نقول أنه مرفوض منه شيء ولا هو مكان غير مولاءم لينا بالعكس كلنا بنحاول نكون
موجودين بالمكان علشان أحنا محتاجين ننفس عن أنفسنا بالقلم ومن عناء اليوم كله

أما بالنسبة لاني أخليها تقبل الصدقات فالحب ليس أمتلاك ولا أكبار علي شيء لكن بمجرد أن السيده
التي تحترم ما علقت روحها به فهيا اتوماتك بتتوقف عن حالات الصداقه علي حسب شخصية الشاب
او الرجل اللي معاها وبالنسبا لموضوع الصدقات أنت ان كنت تحبها وتعلم جيدا انها محترمه كما عرفت
فتاكدت انك حتي لن تفكر بهذا الشيء وبالنسبه لاني ان شاء الله بعد الزواج امنعها بسبب بيتها فدا لو انا
شايف انها مهتمه بمكان غير بتها ومقلله من اهتمامات حيتنا فدا ممكن اما غير كده فانا لا امنعها ومدام انا
اتعرفت عليها بالمكان دا فايه المانع انها تبقي وايه المانع من الثقه ديما بنا وبعدين انا اذي امنعها من شيء انا
حبه وديما بلجائله

أعزروني علي الاطاله وأشكرك أخي الكريم علي موضوعك الراقي

[الديلر احمد]

والله ردك كتير عاقل وهى بتكون الثقه متبادله بين الطرفين

بغض النظر بقا عرفتها من المنتدى او من تشات

الاهم انها تديك الاحترام الكامل .. لما تقول دة لا يبقى دة لا

اصل انا مش برفض ان يكون ليها صدقات بنات .. لكن شباب سورى

طبعا انا مش هلف على كل واحد واعرف نوايه اية يمكن يكون محترم ويمكن يكون لا

ممكن تكلمه باحترام وهو ياخد الكلام ويترجمه لحاجه تانيه

كل شىء وارد وانا اقصد تجنب لحدوث شىء

يبقى تقفل قبول طلبات الصداقه لو هى متمسكه اوى كدا بالمنتدى

لكن بعد الجواز فى اولويات ..

تسلم نورتى والله

[محمد الشريف]

اقتباس
المشاركة الأصلية كتبت بواسطة d.g. dandana





لا طبعا يابوحميد انت عارف يااوزى

اننا ولاد بلد منقبلش بكدا

لو بتحترم وجودى مش هتقبل اى طلب صداقه من حد

لو انا مالى عنيها او هى بتعرف تحترم ال قدمها

لكن لو هى مش محترمه اكيد هتقبل الصداقه من ورايا وشغل الرسايل وكدا

مافيش بت فى اى منتدى مش ببيعتلها رسايل وكتير بنفض ومش بتقول لحببها الحقيقه

بتكون مبسوطه انها مرغوب فيها وببيعتلها رسايل ودى حاجه بضايق بن البلد الراجل

لكن الراجل السيس اكيد هيقبل ويقولك بيس يامان


شكرا يابوحميد على الموضوع فعلا فكره داخل كل المنتديات وظاهره حقيقيه



مافيش بت فى اى منتدى مش ببيعتلها رسايل وكتير بنفض ومش بتقول لحببها الحقيقه

الأخ / سيد

يجب مرعاة عدم التعميم على البنات جميعا


حتى لا تجرح شعورهن بأسلوبك الذى تعممه فالمحترمة

محترمة سواء داخل النت أو خارجه

لذا وجب التنبيه حفاظا على الشعور