من تؤيد ؟؟؟؟؟

[fankosha]

انا راى ان الرئيس مبارك يستنى
لان مفيش حد هيعيشنا فى الامان زى ماهو كان معيشنا فيه
وبعد الرئيس مبارك ارشح عمر سليمان
ده رجل كويس جدا جهاز المخابرات

[sheetos2020]

جميلة الأراء بس انا عايز اقول ان الى هيجى بعد حسنى مبارك مش هيعمل فينا اكتر من الى مبارك عاملة فينا
هو مبارك اة معيشنا فى سلام بس مهما كان المفروض يبص للبلد من جوة شوية
عشان مش تخرب اوى من جوة كدة كان لازم يبص للشعب عشان الشعب محتاجة اكتر من الاول
مش المفروض ان ابص للبلد من الخارج ومش ابصلها من الداخل لازم ابص فى اتجاهين
عشان اعرف اوزن ما بين الامور
لان الاتجاهين مرتبطين ببعض كلهم عشان الشعب والى الشعب ولحرية الشعب

[شفق القمر]

اقتباسالمشاركة الأصلية كتبت بواسطة خارج عن القانون1989انا هقول رايى ببساطة شديدة

مبارك يمشى وبعديها الشعب هو اللى يختار

وفيه ناس ع الساحه محترمين قوى

زى عمرو موسى وزى كمال الجنزورى

انا معاك بس المهم ان مبارك يمشى فورا وفى ناس كتيره بتحب البلد وهتحافظ عليها والله

[sheetos2020]

لا مينفعش نقول مبارك يمشى فورا لان اى حاجة مش بتتغير فى يوم وليلة
لازم الاول مصر تستقر بعد كدة مبارك يمشى ويجى الى بعدة عادى
بس لازم نصبر ياجماعة يعنى احنا صبرنا 30 سنة من عرفين نصبر 5 شهور
لا طبعا كل حاجة لازم تاخد وضعها فى البلد الاول بعد كدة مبارك يمشى
مفيش اى مشكلة والى هيجى بعدة هيقدر الشعب ويحمية عادى
لان الشعب لة قيمة ولازم كلة يعملة الف حساب

[emy khaled]

انا برشح عمرو موسي

[sheetos2020]

حلو عمرو موسى ياريت ايون كدة كلة يقول رأية وكل واحد يشوف الى هو عايزة
بس ياريت نفكر بعقلنا ونختار كويس اوى

[noda refat]

نعم اؤيد التغيير و ان يمشى الرئيس حسنى مبارك ولكن بكل احترام وشموخ وادب يكفى انه اعطانا عمره لمدة 30 عاما و بصراااحة انا ارى انه شال عن مصر بلاوى كثيرة بخبرته و حنكته يكفى ان من اختاره لنا الرئيس العظيم محمد انور السادات
واتمنى ان يكون رئيس مصــــــــــــــر القادم عمرو موسى يارب اعتقد ان مصر ستكون معه فى ايدا امينة

[حسام الشاعر]

أنا كل الى يهمنى مبارك يمشى الاول
وبعد كده
نكون شعب حر ونحتار رئيسنا فى انتخابات حره ونزيهه بحق وحقيق
مش نزيهه بتاع الحزب الوطنى
وكل رئيس لا يزيد عن مدتين وكل مده 5 سنين فقط
ده كل املى لحبيبتى مصر
ونفسى اشوف مصر من غير الحزب الوطنى

[قرب كمان]

انا بقى رآيى غريب شوية فى اختيار الرئيس الجديد

انا شايف ان البرادعى او اى شخص من ااخوان المسلمين او من المعارضة ماينفعش ابدا لانه هيتهاون كتير ومصر مش عايزة تهاون قد ما هى عايزة شدة وعقل نظيف وحرية

اختيارى واللى لو رشحو نفسهم انا هختار منهم

الاعلامى احمد المسلمانى اللى بيذيع الطبعة الاولى فى دريم (راجل بيفهم بالسياسة وعارف كل شىء بيحصل وتفكيره للمستقبل صحيح ومتابع ليه واحساسى انه قدها ) وعنده 41 سنة لسه شايف تاريخ ميلاده يعنى ينفع

والثانى .. احمد زويل ( حاصل على جائزة نوبل فى الكيمياء ) ده ذكى بس سياسآ مش قد كده .. بس يقدر برده وبقول فيه احتمال ..

ده رآيى

[elmoshaxa]

انا هقول رأيى بكل صراحه
انا نفسى الرئيس مبارك يمشى والشعب يرشح ال هو عاوزه زى مثلا عمرو موسى
ميرسى ع التوبيك