كلمة من قلب بنت مصر /بحبك و حبك في دمي

[BATOULLOVE]

مش عارفة ليه بحبك وبتغزل فيكى وأشوف الجمال كله فى حروفك ومعانيكى ولو حد فى يوم اعتدى وجار عليكى بروحى ودمى يا أمى أفديكى بحبك ودايبة في هواك دوب وغزلت لنفسى من غرامك توب ولو عذبونى فى حبك يا بلدى عمرى ما اندم ولا عن حبك أتوب بحب طينة أرضك وطيبة ولدك بحب نيلك وهرمك ورسمة علمك بحب مدينتك

وريفك وشتاكى وصيفك وأكره والعن أبو اللى خانك وظلمك بحبك حب مالوش وصف ولاحد بحب كل ما فيكى من اسكندرية للسد يا بلد الأزهر والكنايس والمداين كل اللى زارك وشاف أثارك حبك بجد بحبك رغم ان جيبى نضيف وبحارب فيكى عشان الرغيف وسنين عمرى اتسرقت فى هواكى وربيع العمر أصبح خريف يا بلدى يا جميلة يا كاملة الأوصاف فيكى الفاسدين وفيكى الناس الأشراف بس الفساد اللى فيكى يا بلدى مش عيبك عيب اللى شايف فينا وسكت وخاف وارجع وأقول بحبك يا مصر دى الخيمة على ترابك تسوى قصر ولو واحد من ولادك هجرك يبقى ولد ........قليل الأصل

[BATOULLOVE]

اللهم صل على محمد وعلى آله وصحبه أجمعين

[ZEINA ANGEL]

مشكورة عزيزتي على هذا الموضوع الرائع ، وكما قيل (مصر ام الدنيا) ومش حنلاقي زيها بكل الارض ، ربنا يقدم الي فيه الخير ليها ولشعبها الطيب
سلاااااااااام

[DR.SMA]

مشكوره جدا

كلماتك جميله اوي وفيها معاني اجمل واعظم

كلنا بنحب بلدنا الاول مصر

وكل الدنيا بتبحها فهي ام الدنيا

ومن منا لا يحب امه

حماكي الله يا ارض الكنانه ورعاكي

وابعد عنك كل ظالم وكل خائن

وقدر لكي الخير حيث كان

دمتي بأمان الله ورعايته

تحياتي

[BATOULLOVE]

شكرا لمرورك على موضوعي وهذا شرف لي ووسام على صدري