عشتك ( ألم ) كلك متاهات .. وهبال

[بدر السعوديه]

قلبك يغـرّك وأنت ( فالحب ) تحتال

وشلون شايل بين الأضلاع ( قلبك )

مدام مالك بالهوى ( فـــيّ ) وظلال

ما يختلف لو شفت ( سلمك ) وحربك

كنت أحسبك .. تعطي على كل الأحوال

وأثر ( العطا ) ما وافق بيوم ( دربك )

عشتك ( ألم ) كلك متاهات .. وهبال

معنى العذاب .. وجاير الهم .. قربك

طبعك تجاوز للأسف طبع ( الأنذال )

ليتك تحس بحــرّ ( نارك ) وكربك

في داخلي يبني لك ( الكره ) تمثال

بين ( الحنايا ) لو تصورت .. يربك

خنت العهود وجيتني ( حيل ) تختال

الوجه شرق و ( نـيـتك ) يم غربك

غدرك معك في داخلك ( حـيّ ) ما زال

ما هو غريب إن صار ( زادك ) وشربك

لا تحسبن جروح .. مثلك على البال

من صد ( جيشك ) قادر إيـبـيـد ( سربك )

مات الشعور ولا بقى فيه ( مثقال )

تعبت أجامل .. وأدفع ( أتعاب ) كذبك

خذها صريحة وأصدق القول .. ينقال

هجرك دواك وزايد ( الــبُـعد ) طبك

وش تنتظر بالله .. يا متعب الحال

إرحل ولملم .. مع بقاياك .. ذنبك

ما عاد قلبي ينظرك ( عـزّ ) وإجلال

لو ( مت ّ ) عنده ترتجي .. ما شعربك

فرصه عطيتك وأنتهى وقت ( الأمهال )

أعلنت فيها ( للملأ ) موت .. حبك