استجواب فى المطبخ...؟؟؟

[nooody]

حلوة اووووى التدبيسه دى على العموم شكرا يا حنون


بسم الله نبدأ الاستجواب

متى أول مرة بديتى تطبخين؟


يعنى كنت فى ثلاثه اعدادى.




وش اول شىء طبختيه؟

كان رز بالشعريه .... كنت لسه بتعلم بقى



مارده فعل اللى طبختى لهم وكلوا من اكلك لاول مرة؟


يعنى قالوا كويس بالنسبه لاول مرة بس اخويا قعد يقولى هو انتى بتعرفى تعملى حاجه.


ما هو شعورك من خلال اول رده فعل؟

انا كنت طايرة من الفرحه بغض النظر عن راى اخويا المهم الاغلبيه.



هل مازلتى تطبخين حتى الان؟

اة طبعا بس مش على طول


تحبين المطبخ ولا؟

بحبوا مش بحبوا . المطبخ دا حاجه مفروغ منها.



موقف طريف حصلك فى المطبخ؟

مرة عملت الشاى بالملح بدل السكر
ومش دقته بس اللى شرب الشاى مش حد غريب الحمد لله.



هل تؤيدين دخول زوجك المطبخ او ابوك للمطبخ لمساعدتك او ليطبخ عنك؟

اة طبعا فيها ايه ... المساعده فى المطبخ بتنمى
روح التعاون.




احسن طبخه تحبينها وتنصحين بقيه الاعضاء بتجربتها؟

الكر يب بصراحه تحفه.



نصيحه للمبتدئين فى المطبخ؟

موضوع الطبخ دة عايز صبر عشان تتعلمى صح.



ثلاث اكلات او مشروبات لهديها لمن احب فى المنتدى من الاعضاء


1_ العضو الاول dr.mero اهديها عصير أناناس.


2_ العضو التانى حنون اهديها كنافه بالقشطه

3_ العضو الثالث ميرا اهديها محشى ورقه عنب




انا بقى هدبس ميرا حبيبتى

[razan]

نورتينا يا نودى

وفى انتظار ميرا القمر عشان تنور مطبخنا

بس ياريت تكونى بعتلها رساله يا نودى

[nooody]

رزان يا قمر ميرسى ليكى

انا بعتلها بس هى كانت فى الاستجواب قبل كدة

ايه رأيك تختارى انتى ؟

[Little princess]

1/ متى أول مره بديتي تطبخين؟

من ابتدائي
مكانش طبخ بمعني طواجن و صواني وكده
حاجات خفيفة يعني

2/ وش أول شي طبختيه؟

الرز عشان سهل
بس اول مرة كان معجن وبعدين اتظبط :vb19:

3/ ماردة فعل اللي طبختي لهم وكلوا من أكلك لأول مره؟

وااااااااو شطورة يا نورهان
ابقى اعمليلنا الرز كل يوم بقى مادام بتعرفي تعمليه حلو كده :090:

4/ ماهو شعورك من خلال أول ردة فعل؟

طايرة من الفرحة

5/ هل مازلتي تطبخين حتى الأن؟

هههههه لا بقى عشان ميتعودوش على كده

6/ تحبين المطبخ ولاّ ؟

بأمانه لأ :vb19:

7/ موقف طريف مر عليك أثناء الطبخ ؟

من قريب قلت اعملهم مفاجأة و اطبخ الغدا
وكانت الخسائر كما يلي
المكرونة سبتها تغلي كتير فطلعت معجنة
الكفتة صبعتها وهي لسه مجمدة فتفتت فى الزيت
مبقاش فيها الا بقايا بس وحياتك اكلوها برضه :090:
اكتشفت بعد ما عملت المكرونة ان مفيش صلصة
فأكلوها حاف يا عيني

8/ هل تؤيدين دخول زوجك او اخوك او ابوك للمطبخ لمساعدتك او ليطبخ عنك ؟

يكون احسن برضه :vb19:

9/ احسن طبخه تحبينها وتنصحين بقية الاعضاء بتجبربتها؟

المكرونة ، ومن ايدي بالذات :vb19:

10/نصيحه منك للمبتدئين في المطبخ؟

متصبعيش الكفته الا لما تفك خاالص عشان متتفتفتش منك :icon1366:

*اختاري ثلاث من الاكلات او المشروبات واهديها لمن تحبين من الاعضاء


1- اهداء للعضو الاول

بسبوسة ، لرزان السكرة :vb36:

2- اهداء للعضو الثاني

ساندوتش برجر لفاطمة عشان عاوزاها تبقلظ :242:

3- اهداء للعضو الثالث

كباية ميه لأحمد حمادة :242: شفت انا كريمة ازاى

اختار بعدي كراميلا
شكرا على الاسئلة الجميلة دي والاستضافة الروعة
تحياتي

[A7meD]

هههههههههههههههه

الله الله يا جيرل :242:

اتاريتك شيف كبير واحنا مش واخدين بالنا ..

بس يا ظلمة مكرونة من غير صلصلة ههههههههههه

ربنا يكون بعون تعيس الحظ :vb19:

قصدي سعيد الحظ ..

وكمان كباية مية :SuN012:

يعني مفتكرتينش بمكرونة :vb19:


يا سيدي مية احسن من حاجات تانية :242:

تشااااااااااااااااااااااو

[Little princess]

اقتباس المشاركة الأصلية كتبت بواسطة AhMeD HaMaDa هههههههههههههههه الله الله يا جيرل :242: اتاريتك شيف كبير واحنا مش واخدين بالنا .. بس يا ظلمة مكرونة من غير صلصلة ههههههههههه ربنا يكون بعون تعيس الحظ :vb19: قصدي سعيد الحظ .. وكمان كباية مية :SuN012: يعني مفتكرتينش بمكرونة :vb19: يا سيدي مية احسن من حاجات تانية :242: تشااااااااااااااااااااااو

ما بلااااااااااااااااش يا عويس
المكرونة مني انا بالذات تنسيك اسمك :vb19::vb19:

المية أحسنلك يا بني :242:

[razan]

نورهــــــــــــــــــــــان...نورتى المطبخ يا قمر بمكرونتك المعجنة :vb19:

وميرسى عالبسبوسة يا حبيبت قلبى

واحمد اول رجل يخترق مطبخنا ...منورنا

لكن على فكرة كارميلا اتدبست قبل كدة

هنضطر ندبس حد تانى

BRB

[lolla]

ازيكم يا بنات عاملين ايه شرفتونا ورفعتوا راسنا

وشكرا يا رزان ع التدبيسة الحلووووووة

يلا هاجاوب وامرى لله


بسم الله


/ متى أول مره بديتي تطبخين؟

من سنة تقريبا



2/ وش أول شي طبختيه؟


رز و كوسة يعنى حاجات بسيطة عشان ماما مكنتش فى البيت



3/ ماردة فعل اللي طبختي لهم وكلوا من أكلك لأول مره؟

الرز معجن والكوسة مالحة وردة فعل الى اكلوا كانت هايلة باينة على وشهم والاكل اتاكل طبعاا لان مفيش غيره والجوع بيعمل عمايله



4/ ماهو شعورك من خلال أول ردة فعل؟

اكييييييد احبااااط بس لسة مفقدتش الامل وبنحت فى الصخر برضو يلا هو انا الى هاكل


5/ هل مازلتي تطبخين حتى الأن؟


اه لسة بحاول اطبخ وربنا يسهل

6/ تحبين المطبخ ولاّ ؟


اه بحبه بس لما يكون ليا مزاج وانتى وحظك

7/ موقف طريف مر عليك أثناء الطبخ ؟

بصى هو انا مبدخلش المطبخ واخرج الا اما اكون كاسرة حاجة مبوظة حاجة

واكتر حاجة بكسرها الكوبايات مشطبة على كوبايات البيت ولله الحمد

دا غير الحلل والاطباق الى بتتحرق

والصابون بتاع المواعين الى بيتكب

يعنى ماما بتقرا الفاتحة على الحاجات الى فى المطبخ قبل ما اخش ربنا يكون فى عونها ويصبرها
8/ هل تؤيدين دخول زوجك او اخوك او ابوك للمطبخ لمساعدتك او ليطبخ عنك ؟

لا مبحبش

9/ احسن طبخه تحبينها وتنصحين بقية الاعضاء بتجبربتها؟

بيتزا حلووة ولسه عاملاها امبارح بس الحمد لله طلعت حلوة اوى

10/نصيحه منك للمبتدئين في المطبخ؟

بصوا انصحكم تجربوا اى حاجة وكل حاجة بس ي1كون تحت اشراف حد عشان متبوظوش الدنيا واتفرجوا يعنى ع الناس الى بتطبخ يمكن تتعلموا حاجة
وحاولوا تطوروا فى الاكل تعملوا حاجة جديدة على الاقل عشان متملوش
*اختاري ثلاث من الاكلات او المشروبات واهديها لمن تحبين من الاعضاء


1- اهداء للعضو الاول طبعا ليكى يا رزان وبهديكى البيتزا بتاعة امبارح


2- اهداء للعضو الثاني هدى الله وببعتلها كوسة باللحمة المفرومة عشان بحبها

3- اهداء للعضو الثالث نوسى وببعتلها احلى صينية بطاطس

[lolla]

وانا هاختار طمطم المصرية ( بتاعة المقالب )


ربنا يخليهالنا


يلا بقى ورينا شطارتك يا طمطم

[razan]

ميرسى يا لولا ونورتى المطبخ

ضحكتينى والله اوووى حرام مامتك مستحملاكى ازاى:vb19:

وميرسى عالبيتزا يارب تكون لذيذة

مش عارفة طمطم ادبست قبل كدة ولا اية


فى انتظارها