والله حاجه تفرح

[رنين]

السلام عليكم ورحمة الله وبركاته
اهلا بيكم اعضاء المنتدى الاعزاء

فى ظل الظروف الراهنه التى تعيشها بلدنا الحبيب فى هذه الاوقات
قررت اشوف الموضوع بمنظور تانى
بصرف النظر عن ايه ال هيحصل فى الاخر مع انى متفائله لابعد الحدود
وبعيد عن الاراء المعمليه البحته فى موضوع الرئيس يتنحى الاول ولا ينفذ المطالب الاول(وودنك منين يا جحا)
ولا لو مشى يروح جده ولا دبى ولا المانيا ولا لندن(يا بنى عنده شقق فى كل ده بس ما علينا)

اكيد الثوره دى بينت حاجات كتير وربطتنا ببعض تحت موضوع واحد هلت فى قضيه نمشى وراها وتجمعنا

لما تلاقى كل الشباب والرجاله يتجمعوا ساعة الصلاه شكلهم يفرح دحاجه تفرح


لما تلاقى الصليب مع المصحف وبعدنا عن الفتنه الطائفيه دى حاجه تفرح
لما تحس بالخطر وتلاقى ال يعرف وال مش يعفك واقف يحرسك دى حاجه تفرح
لما تعرف مين ال سرق بلدك وبدا يتحاسب دى حاجه تفرح
لما يبدا يكون قدوتك تكون واحد من الشهدا بدل ما كان تامر حسنى دى حاجه تفرح
لما تشوف البنات والولاد فى مكان وبكميه كبيره من غير ما حد يشتكى دى حاجه تفرح
لما تلاقى حملات تنظيف البلد دى حاجه تفرح
لما صوتك يطلع وتقول لا وتبدا الاغانى الوطنيه تكون لهدف غير متشات الكوره دى حاجه تفرح

وفى اكتر واكتر
واكيد كل واحد شاف حاجه فرحته من وجهة نظره او حصل موقف يؤكد قول نبينا عليه افضل الصلاة والسلام (ان الخير فى وفى امتى ليوم القيامه)

واكد له اننا اعظم شعب فى الدنيا ورجاله على حق
مستنيه وجهات نظركم.......
ويارب تكون ايامنا كلها ايام تفرح
دمتم بكل خير وسلام وسعاده

[بنت الجنوب]

السلام عليكم ورحمة الله وبركاته

موضوعك جميل رنين
ومش حقولك غير
اهل مصر فى رباط الى يوم الدين

وان شاء الله الامور كلها تتصلح
الف شكر يا قمر

[مقدرش انساك]

موضوع جميل اوى

ربنا يحمى مصرنا وبليز ياجماعة

لازمنحترم الجماعة الابطال الى فى التحرير

تحياتى

[حر اليدين]

ربنا يحمي الأمة الإسلامية .. ويحمي مصر وشعبها المناضل

[beauty angel]

وعليكم السلام ورحمة الله وبركاته

فعلا والله حاجة تفــرح

لما نتجمع كلنا لتحقيق هدف نبيل أكيد حاجة تفرح

لما نتجمع كلنا لانقاذ مصر من الفساد بعيد عن اى مصالح شخصية

أكيد حاجة تفـــرح

ربنا يحفظ مصر وأهلها ..

موضوع حلو

تسلم الايادى رنين ..

[bouchaala19]

اللهم انصر اخوننا المصريين و ارفع لهم ذكرهم يارب يارب يا مجيب المستغييث ان شاء الله هتتفرج عليكم

[عاشقة الرمنسيه]

فعلا حاجة تفرح الانها حلوا بس ان من قبل المظاهرات كان فى فتنه طائفيه ودلوقتى المسحيين بيحموا المسلمون اثناء الصلاة
وكمان مافيش انت مسلم ولا انت مسيحى
فى شعب حر وواعى وقوى ومترابط
ويحيا الهلال مع الصليب

[رنين]

ايوه الحمد لله فى حاجات كتير تفرح واكيد ال جى يفرح اكتر واكتر

واكيد ان الموضوع عجبكم وشايفين انا ال جى احلى دى بردوا حاجه تفرح

الف شكر ليكم على الردود

اللهم انك عفو كريم تحب العفو فعفو عنا وعن شهداء مصر يارب

[beautycat]

وعليكم السلام ورحمه الله وبركاته تسلم الايادي علي موضوعك الجميل وكتير حلو اننا نشوف بلدنا بقت افضل وبقينا ايد واحده نقف قدام الظلم والفساد ووجهه نظري انه اكيد زي ما فيه الحلو في الوحش وبيتهايئلي اني مش هلاقي حد يختلف معايا علي الوحش ده وهوه انعدام الامن واحساس كل واحد فينا انه خلاص في حد واقفله بره باب الشقه يارب اجعل مصر امنا امانا سلاما رخائا واحفظها يارب من كل شر يقصدها اوعدو يتمني خرابها او قريب يتمني وقوعها اللهم امين