ليه معظم البنات خاينه ...

[ozy]

السلام عليكم ورحمة الله وبركاتة

فى البداية احب اقولكم ليه معظم البنات خاينة او مش وافية طبعا هنقول امثال

وهنقول الطبيعي اللى بيحصل واحب الكل يشاركني سواء ولاد او بنات وبحب

المواجهة جدا والصراحة اكتر .


فى البداية لما يحصل قصة حب قوية بين الولد والبنت ! هنشوف اللى بيحصل ونحلل سوا

البنت : انت بجد اللى حسيت بيه , انا عمري ما هنساك انا عمري ما هفكر فى

غيرك , بجد انت حياتي

البنت : اوعدك اني مش هكون غير ليك , اوعدك اني مش اتجوز غيرك مهما

حصل .. وهاتك يا وعوود كل لما يتكلموا

البنت : انا مش عارفة من غيرك انا كنت هعيش ازاي , انا اهون عليا اموت

ولا اعيش مع غيرك

المهم البنت تفرش للولد الارض ورد وتحسسوا ان هي مش شايفة غيرو

هنقدم بقى العلاقة شوية كدة لشهور قدام , اول حاجة تحسها متغيرة , تيجي

تكلمها تلاقيها ويتنج فى وقت متاخر تخلص بتكلمي مين لا دي صحبتي اصلها عندها مشكلة يا حبيبي

وكل يوم على كدة وهي ولا بتكلم صحبتها ولا حاجة بس هى كانت بتستغفله

البنت من دول بتشوف شخصية جديدة تعجب بيها تتكلم معاه وهاتك يا حب ويا
حنية ويا كلام وبذات الكلام ....... اللى ممكن من الكلام دة تبين للولد ان لو

حد قطعها حتت مش هتشوف ولا تتجوز غيروا والعكس صحيح

المهم البنت هوائية جدا والبنات عمتا بتحب الكلام الحلو وياسلام بقى لو حست

الكلام دة .. لما يجي حد يعرفها جديد وتقرب منوا القديم دة اللى فرشتلوا

الارض ورد بيتنسي واحدة واحدة وممكن تفضل معاه عادي هنا بتسمع كلام

وهنا بتسمع كلام مش هتفرق سد خانة يعني

ساعتها القديم دة بيبقى عامل زي المنتجات الغزائية اللى

هي صلاحيتها انتهت .. دي بعض الملاحظات البسيطة

نيجي بقى مثلا لواحدة بتحب واحد كل يوم تقولو يا حبيبي لازم تيجي تتقدم انا

كل يوم جايلي عريس ولازم تيجي وطبعا الشاب ما باليد حيلة مش بيكون جاهز

مرة واتنين وتلاتة الموضوع دة وتفهموا انها مش هتوافق لو ماتت وهي اصلا
مش بتوافق عشان سبب .. اولا العريس اللى ممكن يكون جي يتقدم

كبير سننا , مش متوفق دراسيا , مش الاستايل اللى هي عاوزة .. مش عشان
هي بتحب بقى والكلام دة

محدش يكدب ع نفسوا كل بنت تتمني انها تتجوز , طبعا بقى لما يجي واحد

شخصية جميلة سن قريب مستوي تعليمي مرتاح .. البنت توافق

والرد المعروف : معلش يا حبيبي اهلي غصبوا عليا وبجد هفضل احبك ومش

هنساك ومجرد ماتقفل معاه ولا كأنها كانت بتكلموا

ويحضرني هنا مثل لواحد صاحبى يعني حكالي الموقف دة عشان كدة انا كتبت
الموضوع دة
انه حب واحدة 5 سنين وكان احلي كلام واحلي احلام ونحط تحت احلام مليون
خط .. وبعد 5 سنين خانته خيانه ماكنتش على البال ولا على الخاطر

وبدا يسأل ياعينى زى المجنون بقى فين الوعود , فين الحب , فين كل دة

وضيعت من ايديها انسان كان بيبحها من قلبه بجد وباخلاص وعمره مافكر فى

حد غيرها صدقونى صاحبى ده انا اعرفه واعرف قصته كويس جدا بس للاسف
لان البنات دايما هى اللى بتبتدى بالخيانه كانت دى بدايت النهايه وانتهت احلى
قصه حب باسوء نهايه مكنش هو بيتمناها ولا اى حد كان متوقعها للاتنين دول

وحاجة اخيرة في بنات فعلا بضحي بس بنسبة 50% بس خلاص تلاقي الاحسن شكرا


حكمة
ان الحــــب تضحيـــه من اجل العطـــاء...والمصلحـــه انانــيه من اجل الاخـــذ.. ولا تجتمع التضحيـــه مع الانانـــيه...فأذا اجتمعا.... فحذاري !!!..فأنه ابــدا لن يكـــــــــــــــون حـــــــــــــــــــــــــــب.

منقول والله

[fankosha]

السلام عليكم ورحمة الله وبركاتة
مش عوزين نعمم
فى ولاد خاينين زى ما فى بنات خاينين
وانا عن نفسى كان ليا صحبتى
صراحة نزلت من نظرى جداا
لانها كانت بتحب واحد
واتخطبت والولد ده تعب جدا ودخل المستشفى بسببها
وبعد مااتخطبت بمدة
هى الى اتصلت بيه
تقولة بحبك وكدا
صراحة استحقرتها
وخرجت معاه وقلعت الدبلة بتاعت خطيبها
واتفق معاها انها تقول لباباها يجى يخطبها
مكنش باقى غير شهر وتتجوز
وبعد مارجعت للولد ده امل كبير حطمتة واتجوزت
وانا واخواتها قلنلها حرام عليكى
فا دى حالة حصلت قدامى
ربنا يهديهم
تقبل مرورى

[حر اليدين]

دنيا حظوظ , من تريده لا يريدك , ومن لا تريده يتمسك بك.

سؤال محيرني؟؟

كيف تعيش قصة حب مدة طويلة ولا تكتشف أنها بتلعب عليك؟؟

أيعقل خلال 3 او 5 سنوات لا تشعر بإختلاف تعاملها معك ؟؟

[Nada Aldrainy]

(1)نصيحة لكل ولد ولكل بنت يعرفوا نهم لما يحبوا بعض ممكن يطورالامر للجواز يعني لازما يكون جاهزين للاموردي.
(2)لكل لما تيجوا تحبوا وحدة بجد مش هزارلازم تعرفوا هي كويسة ولالأ وأصلا بيبان من طريقة كلامها لو بدأبكلام الغزل وكدةأكيد انها مش كويسة ولو هتاقول ان انا حبيتها اوكي تحب وحدة تحرمك وتتحبك ولا تحب وحدة مش مدياك وش اصلا
(3)للبنات لازم اي وحدة ماتجريش وراء اغراءات الولاد احذروا خلي كل وحدة تفكر بعقلها قبل قلبها وحرام لما اهلنا يبقوا واثقين مننا نخرب ثقتهم فينا ولما تحب حد تحب بإحترام وركزي على كلمة احترام وانا مش قصدي ان كل بنات كدة لا خالص بس هي نصيحة عامة
(4)ياجماعة ديننا ومجتمعنا من احسن المجتمعات في العالم ليه منتقيدش بيه الأخلاص والصدق والمحبة دول اهم حاجة في نجاح العلاقات.

تقبل مروري

[ozy]

اهو يا ايمان انتى جبتى قصه واقعيه اهو

البنات فى طبعهم كدا البنت ديما بدور على مصلحتها فى المقام الاول

غير كدا ارمى ورا ضهرها بنات بتحب نفسها مش اكتر

حببها موجود تمام معاه غاب عنها شوية تفتحها مربى تهزر وتضحك ولا فى الدموع

انتى بتقولى الولد ادمر بس هو غلطانه انه صدق انسانه زى كدا الكدب فيها وخيانه لخطبها ولحببها

نورتينى ياايمى وربنا يهديهم او ياخدهم يعنى البنات ال بتعمل كدا عايزين اباده

[ozy]

حر اليدين

البنت سهل جدا تعيشك احلى وهم بتقولك ايمى اهى اتخطبت ورجعتله وهو مخطوبه وقلعت دبلتها

وال حببها يكون موجود ومش مالى عنيها وبتهزر وتضحك مع طوب الارض وتقولوا اية

انسانى ان انت عرفتنى علشان مش عايز يسبها تهزر وتلعب من الاعيال

دة مش مبرر يعنى ولا اية

نورت حر اليدين

[ozy]

منورة يا ندى وكلامك فعلا جميل تسلمى

[غرور ملاك]

من وجهه نظرى يا أحُـمٌ ـد

مع الاحتــــــــرام لوجهه نظرك طبعا

الخيانه مش بنت وولد الخيانه طبع

وزى ما فيه بنات بتستغفل الولد

فيه ولاد رئيسه قسم فى استغفال البنات ووعود مالهاش حصر

يبقى مش نرمى اللوم كله على البنت فى الخيانه

ولا نرمى اللوم كله على الولد فى الخيانه

نرمى اللوم على الطبع اللى اصبح مش موجود

وبالتالى فان الحكايه حكايه نسبيه بين البنت والولد

[ozy]

اقتباسالمشاركة الأصلية كتبت بواسطة غرور ملاكمن وجهه نظرى يا أحُـمٌ ـد

مع الاحتــــــــرام لوجهه نظرك طبعا

الخيانه مش بنت وولد الخيانه طبع

وزى ما فيه بنات بتستغفل الولد

فيه ولاد رئيسه قسم فى استغفال البنات ووعود مالهاش حصر

يبقى مش نرمى اللوم كله على البنت فى الخيانه

ولا نرمى اللوم كله على الولد فى الخيانه

نرمى اللوم على الطبع اللى اصبح مش موجود

وبالتالى فان الحكايه حكايه نسبيه بين البنت والولد


للاسف يا غرور انا هعرضيك على كدا

الولد يمكن يكلم بنات كتير جدا لكن زى ماقولنا بيعمل بلوك على قلبه لوحدة بس

ولو سبها بيفضل عامل نفس البلوك دة

لكن البنت مش بتستنى نيفر بتنسى واحد بواحد بواحد بواحد بواحد وهكذا

قلبه زى القطط بسبع ارواح

والبنت فى الخيانه دى تكسب

[koky97]

السلام عليكم

بص يا احمد موضوعك مهم جدااااااااا

بس فعلا فى بنات بنفس الحاجات اللى انت قولتها وانا شوفت كده قبل كده

بس ده مينمعش ان الولاد ملاك دى الولاد اكتر من البنات فى الحاجات دى

واحب اشكرك على الموضوع لك منى اجمد وارق التحيات