هل يتنحى مبارك اليوم ؟

[morshooo]

بسم الله الرحمن الرحيم

كلنا ساميعن حاليا فى جميع وسائل الاعلام

عن خبر تنحى الرئيس مبارك اليوم

اتمنى عدم تنحى الرئيس واستكمال فترة رئاستة الحاليا

ولكن لو تنحى بالفعل

فهل ستفرحون لتنحية ؟

انتو طالبتو انة يتنحى لو هو خايف على الشعب فهل لو تنحى سيصبح بطل فى نظركم ؟

اتمنى لو تنحى الرئيس ان لا ننسى انجازاتة

واتمنى عم التطاول على الرئيس مبارك عندما يصبح

رئيس جمهورية مصر العربية ( السابق )

[ρяεттч яo2a]

امممممممممممممممم
موش عارفين هيتنحى ولا ايه
بس لو اتنحى من وحهه نظرى
انو هيسيب البلد
وكله هيكون عايز يحط ايده على سلطه وبلد هتخرب
علشان لو سابها فى فتره هيجان من الشعب ده
كله هيقولك انا هاعين نفسى رئيس
وحرام الى بيحصل فى بلد دى بجد
واللهى
وبسسسسسسسسسس

[وهج الايمان]

بيقوله هيتنحي
هو كده في نظرك بطل
ده تنحي بعد زل
ولوما كنش اتنحي كانوا هيروحولوا بكره القصر
وفر كده كتير
مرسي للموضوع

[a m i r a]

الناس في التحرير خدت على الجلوس في الشارع
والسباب العلني
واقامة اذاعة وتليفزيون
وندوات شعر وموسيقي
ولو تنحى مبارك هيخلقوا سبب يخليهم قاعدين
يارب اهدى الحال وخلى مبارك بكمل فترة رئاسته
بس بضمان استقرار مصر وامنها
امين

[DO3AA]

بالنسبة للتوقعات لإيه اللى ممكن يحصل
فمفتكرش ان حد عارف
و لو تنحى اعتقد ان ده قرار كويس منه
مع انه هيبقى قرار متأخر
لان بعد المظاهرات و الاحتجاجات دى مش هيبقى صالح للحكم<<وجهة نظر
و لو تنحى هتبقى تشوف الكلام اللى هيتقال عليه
هيبقى زى الوزراء اللى بعدما خرجوا من الوزارة بدأوا يحققوا معاهم
و هتسمع حاجات كتير مكنتش تتخيل انك تسمعها
زيه زى اى رئيس سابق<<بيتهزأ للاسف..
و بعدين لو تنحى الجيش هيتولى امور الدولة
يعنى مش هنضيع من غيره
و ربنا يصلح الحال ويحفظ مصر

[بنت الجنوب]

السلام عليكم ورحمة الله وبركاته

كنت اتمنى ان يستكمل الرئيس مدة الرئاسة حفاظا على امن الوطن من الطامعين

لكنى فى نفس الوقت سعيدة انه تنحى حتى يتوقف البعض ممن تطاول عليه فمهما كانت اخطاءه فلا يمكن التطاول على رمز وقائد



اللهم احفظ مصر
اللهم نعوز بك من شر الفتن ما ظهر منها وما بطن

[Remaas]

ربنا يستر والناس تهدى بقى وتمشى من الميدان
والامور تستقر اهو لو تنحى يبقى عمل اللى عليه
وشكرا قوى عى كده
وكفايه الشهداء اللى راحوا

[♥..pure]

اهـ

بيقولوا غادر البلاد وساب شريط تسجيل بالتنحى ,,,

ربنا يعديها على خير ,,,

[اميره شاعره]

انا مش قادرة اوصفلكوا فرحتى قد اية دموع الفرحة فى عينية

خلاص مبقاش ينفع يقعد فيها اتلوا دراعة وخد قلم كبير من الجيش

عظيمة يا مصر
والله وعملوها الرجالة ورفعوا راس مصر بلدنا

[~♥ Queen sozan♥~]

لء يا مريشيو ياريت يطلع كدة ويتنحى
احسن ما المظاهرات تتحرك لحد عندو
وانت لسة بدافع عن اية
واللهى عجبى
الخطوة لى جاية بقى با اذن الله

الرئيس لى بتحكى عنو عندو 70 مليار
اسئل نفسك منين ؟؟

ومصر عليها 40 مليارر

هنطال بقى انو يسد الفلو دى
مش هو بيحب مصر يبقى يسد فلوس مصر

وفى انتظاااااااار طلعو ،،،،
وارحل ارحل يا مباركـــ ،، شباب مصر فى انتظاركــ