لو بتحب البلد....شدحيلك ياولد

[misho]

أوعي ياولد تكون فاكر ان شهادتك اللي هاتشرف اهلك دي كفاية ، ولادخولك الجيش ده كفاية ، بلدك محتاجالك ، ايه يعني بقيت دكتور ولا مهندس ولا أي حاجة ازاي تفكيرك سطحي كدة ، عمرك ما فكرت في النصف التاني للمجتمع ، اللي شالتك في بطنها 9شهور مش كان أصلها بنت ، اللي درستلك في المدرسة والجامعة مش بنت ، اللي ربت الضابط اللي بيربيك في الجيش مش بنت ، اللي هاتخليك أب مش أكيد بنت.....ايه ولا ايه مش هأعد للصبح....

البنت دي ما فكرتش ترد جميلها يا ناكر الجميل...أنا هأعمل فيك معروف وأقولك تعملها ايه ودي تبقي أمانة في رقبتك ليوم الدين....

دلوقتي البنت كل همها شكلها طبعا...طيب حاجة كويسة..لا انت مش فاهم يعني همها أن شكلها يكون overيعني too much يعني لما تمشي العيون تقع علي الارض مش من جمالها طبعا لا من كتر الحاجات اللي عاملاها يعني هقولك البنت بتشغل نفسها 24ساعة علشان لما تنزل الشارع حضرتك تعاكسها وحضرتك ولا داري...........البنت أول ما تصحي بتفكر هاتقلع ايه وهي نازلة قصدي هاتلبس ايه (شوف بقي الجينز اللي أشترته غالي وسطه عند ركبتها ومدخلاه بصابونة وماماوبابا والجيران ساعدوها علشان تلبسه)

شايف المجهود مش تقولي جيش ، والبادي لازم يكون حتة سم ×سم <ايه يعني الجو حر> دة غير الكوافير اللي بيديها حتة الأوكسجين في شعرها والmake-upاللي بتحطه في 3ساعات وتشيله في 6ساعات..

بعد دة كله عايز البنت تنزل الشارع وأنت حتي ماتقولهاش <بس بس> ده حتي عيب عليك حتي تقولها <جينزك ولا شعرك> يعني أي تقديرات للمجهودات العظيمة وأهل البنت ذنبهم ايه انهم سمحوا لبنتهم تنزل كدة الشارع علشان يحسوا ان بنتهم صاروخ وأنت تضيع كل دة...

تخيل لو البنت قامت كل يوم ونيتها انها النهاردة تتعاكس وأنت ماعاكستهاش يحصل لها ايه نفسيتها تدمر.......وبعدين البلد هايحصل فيها ايه تضيع علشان سيادتك ما قومتش بواجبك لالا انت ابن البلد دي ودة واجبك....

شدي حيلك يا بلد......أنتي خلفتي الولد.....اللي هايعاكس البنات.....بناتك يا بلد....

يارب يعجبكم

[القلب الجريح]

شدي حيلك يا بلد......أنتي خلفتي الولد.....اللي هايعاكس البنات.....بناتك يا بلد....
الله ع الكلمات الروعة
انت يا ميشو بتتكلم لصالح البلد لو انت ابن بلد بجد تعاكس البنات كل يوم علشان بلدنا تكبر يا ابن البلد

[misho]

أولا شكرا لمرورك الرائع ويارب يكون الموضوع يكون عجبك
ثانيا احب اصلح معلوماتك أنا بنت مش ولد وأسمي شيماء

[القلب الجريح]

hاسف يا شيماءولكن كنت ابحث عن مصلحة البلد واوصى الشباب بها وخصوصا من يريد ان يرتقى ببلدة عاليا

[رونى 2008]

سلمت أناملك يا غالية على الموضوع الرائع
بس برضه يا شيماء زى مافى الوحش فى الكويس
وربنا يهدى شباب أمتنا جميعا
دمتى بكل خير