لا احنا اسفين ياريس

[الديلر احمد]

اكيد لازم نقول اسفين للريس واجب على كل واحد غلط فى حق الراجل دة

يتأسف لانه فعلا يستاهل الاسف دة .. لانه خاف على البلد ومسبهاش ومش

حد غيره بعد كل ال حصل دة ابسط حل انه يسيب البلد ويخرج .. لكن انا ريسنا عاقل

راجل عسكرى .. سلام .. حرب ... سياسيى .. ببساطه دة فعلا حبيب البسطاء وواجب علينا كلنا كامصريين نتأسف

لرمز فعلا يستاهل انه يتعمله تمثال جوا قلب كل مصرى .. زى ما الشعب مسك فى عبد الناصر احنا كمان ماسكين فى الريس بتاعنا

دة اب لكل مصرى .. ادينا شوفنا يامصريين اد ايه دول كانت شمتانا فينا ..

دة الريس ال ديما رافع راسنا .... وزى ماقال ان كرامه المصرين من كرامه مصر ومصر لان تتهاون مع من يقلل من كرامتها ..


احنا راجعين اجمد واشد واقوى من الاول بكتير ..

كلنا من غير ما نقصد جينا من غير اتفاق .. مصر عايزه اللحظه دى عايزا منا الانتماء ...

كلنا شوفنا شوية المدسوسين وال استغلوا انتفاضتنا كشباب ... اكيد كلكم شوفتوا

الصحفى الفرنسى ال راما صحبه تحت الدبابه المصريه علشان يصورة ويقول الجيس المصرى بيموت المصريين والمتظاهرين


ياريت كلنا نقف جنب ريسنا وجنب بلدنا


ياجماعه الريس لو كان عايز يهرب كان هرب هو كان فى شرم الشيخ وشرم الشيخ فيها مطار كان سهل جدا انه يهرب

مش عيب انه ماكنش واخد باله ودلوقتى محا كل المخربين

العادلى ... غالى .. رشيد ..وغيرهم


مين فينا مدمعش من خطاب الريس امبارح .. لو مدمعتش يبقا قلبك جاحد



احنا اسفين ياريس ..يازعيم العرب .. ومصر هتفضل ام الدنيا

معلش انا حبيت اعبر عن ال جوايا ودة قليل جدا للراجل دة

ومش عارف كلمه اسف دة هتديلوا حقه ولا لا

[fankosha]

صح يااحمد
لازم كل الى عمل كدا يتاسف للريس
لانه اعطى مصر كتير جدااااااااااااااااااا
وحماها من اى ضرر يكفى اننا طول عهدة
متعرضتش مصر لازمات
فعلا والى ميدمعش يبقى قلبة جاحد انا من اساعت الخطاب لحد دلوقت
بعيط
وميستاهلش منا كل ده
يستاهل كل خير وحب ولازم نقولة شكرا
على كل حاجة
اسفين ياريس انت اعظم قائد
شكر ا على الامان والاستقرار
وربنا يديك الصحة
تقبل مرورى

[الديلر احمد]

اكيد مرورك ومرور اى مصرى او عربى منور طبعا

دة الاب

والريس

والحاكم

والقائد العسكرى

بطل حرب اكتور

قاهر اليهود

وبعدين دة مصر يعنى بلد ناس كتير جامدين

زى ماقال حماقى بلد عم نجيب وسومه والخطيب وزويل والعندليب

وبلد ناسها ولاد اصول نعرف نصون العيش والعشره

ومننساش دور شبانا ال ربنا يارب يحمينا يارب

[SiLver Spectra]

طيب سؤال
حبيب البسطاء دا كان لازم 200 واحد يموتوا عشان يفهم ان في تزوير في الانتخابات!!
و لا عشان يعزل احمد عز و لا عشان يحترم راي الشعب الي تظاهر من يوم 25 يناير و التلفزيون المصري ماجبش اي حاجه عن الاحداث غير لما الدبابات دخلت!!
و لا وقتها كان بيحترم راي الشارع بالأمن المركزي و الضرب و الاعتقال!!
و لا كان لازم مصر كلها تموت عشان يحط نائب و ما يورثش الحكم لابنه!!

كل الي حصل دا نتيجة غباء نظام
سواء في التزوير و لا في البلطجة و لا في الاعتقالات السياسية و لا في احتكار السلطة
و ماتنازلش عن بعض المواقف غير بضغط الشارع
و ليه موضوع قوي هنزله في الاقلام ابقى اقرأه

يمكن نتثقف شوية

[الديلر احمد]

تمام يا طارق

بص يا طارق الريس مش عمده ماسك قريه صغيره هيقدر يعرف كل حاجه ماشيه فيها

كان فى شوية حراميه تحته استغلوا مناصبهم وبدوء يبنهبو ويمسوا دم الشعب

وكل التقارير ان الشعب كله تمام مافيش حاجه اكيد كانت بتوصل للريس حتى لو كانت بتوصل

شوية الحراميه كانو بيقولوا قله مندسه

العيب كان فى النظام كلكل ريئس ووزراء لكن عدل موقفه

هو لو زى بن على كان زمانه طار من بدرى وهو فى شرم الشيخ وساب البلد تخرب

معنى انه فضل موجود يبقى مش حابب البلد تتخرب ويتولع فيها

لو عايز البلد تخرب ماكنش غير الحكومه ماكنش قال ان على استعداد انه يسمع اراء المعارضه

لكن نظام احمد عز وحبيب العادلى وبطرس غالى كانو نهبين البلد

ياريت نقف شوية جنب الراجل دة

تسلم

[حنـــــون]

بالرغم من اى شئ واعتراضنا على نظام الحكم
واى شئ حاولنا نعبر عنه فى مظاهرات 25 يناير
الا ان من المفترض ابداء الراى بشكل محترم
مش معنى ان رئيس دوله ليه اخطاء اننا نرمى كل تاريخه
ونجمع انو خاين احنا اعتراضنا على نظام الحكم فى الفتره الاخيره اوكى
دى حقوق كل الشعب لكن دا مايمنعش اننا نفضل نحترم رئيسنا لاخر فتره حكمه
على ابسط الاشياء انو مش ساب البلد تغرق ومشى نحترم محاولته للتغير
ونبدا احنا كمان نغير معاه انما الى بنشوفه دلوقتى من مظاهرات
وضرب بجد كل دا مالوش اى علاقه بالى عاوز تغير واصلاح للبلد

[الديلر احمد]

ياريت ياحنان كلنا نفكر فى كدا

لان الراجل دة تاريخ مصرى ليه قيمه فى كل قلب المصريين

مش معنى فعلا انه غلط يبقى لازم نعلق ليه المشنقه ونقول دة خاين

لو خاين كان سبنا ناكل فى بعض


تسلمى يا حنان

[حياتي ذكريات]

انا مش عارفة ليه الناس مش مقتنعه باللي قاله مبارك امبارح في الخطاب !!
يا جماعه ده الصح واللي كان لازم يتعمل
مبارك لو كان ساب مصر زي بن علي كان هيحصل خناقات على الكرسي
والاحزاب هتطلع وتظهر ،، ايه الاحسن مبارك يهرب ولا يسلم البلد مستأمنة ؟
انا كنت اول واحده عايزه مبارك يتشال بس بطريقة تليق باسمه
مبارك غلط كتير في فترة حكمه وظهرت معالم فساد كتير
بس قعد 30 سنة من غير حروب و30 سنة أمن وأمان
مبارك قال كلمته امبارح وقال انه مش هيرشح نفسه وكلامه أثر ف الكل
وهيحاول يصلح البلد ف ال7 شهور دول
ولو ما عملش حاجه اعملو مظاهرات طالبو برحيله ،، بس الفترة دي لأ
على فكرة فيه منشورات اتوزعت على قرايبي من ملثمين وستات منقبات
بتدعو للمظاهره يوم الجمعه تاني تتخيلو انهم طلعو اجانب !!
فرنسيين وامريكان ومن استراليا ،، لازم الشعب يفوق واللي عمله مبارك هو الصح
والله بجد لو مبارك مشي بالطريقة اللي الشباب عايزنها في ميدان التحرير
هتبقى اكبر غلطة ممكن تتعمل في تاريخ مصر
مبارك يمشي ايوة بس في الوقت المناسب
الادمن بتاع جروب خالد سعيد اللي بيعمل مظاهرات انسان مش بينتمي لمصر
كل همه يشحن الشباب وخلاص ،، تقدرو تقولو ازاي كان بيكتب والمظاهرات شغالة ؟؟
لما اتسال اتحجج انه عنده خطه رابعه ، خطة رابعه ايه دي اللي تخليه الوحيد في مصر
فاتح النت ويكتب وليه مش بينزل مظاهرات ما دام بيدعو الناس !!
ما تخلوش حد يلعب بعقولكم ،، مبارك هيمشي بس مش بطريقة شباب التحرير

[SiLver Spectra]

ايون هو مش زي بن علي و دا أمر مافيش عليه خلاف
و حسني راجل وطني و عمره ما يهرب لأنه راجل عسكري

لكن فكرة ان الي تحته حرامية
دايما يقولك كل راعي مسؤول عن رعيته
انت المسؤول
يعني لما تقيل الحكومة و تقيل رئيس الوزراء طب ما ممكن أقولك رئيس الوزراء ذنبه ايه ما يمكن كويس
هقولك ما ذنبوش بس هو المسؤول عن الحكومة ككل
نفس الوضع انت الراس الكبيرة المسؤولة عن النظام

لما تشوف انتخابات و تلاقي الحزب بتاعك فايز بنسبة 98% و تطلع و تتريق على المعارضة الي عملت برلمان موازي و تقول : خليهم يتسلوا!!
يعني انت عارف و داري بالتزوير و بتستهبل
لما تلغي الاشراف القضائي يبقى انت عارف و بتستهبل

حسني كان هيرشح نفسه للانتخابات الي جايه و كان مخططه هو انه لما يموت ابنه يبقى رئيس الحزب الوطني و بالنيابة عن الحزب ابو تزوير هيرشح نفسه في الانتخابات الكوسة الي من غير اي اشراف و يفوز بنسبة 99%

يبقى دا ازاي اقول عنه راجل حكيم
ازاي افتخر بيه إذا كان هو راس النظام الفاسد!!!

[فراشه الحياه]

ا/ طارق
الحق مش علي الريس الحق علي الي كانوا معاه بس الريس نيته طيبه من ناحيه البلد
و لا يمكن رئيس جمهوريه بحالها هيستغلها و يسرق شعبها
و بعدين انا من رأي ان الي ميدان التحرير دول يروحوا لأن الريس بدأ ينفذ بعض مطالبنا و بعدين الريس فاضله 6 شهور و يمشي مش قادرين نستناهم بعد 30 سنه ؟