اقتـــــــــــــــــراح!

[دمعه حائره]

السلام عليكم اعضاء المنتدى الغاليين
ده أول موضوع ليا فى قسم اليوميات
قولت ندى نفسنا هدنه شويه بعيد عن الانفعال
وذى ما انتوا شايفين الايام دى كلها مشاعر مختلفه
غضب ,ثورة ,حب ,تحيز ,كره,وطنيه
حتى اللى ماكنش مهتم بالسياسه بقى مهتم ويمكن كمان
بقى محلل سياسى مش تريقه على فكره بجد
الايام الى فاتت اكتشفنا اننا كنا بعيد عن بعض قوى
والازمه قربت ناس وفرقت ناس
احنا ممكن بندخل المنتدى نغير الحاله النفسيه اللى احنا فيها
بس فى جانب كبير فى حياتنا بعيد عن المنتدى
احلى شىء كان ملحوظ مع انه متعب
هوا اللجان الشعبيه اللى فى الشوارع
ده كان تصرف ايجابى جدا من الشعب
عندى اقتـــــــــــــــــراح
عاوزه اعرف
كل واحد عمل ايه واشترك أزاى فى اللجان الشعبيه
أو عشان يحافظ عى بلده
وانا عارفه ان البنات ممكن مايشتركوا فى اللجان بس اكيد اشتركوا
بطريقه تانيه تناسب وضعهم زى التبرع بالدم
أو طرق تانيه كتير
وممكن من ضمن الشعارات اللى بتحطوها فى التوقيع
تكتبولى هنا شعاربس ليا شرط
الشعار يكون لمصر فقط تعبروا بيه عن حبكم بلدكم
من دون ذكر اشخاص أبــــــداً
تحياتــــــــــــــــــى واحترامـــــــــــــــــــــى

[دمعه حائره]

وده شعارى لمصر



وحتى لو منزلناش معاهم
وحتى لو اقتصر دورنا على اعدادالشاى والقهوة
ده بيساعدهم يواصلوا السهر ويحافظوا على الامن
وماننساش التبرع بالدم

[P R ! M O]

[انا كتكوته]

هو موضوع روعه يادمعه بجد انا كنت خائفه جدا بس
بجد اطمئن قلبى لما لقيت اخويا واخوكى وابن عمى وجارى
وقتها لقيت انى فى شوية امان وبعد كده استراح قلبى
بس بصراحه انا منزلتش الشارع لكنى كنت وقفه فى البلكونه
بس انا بقول لكل شاب وكل فتاه وكل من يخصه امر هذه
البلد لا للفساد لا للتخريب

[دمعه حائره]

اقتباسالمشاركة الأصلية كتبت بواسطة died nemo

معاك حق نيمو ربنا يستر ان شاء الله ويحمى مصر

[دمعه حائره]

اقتباسالمشاركة الأصلية كتبت بواسطة انا كتكوتههو موضوع روعه يادمعه بجد انا كنت خائفه جدا بس
بجد اطمئن قلبى لما لقيت اخويا واخوكى وابن عمى وجارى
وقتها لقيت انى فى شوية امان وبعد كده استراح قلبى
بس بصراحه انا منزلتش الشارع لكنى كنت وقفه فى البلكونه
بس انا بقول لكل شاب وكل فتاه وكل من يخصه امر هذه
البلد لا للفساد لا للتخريب

طبعا كتكوته اللجان دى حسستنا بالامان كتير
وحتى لو منزلناش معاهم
وحتى لو اقتصر دورنا على الشاى والقهوة
واهم شىء نبعد عن الفتن والكلام اللى بيثيرها
بكده احنا بنساعد على حفظ الامان فى بلدنا
ولا للفساد والتخريب
شكرا كتكوته

[واد حبيب]

[مشتاقه للجنه]

موضوع رائع يا دمعه

بجد اللجان الشعبيه بينة أصالة ومعدن المصرين

انا لم أملك بجد غير الدعاء لله عز وجل

بحفظ هؤلاء الشباب ..

وفرحة اووى برجال الجيش المصرى

وأحسست بالاطمئنان

محروسه يا مصر

[جـــــراح المشــاعر]

كفي دماء

نعم للتغير لا للتدمير

مسحيون ومسلمون

اجعلو الايدي متاشبكة ولا تجعلوها متفرقة

[دمعه حائره]

اقتباسالمشاركة الأصلية كتبت بواسطة واد حبيب


شعار جميل وقوى اخى محمد كلنا عارفين قيمة الجيش
ودوره المهم فى حفظ امان الشعب شكرا ليك