انتوا بتكرهوا مبارك ليه؟ تعالوا شوفوا انجازاته

[AHMEDSHSHSH]

انتوا بتكرهوا مبارك ليه؟ تعالوا شوفوا انجازاته
اية يعنى البلد مليانه فقر وتعليم فاشل و بطاله
ايه يعنى البلد بتاعت المسئولين وحبايبهم من رجال الاعمال وبس
ايه يعنى خير البلد مسروق
ايه يعنىلما يورث الحكم لابنه عشان ياخد زى ما بابا خد
ايه يعنىالشعب مالوش راى فى حاجه خالص هما يقرروا واحنا ننفذ
ايه يعنىال يقول كلمه الحق ياخد على قفاه
ايه يعنىلما كل مسئول يسرقلوا كام مليون
ايه يعنى مستشفيات حكوميه زى الزفت بكل ما فيها
ايه يعنى سوزان مبارك مضيعه فلوس البلد على المكتبات
والكتب والناس مش لاقيه تاكل
مش لازم تاكل يا اخى ولا تعيش كويس
القراءه اهم
ايه يعنى سوزان مبارك مضيعه فلوس البلد على المتاحف
والناس بتموت من الفقر
وفيها ايه يا اخى موت من الفقر
بس نتفرج على التحف
ايه يعنى الشرطه بيبلطجوا على النا س فى الشارع
ويلفقوا تهم للناس
مفهاش حاجه استحمل يا اخى
وايه يعنى القانون فى بلد بيتنفذ على الغلبان وبس
وايه يعنى الناس بتتعذب فى الاقسام
مفهاش حاجه استحمل يا اخى
ايه يعنى عشان تعيش فى مصر من غير اهانه يبقى لازم تكون
من اصحاب المناصب
او حتى معاك كارت توصيه من اى كلب فيهم
ايه يعنى البلد مليانه رشاوى وظلم فى كل حته
ايه يعنى حكومه بتحارب الدين والشيوخ وتقفل القنوات الدينيه ويعتقلوهم
دى غلطتهم هما ازاى يعنى يطلعوا يعلموا الناس دينهم
ويقولوا قال الله وقال الرسول
ايه يعنى تليفزيونك المصرى يبقى لسان الحكومه ال بيكدبوا بيه علينا
ايه يعنىلما اسرائيل وامريكا بيضربوا فى فلسطين والعراق وغيرهم
واحنا نا خدهم
بالا حضان ونسكت ومنتكلمش

كفايه كده عشان تعبت من الكتابه

شوفتوا بقى انكم ظلمتوا بقى كل الانجازات دى وتقولوا مش عاوزينوا ؟
ههههههههههههههههههههههه

طبعآ هيرد عليا واحد من ال بيحبه مبارك ويقولى حرام عليك لانه صاحب الضربه الجويه

هرد عليه واقوله

هو يعنى مبارك هو الـ كان بيحارب لوحده والالوف ال كانت معاه كانه بيصطاده عصافير

وبعدين مبارك اكتر واحد استفاد من الحرب

اقولك ازاى

قولى كام واحد خسر حته من جسمه فى الحرب ال خسر عينه وال خسر رجله وال... وال...

والناس دى بعد الحرب عيشتها عامله ازاى

وكام ام مصريه خسرت ابنها

قولى بقى

مبارك خسر ايه

وبعد الحرب عاش ازاى

يبقى مين الـ ضحى اكتر

هو ولا الغلابه الـ كانوا معاه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
اعداد ahmed shshsh

[همسة ملآكــ]

اممممممممممم
بصراحه انا كنت داخله والفضول هيقتلنى عايزة اعرف ايه الانجازات اللى عمالها الرئيس مبارك
لكن لقيت شئ تانى خاااالص
للاسف هى دى الحقيقه اللى بنحاول نداريها ونقول لاء غلط متقولش عليه كدة
لكن هندارى ونخبى لحد امته ؟؟
انا نفسى افهم حقيقى اللى بيدافع عن الرئيس بكل انفعال وتعصب بيدافع عنه ليه؟
يبص حواليه بس هو يفهم كل حاجه
لو كان حد من اهله استشهد فى الايااام لماضيه اقسم بالله لكان هيكون اول معااارضيه
حراام بجد كفايا كدة
كفايا ظلم وغش وكدب ونفاق
30 سنه واحنا شايفين ذل واهانه وووووو
محدش سأل نفسه الناس اللى استشهدت دى ضحت بحياتها ليه ؟؟؟؟
لانهم مكنوش عايشين ولا كنا احنا عايشين
ناس ماتت عشان احنا نعيش والاخر نقولهم انتوا ناكرين الجميل
ايه هو الجميل ؟؟؟
؟؟؟؟؟
؟؟؟؟؟؟



هذا هو حصاد مصر في عهد مبارك من 1981 الى 2006


الأحوال المالية

ديون : إجمالي 614 مليار جنيه
الفقر : 35% من الشعب تحت خط الفقر,أقل من1 دولار في اليوم
نقود مهربة : 300 مليار دولار خرجت من البلاد
الجنيه المصري : الدولار= 85 قرش سنة1981م و 6 جنيهات سنة 2005 م

الأحوال الصحية

السرطان : تضاعف 8 مرات .أعلى نسبة في العالم
الذبحة الصدرية :20 % من الحالات شباب تحت الأربعين
البلهارسيا : أعلى نسبة في العالم
السكر : ‏7‏ ملايين .. ‏10 %‏ تقريبا من عدد السكان
إلتهاب كبدي : 13 مليون.. 20 % من الشعب فشل كلوي : أعلى نسبة في العالم
شلل الأطفال : موجود في 6 دول في العالم فقط منهم مصر
الإكتئاب : ‏20‏ مليون مواطن أمراض نفسية ( أخرى) : ‏6‏ ملايين
التدخين : 80% من البالغين مدخنين
التلوث : أعلى نسبة في العالم...
تلوث للهواء ومياه الشرب والتدهور في التربة والمناطق الساحلية..
خسائر 30 مليار جنيه

الانفاق الحكومي: 10 دولار للفرد سنويا
ًالأحوال الاجتماعيةالقضايا : 20 مليون قضية بالمحاكم ..أقدمها من 38 عام حتى الاّن
البطالة : 29% من القادرين على العمل..حوالي 5 مليون شاب
الانتحار : 3 اّلاف محاولة سنوياً
حوادث الطرق : 6 آلاف قتيل سنويا و 23 الف مصاب
الطلاق : 28%العنوسة : 7 مليون عانس .. 4 مليون فوق 35 عام
الهجرة : 4 ملايين مهاجر : 820 ألفاً من الكفاءات و 2500 عالم في تخصصات شديدة الأهمية.. 6 ملايين طلب هجرة للولايات المتحدة وحدها سنة 2005
الأُمية ( الحالية) : 26% من الشعب المصري
الأُمية ( المستقبلية) : 7% من الأطفال لا يدخلون المدارس ..غير الهاربين بعد الدخول
التعليم : دروس خصوصية ، كتب خارجية ، جامعات خاصة للربح فقط
عمالة الأطفال : نصف مليون طفل
أطفال الشوارع : تقربر الأمم المتحدة : 100 ألف طفل
عشوائيات : 45% من الشعب يسكن العشوائيات.. 35 منطقةعشوائية بالقاهرة فقط
موظف الحكومة : تحت خط الفقر ويؤخذ منه ضرائب( ستة جنيهات متوسط دخل الموظف يومياً )

المخدرات : 6 مليار دولار سنوياً في تجارة المخدرات
مشاكل أخلاقية :رشوة، محسوبية، بلطجة، توريث المهن، عُري، زواج عرفي ,قتل الأزواج، امتهان وتحرش بالنساء، ألفاظ بذيئة، صحافة جنسية غش جماعي وجريمة و تسول

الأحوال السياسية :

سيطرة وفساد النخبة الحاكمة، مراكز قوى، الإعداد لتوريث الحكم،تزوير انتخابات،قمع المعارضة،اعتقالات،تعذيب حتى الموت،انتهاك لحقوق الإنسان، إلغاء دور النقابات والجمعيات الأهلية مشاريع قومية متوقفة او خاسرة زراعة الصحراء الغربية بالقمح (مشروع اليابان)وادي السليكون، محطة الطاقة النوويةجامعة د/ أحمد زويل (التكنولوجيا)فوسفات أبو طرطور وادي توشكى أكثر من 2,3 مليار جنيه خسائر بشركات القطن و 8 مليارات جنيه خسائر شركات الغزل والنسيج و 12 مليار جنيه العجز الإجمالي لسكك حديد مصرخسائر 10 مليارات جنيه بقطاع الإذاعة والتلفزيون

الأزمــــــــــــــات

فساد ,تعليم، إسكان، زواج، بطالة، صحة، أخلاق، ضمير، مرور , مياه نظيفة، صرف صحي، البناء على الأرض الزراعية، تصحر، زحام ,غلاء, انخفاض احتياطي النقد الأرض الزراعية تم تجريف مليون و200 ألف فدان أرض خضراء من 5000 سنة من أصل 6 مليون فدان

الأمن والشرطة :

قانون الطوارىء : 25 سنة طواريء ..في خدمة الشعب


هو دة الجميل ؟؟؟

وبعد كل ده
فعلا انتوا بتكرهوا الرئيس ليه
ملكوش حق تكرهوه كدة

ان شاء الله ربنا هيفضل يحمى مصر من كل شر ومن كل ظلم
قدر الله وماشاء فعل
وخلينا نرضى باللى كتبه ربنا واكيد اللى حصل ده خير لينا
وبرغم كل ده برضوا مش عاجبنا
لا حول ولا قوة الا بالله

اللهم احمى مصر والمصريين من كل شر يااااارب

شكرا يا احمد ع الموضوع
فائق احترامى وتقديرى لك