الحقيقة وراء سيلفر سبيكترا ,,

[SiLver Spectra]

9 أغسطس 1988
الدنيا نورت و المستشفى أشرقت و العصافير زغرتت
بمولود جديد هيسجل بعد 20 سنة في منتدى اسمه بنات مصر

من الحاجات إلي ندمان عليها هو إني اتولدت يوم 9
كان نفسي أتولد يوم 8 عشان يبقوا 4 تمنيات
8/8/1988
بس يلا مافيش ناصيب و آدي الله و آدي حكمته

الولاده ماكانتش في مصر
و دا فيما معناه إن آرائي جايه من أجندة خارجية و عميل

دي المستشفى حيث مسقط رأسي أو حاجة تانية



و هنا المدخل

الدخول بفلوس
انت داخل مستشفى مسقط رأس سيلفر أو حاجة تانية
المستشفى في منطقة اسمها (الرقة) ( من يومي و أنا رقيق )
بعد ما اتولدت ب5 سنين انتقلنا لمنطقة على غرب منطقة المستشفى الي اتولدت فيها

اسمها (ابو حليفة)
معلش اسم بدوي شوية بس آدي الله و آدي حكمته

ركزوا في المعلومات الي جايه عشان هسألكم فيها

دي منطقة أبو حليفة الي قضيت فيها 13 سنة من عمري
من 5 سنين ل17 سنة



المنطقة بتتكون من قطعتين
كل منطقة بتتكون من قطع هناك
دي فيها قطعة واحد و قطعة اتنين
أنا وعيت و لاقيتنا ساكنين في قطعة اتنين

يبقى أبو حليفة قطعة اتنين شارع 3 عمارة 8 الدور التالت شقة 11 ,,,ايوه نص كيلو كفته

دا قطاع عرضي للمنطقة





المربع الأحمر هو عريني أيام ******************
آه صحيح نسيت اقولكم ان البلد اسمها ****************** :icon26:

السهم الاصفر دا بقى بيودي لمسجد رمضان
الي كنا بنصلي فيه الجمعة و الطراويح و كدا
بتعدي على صحرتين في طريقك و كانت ايام رمضان في الشتا و الدنيا برد و بحيرات مايه ,, كنت بحب ألعب فيها شوية (جيافة بعيد عنكم)



أيوه هو دا
الي كنا بنطرد منه كتير دا في رمضان
تقريبا كنا بنروح نلعب مش نصلي

بس قبل الحاجات دي لما كنت صغير شوية كنت أكيد بروح الحضانة
أو زي ما بيسموها هناك روضة


مش هعد أعيد المفروض تحفظوا مكان العرين بتاعي
الي على الشمال العرين و الي على اليمين الحضانة
حضانة أم القرى الخاصة
بينها و بينا 5 بيوت و محول كهربه و صحرا
مش عارف ليه وقتها كنت بحس اني بسافر بلد تانية و لازم ابويا يوصلني و لا أمي بالعربية
و لما كنت بعملها في الحضانة كان ابويا يذنبني واقف في العربية و يقولي : يا ابن الكلب ياك تعد عالكرسي . و راسي ترشق بقى في السقف مع المطبات
و على ايه دا كله!!
دي الحضانة جنبنا ..آه لو كنت أعرف ما كنتش ههين نفسي كدا
آدي الله و آدي حكمته

لما كبرت بقى و دخلت ابتدائي أكيد روحت مدرسة تانية
مدرسة في منطقة شمال المنطقة الي ساكنين فيها اسمها الفتطاس


المربع الي تحت هو العرين في أبو حليفة
المربع الي فوق هو المدرسة في الفنطاس
ما بينهم منطقة اسمها (المهبولة)
تقريبا دي مرات (ابو حليفة) ,,طبعا مش لازم نعرف هي مين لأن الحريم كلهم مهابيل ههههههه
المدرسة قاعدت فيها 8 سنين من عمري (كل الابتدائي و الاعدادي)
عشان كدا لو جالي زهايمر و فقدان للذاكرة ,, ممكن أنسى اسمي و أنسى كل حاجه الا الطريق الي كنت بروح فيه مدرسة الفنطاس و المدرسة نفسها
كنا بنعدي على 3 اشارات (الدوائر الي معلم عليها بالأخضر)

كانت في الغالب أمي الي بتوصلني
كانت بتوصلني في سبع دقايق على سرعة 160 و بتكسر كل الاشارات عشان في الغالب كانت بتبقى متأخره عن مدرستها

المدرسة عن قرب


و كمان ماكانتش بتوصلني لحاد البوابة
كانت بترميني قبل المدرسة بشارعين كدا :no:

زي السهم الاحمر كدا


بترميني عند الدايرة الخضرا و تلف هي بقى
و كنت بكمل أنا مشي زي السهم الأزرق
و كنت ببقى مكتئب و مضروب بالجزمه و أنا رايح و الدنيا حواليك صحرا و برد و عايز أنام و مش حالل واجب العربي الي بيبقى أول حصة في الغالب

أو ساعات جارنا يورميني في طريقة من على الطريق السريع زي السهم الأصفر كدا و برضو بتبقى أول حصة عربي

و لو نزلت ببراشوت هتبقى أول حصة عربي برضو

عشان تعرفوا أد ايه كنت بكافح و بعاني

لما كبرت بقى و دخلت ثانوي
أخيرا روحت المدرسة الثانوية الي كانت في نفس منطقتنا


المربع الي فوق هو العرين (البيت)
المربع الي في نهاية السهم هو المدرسة
(ثانوية عباد بن بشر)
كانت تقريبا بتاخد 10 دقايق مشي

كانت مدرسة شاطره و كلها مصريين دحيحة
بس على حظي بعد سنتين راحوا قافلينها عشان قللوا عدد سنين الثانوي من 4 سنين ل 3
و زودوا الابتدائي و بالتالي قللوا مدارس الثانوي و حولوها لابتدائي و اعدادي

طبعا سيبكم من المزرعة الي تحت دي
كنا بس ساعات بنروحلها مشي كدا عشان نسرق جزر
مش عارف حد يسرق جزر!!
باين كان فيها شوية طماطم و خيار ,,الجزر أحسنهم

المهم
روحت بعدها للمدرسة الأخيرة
و هي ( ثانوية الكندي )

في منطقة الفحيحيل
جنوب (أبو حليفة)



العرين هو المربع الي فوق (ابو حليفة)
و المدرسة هي المربع الي تحت (الفحيحيل)
و كنا بنعدي على 3 اشارات
و احنا راجعين مش بنعدي على ولا اشارة .. مش سحر و لا شعوذة بس عشان الأوتوبيس كان بيرجع من على الطريق السريع

لاقيت واحد ابن حلال رافع تصوير و هو رايح الفيحيحل


منطقة الفحيحيل فيها اسواق و مولات كتير
فمن ضمن المغامرات الي عملناها و احنا عيال عبيطه 8 سنين كدا
قولنا عايزين نروح الفحيحيل مشي
و كنا في الصيف و في عز الظهر و الساعة 12 الظهر و درجة الحرارة 50



كنا عايزين نمشي زي السهم الأزرق عشان نوصل للفحيحيل
بس قدرت ربنا إننا وصلنا للأخضر و مش متنا من الحر
كان جالنا جفاف باين



زي ما انتتوا شايفين كدا الدنيا صحرا

من ضمن الحاجات الهابلة برضو هو اننا كنا نروح لمجمعات الأمريكان
زي أبراج لطيفة و غيرها




في بيسين بقى و حاجات
بس الحرس كان بيضطردنا و نرجع ندخل تاني و يجروا علينا الكلاب
كنا عيال متشردين باين

و مش بس الكلاب كانت بتجري ورانا
ساعات العيال الكوايته يجروا ورانا هههههه

زي مثلا تبقى رايح مطعم ماكدونالز مع صحابك و مزاجك زي الفل




تبص تلاقي عيل كويتي ضربته قبل كدا أو حد من صحابك ضربه
يجيلك و يقولك مش انت الي اتخانقت معايا يوم كذا؟
و يقوم مطلع موبايله و متصل بربعه (صحابه يعني) بتاع 20 و لا 30 واحد
طبعا أنسب حل هنا هو انك تجري
كان باين يوميها بيجروا ورانا بعربيات و طلعنا نجري ناحية البحر و الدنيا ظلمه و كشافات العربية ورانا (فيلم هندي)

لما كبرنا أكتر
انحرفنا أكتر
باقينا نروح المناطق الأبعد ناحية العاصمة
و نشوف أي حد صاحبنا عنده عربية أو أخوه عنده عربية



المربع الأحمر دا هو ابو حليفة
و كل الي فوق مناطق تانية
ابقوا خلوا (ديسبيرادو) يقولكم على أساميهم :icon26:

كفاية عليكم كدا ..صح

[ᗩмỉгล]

اقتباس المستشفى في منطقة اسمها (الرقة) ( من يومي و أنا رقيق )

ههههههههههههههههههه
بآمآرة آلرمزيآت آللي كنت بتحطهآ في آلآول

اقتباس كان باين يوميها بيجروا ورانا بعربيات و طلعنا نجري ناحية البحر و الدنيا ظلمه و كشافات العربية ورانا (فيلم هندي)

وبعدين ....
مقلتش عملتوآ آيه بعدهآ ،، شكلكوآ كدآ آنضربتوآ
:006:

احنا ممكن ناخد قصة حياتك ونعملك بيها فيلم
والله هيبقى ممتع
خصوصا وانتو بتنضربوآ :242:

[ARAGON]

بما اني في ******************,,

ها بقى اروح اصور ليك,, وارجع

) كان نفسي بجد تبقى في ****************** دلوقت يا طارق,,

كنا ها نشوفك بجد ,, :d :d:d خاصة ان الاحمدي قضيت فيها سنه ونص

ومنطقة جميلة وهادية خاصة,, الفنطاس وابو حليفة,, والفحيحيل,,

بس دلوقتي يعني مع التطورات والحاجات القديمة,,

بتختلف اكتر واكتر

وانت ها تنور لو كنت في مصر أو في ****************** يا غالي,,

نتمنالك دايما الخير

وربنا يوفقك يا طاروق ,, وين ما كنت :d


ليا باك ان شاء الله

[DR.SMA]

مش فاهمه يعني انت عايز ايه دلوقتي :cv30:

انا قريت نص الموضوع بس

طبعا مقدرش اكمل

معنديش مراره والله :vb16:

انا دلوقتي المفروض اعمل ايه ف التوبيك

حد يرد عليا والنبي

:cv19::cv19:

[حنـــــون]

هههههههههههههههههههه
حلو c.v جامد يعنى
كانت رحله ممتعه يادكتور
عرفتنا تاريخ حياتك وكشفت الاسرار ^*
يوميات جامده ياطارق
موفق فى كل حياتك وتيجى تحكلنا عليها بردوا ^^

[Mo7aMaD 3aLa2]

ههههههههههههههههه

بحب انا جو المغامرات دة

لا تاريخك جامد يا طارق

هى ايام الطفولة دى مفيش اجمد منها

نيس توبيك يا دكتور

..

[Silver Flower]

زكريات طفوله مشرده قصدي حلوه
جرى ايه يا خونا كل المنتدى مشرد حتى الريس بتعنا ولا ايه :202:
احلى شي في العالم هيه الطفوله
احيانا بيمر عليك ايام تتذكرها وتقول اريت ترجع ايام زمان
وزكريات حلوه اكيد

[yasmine refat]

طريقتك حلوه في الحكي بس باين عليك كنت سوسو قوي وانت صغير:biggrin:

بس فعلا ذكريات حلوه وطفوله مميزه

ولكن السؤال احنا مالنا:biggrin:

بس حلوه الشفافية الي موجوده في الموضوع والتلقائية

بالتوفيق

[SiLver Spectra]

اقتباس ههههههههههههههههههه بآمآرة آلرمزيآت آللي كنت بتحطهآ في آلآول

الله هو يعني عشان حطيت جمجمة باقيت كافر

اقتباس وبعدين .... مقلتش عملتوآ آيه بعدهآ ،، شكلكوآ كدآ آنضربتوآ :006: احنا ممكن ناخد قصة حياتك ونعملك بيها فيلم والله هيبقى ممتع خصوصا وانتو بتنضربوآ :242:

لا و الله فلتنا
كسرنا على الطريق الساحلي و عدينا زي الخرفان كدا من غير ما نبص
ربنا سترها بقى كان ممكن أي عربية تشيلنا
و دخلنا بقى في المهبولة :icon26:
لو ماكناش فلتنا كان زماني مشوة دلوقتي

عقبالك يا بوسي
اي حاجه تجري وراكي

[fankosha]

المستشفى في منطقة اسمها (الرقة) ( من يومي و أنا رقيق )
من يومك وانت رقيق هههههههههههههههه



منطقة الفحيحيل فيها اسواق و مولات كتير
من اسمها ميدلش ان فى مولات كتير ههههههههههههه

عرفتنا على حياتك من يوم 9\8\1988
بس نسيت تكمل لحد يوم16\3\2011
فى انتظار باقى اليوميات
احلى ايام الطفولة
السيرة ذاتية جميلة اوى يا طارق