دي آخرتها ياادباء القسم ؟؟؟؟؟ { ورشة لا للمنقول }

[زهرة النسرين]

بسم الله الرحمن الرحيم



كتر الخناق والمشاكل في المنتدى
تعبنا وقلنا ياقلب كفاية بُكا
وفكرت كتير ايه الحل وازاي يكون في تغيير
مالقتش غير اني واللي معايا في قسمي
نحتل المنتدى
ادباء وشعراء ومرتادي الاقسام الادبية
النهاردة كل واحد ليه مني قسم هدية
يحتله ويحافظ عليه ويحطه في عنيه
ويلا بسم الله نبتدي التقسيم
وكل واحد ياخد حقه ويعيد دراسته والتقييم





مالناش غيرك ياللي في الحب والشعر اسير
تمسك قسم النقاش والحوار دا قرار مافيهوش تغيير
مبروك عليك القسم يااسير
يلا جري روح عليه وطير



وجينا لقلم الاعضاء
حيرني كتير اصلو عايز قلب كلو نقاء
مالقيتش احسن من سكرة
بالها طويل وفي عقلها متنورة
اتفضلي على قلم الاعضاء
نوريه وذيدي فيه من حلوك صفاء



ووصلنا للاسلاميات
دي عايزلها واحدة من البنات
بصراحة مالقيتش واحدة فينا تنفع يابنات
اصل كلنا شكلنا مجانين ومطرقعات
هي امي التانية جبل عالي
تديره بحكمة وتخليه في العالي


يادي التنمية البشرية
دي سيبونا بعيد عنها
مش عايزين فيها حشرية



قسم اللغة الانجليزية
دا بقى عايز حد جنان
حافظ الانجليزي
وفيه يبقى فنان
طبعا مالناش غير
فارس الاحزان
مش كاتب اسمه بالانجليزي؟
هو اصلا خارج من المورستان
اهو يدرسهم انجليزي من اليونان



مشاكل الاعضاء الاجتماعية
مالناش غيرك ياسفينة
اصلك في حب الناس مدينة
حلي مشاكلهم الاجتماعية
اغلبها هتلاقيها رومانسية
وانتي ست الناس
ومفيش زيك في الاخلاص
اتفضلي على القسم ياملكة الاحساس
واوعي تخرجي من هناك
وتقولي الحقوني شعري ابيض منهم خلاص



سجل الاعضاء والترحيب
دول نصيبك ياواد حبيب
ماهو لازم ينوبك من القسمة نصيب
ظبطهم وروقهم
علمهم ازاي بيكون التوضيب
ماهو احنا مش عينا عشانهم
حد بسيط دا الشاعر واد حبيب



اليوميات دا لوحده قصة مالهاش حد
وانا غير احمد الحلو مالقيتلوش حد
مش هو غايب عن المنتدى من زمان ؟
ادينا عاقبناك باليوميات
بس خد بالك ده كلو جنان
اوعى يعملوها فيك
وتبقى جار فارس الاحزان
في المورستان ,,



الفن والفنانين والفنانات
الاغاني العربية واليوتيوبات
الاغاني الاجنبية كمان
ماهو الناس مزاجات
الافلام عربي واجنبي ومسلسلات
كل دا من نصيب ست البنات
المجنونة بس حنونة
اللي كلنا نعرفها باسم نونا
فرجيهم ياقلبي على كل حاجة هناك
واعملي من قسمنا واللي فيه مسرحيات




شاعر الاحساس مش انت بقيت ابن بطوطة
يلا اتفضل على السياحة والكورة والاخبار
ماهي اقسام عايزة خبرة وانتشار
وانت حياتك كلها بقت اسفار



واخيراً وصلنا للمعضلة الكبيرة
اقسام ادبية للمنتدى كله سفيرة
الابداعات الادبية مالناش غيرك ياشاعرة الرومانسية
كلها حب وطيبة وحنية
امسكي القسم دا مني ليكي هدية
هتلاقي فيه كتير
السفينة وفرح
بحر ولكن
ومحمد رجب مهدية
بالهنا على قلبك الابداعات ياصبية



همس القوافي
دا نصيبك يافارس الكلمة
انت بتموت في القافية الشعرية
وبتتجنن لو حروفك بنفس القافية
مش منتهية
يبقى همس القوافي
مكانك اتفضل عليه وشغله شوية


بيتنا بيت العيلة
الخواطر والنثر والناس التقيلة
حروف وشعر ودروس في الغزل جليلة
اصل وعراقة وانساب سليلة
عاشق ولهان للبنت دليلة
اتفضل دا قسمك
اصلك في الحروف مابتغلبش حيلة
نظم خواطرنا وعالجها بقالها فترة عليلة



جه دورك ياقصص الناس العربية
مين يقدر يسمعك غير محمد رجب مهدية
باله طويل وخبرته في الدنيا معروفة ومقرية
بصراحة قلت اشوف غيرك للقصص يامهدية
بس مش لقيت القصص صعبة وانا مفترية



ياخايفة اتفضلي على الصفحات
عشان تعرفي ان في الدنيا
في ناس حياتها كلها ازمات
هتستفيدي صدقيني وتبطلي
تتفرجي على افلام رعب والمسلسلات
وتغيري اسمك من خايفة لنعمات



جه وقت العب والالغاز والمسابقات
مين غيرها حبيبة قلبي ست البنوتات
اميرة شاعرة عشان دمك شربات
لعبيهم وشنكليهم واعملي مهرجانات
انتي ادها ياقلبي غلّبيهم في المسابقات



عالم حواء كنت فاكرة انه عايز بنوتة
بصراحة لقيت ماحدش هيفهمنا اصلنا حدوتة
ودورت مين ااقرب حد للفاتنات
مين مَلَك عقولنا وقلوبنا ببساطة الكلمات
مالقيتش غير بحر ولكن بس للاسف هو غاب
ومني ليه بهدي السلامات



عالم الرجل ,, اتفضلوا ياآنسات
لبسوهم اصل زوءهم فيه حاجات:cv18::SuN034::thumbdown:
ومين اكتر بنوتة زوئها مايتفات
اكيد رقة كل البنوتات
بسنت رقة بنوتة اهي ليكم جات



اما الاكل والطبخ والحلويات
اكيد مالوش غير همس الجراح
اصله عايز دماغ رايقة وفيها طيب وصلاح
بس اوعي تسرحي في الحزن ياهمس الجراح
وتحطي سكر بدال الملح
ولا ااقولك حطي اهو بكدا العالم
من اللي هياكل اكلك اكيد استراح



دلوقتي وقت الشغل الدقيق
جوالات ,, مسانجرات ,, سويتش ماكسات
قصدي سويتش ماكس
دا بقى عايز دماغ فاضية بس ليه
وعيون صاحية تصلح وتعطل فيه
عايز وقت وجهد والمسؤول عنه ياعيني عليه
حد نفسي من زمان انتقم منه وفي داهية اوديه
يبقى مين غير حبيبة قلبي الدمعة الحائرة
اهي تبقى ستر وغطى عليا وعليه
اتفضلي دا انتقامي يامنة وانتي بجد تستاهليه هههههه



فاضل بقى الشكاوي والمشاكل
صوت الاعضاء واللي منها فاضل
واللي بيدخل فيها بيخرج دمه سايل
كرم اخلاق مننا هنسيبه للادارة
اكيد هتتصرف فيه بشطارة
وماتقولوش انتي هتعملي ايه
انا ياجماعة كل واحد فيكم هقعد هنا اتفرج عليه
واتعب نفسي وعنيه واضحك عليه
ودا كفاية عليه والنبي ماتذودوش على عقلي واللي فيه



مع تمنياتي لكم بنجاح دايم في وظائفكم الجديدة
اختكم المتفرجة زهرة النسرين

[واد حبيب]

زهره النسرين

المبدعه اللي وصلت في القطار السريع

بجد كلامك رائع وجميله جداااااااااا

تسلم يدك علي الابداع العالي

ودي وتقديري لقلمك المبدع

تقبلي مني كل احترام وتقدير

الحبيب

[دمعه حائره]

دلوقتي وقت الشغل الدقيق
جوالات ,, مسانجرات ,, سويتش ماكسات
قصدي سويتش ماكس
دا بقى عايز دماغ فاضية بس ليه
وعيون صاحية تصلح وتعطل فيه
عايز وقت وجهد والمسؤول عنه ياعيني عليه
حد نفسي من زمان انتقم منه وفي داهية اوديه
يبقى مين غير حبيبة قلبي الدمعة الحائرة
اهي تبقى ستر وغطى عليا وعليه
اتفضلي دا انتقامي يامنة وانتي بجد تستاهليه هههههه

اعترض ظلم من ادراتكم فى تحويلى لهذا القسم
انا ناقصه خوتة دماغ انا هاشتكيكى فى الشكاوى
وهاطلع فى حكاوى القهاوى
اشوف اخرتها معاكى يانسمه يا جلابت البلاوى
ههههههههههه
بجد ضحكتينى يانسوم ومش هاروح على العموم
انا هافضل هنا وهاريحكم من كل الهموم
تسلمى اختاه وياويلاه

[زهرة النسرين]

اقتباس المشاركة الأصلية كتبت بواسطة واد حبيب زهره النسرين المبدعه اللي وصلت في القطار السريع بجد كلامك رائع وجميله جداااااااااا تسلم يدك علي الابداع العالي ودي وتقديري لقلمك المبدع تقبلي مني كل احترام وتقدير الحبيب

الحبيب

مبدعة وقطر وكلام جميل وتسلم عليه
بس هتستلم القسم امتى ياريت تقول
في ناس سجلت من شوية روح رحب بيهم بسرعه
هههههه
نورت يايامسؤول قسم السجل والترحيب

[be with me]

دمجت الوزن بالمقياس



لكي أسمع ترانيمك



وللمعنى أهز الراس



وأرفقها بإعجابي



لأنّك بالفعل نبراس





(نـــونـــــــــا)

[مشتاقه للجنه]

اقتباس
المشاركة الأصلية كتبت بواسطة دمعه حائره







دلوقتي وقت الشغل الدقيق
جوالات ,, مسانجرات ,, سويتش ماكسات
قصدي سويتش ماكس
دا بقى عايز دماغ فاضية بس ليه
وعيون صاحية تصلح وتعطل فيه
عايز وقت وجهد والمسؤول عنه ياعيني عليه
حد نفسي من زمان انتقم منه وفي داهية اوديه
يبقى مين غير حبيبة قلبي الدمعة الحائرة
اهي تبقى ستر وغطى عليا وعليه
اتفضلي دا انتقامي يامنة وانتي بجد تستاهليه هههههه

اعترض ظلم من ادراتكم فى تحويلى لهذا القسم
انا ناقصه خوتة دماغ انا هاشتكيكى فى الشكاوى
وهاطلع فى حكاوى القهاوى
اشوف اخرتها معاكى يانسمه يا جلابت البلاوى
ههههههههههه
بجد ضحكتينى يانسوم ومش هاروح على العموم
انا هافضل هنا وهاريحكم من كل الهموم
تسلمى اختاه وياويلاه


ممكن أعقل نسمه كاتبه الموضوع بكلمات منمقه وترد عليها نسمه

بنفس السجع اشى خيال يا نااس

يا ويلاه هههههههههههههههههههه


بجد تووحفه تسلمى يا قمره

[~♥ Queen sozan♥~]

اما الاكل والطبخ والحلويات
اكيد مالوش غير همس الجراح
اصله عايز دماغ رايقة وفيها طيب وصلاح
بس اوعي تسرحي في الحزن ياهمس الجراح
وتحطي سكر بدال الملح
ولا ااقولك حطي اهو بكدا العالم
من اللي هياكل اكلك اكيد استراح


زهرة النسرين ،،

بجد مبدعة فى كلاماتك ،،

ومتميزة فى عرضك لى الكلامات ،،
ومنتظرين منكى المزيد والمزيد ،،

ولكن

عن الطبيخ والملح ان شاء الله مش هلغبط حاجة ،،
واطمنى هههههه واللهى بطبخ حلو
وشكرا على كلماتك الجميلة لية بجد

متحرمش منك ابداا ،،


اختكــ

همس

[زهرة النسرين]

اقتباس المشاركة الأصلية كتبت بواسطة دمعه حائره دلوقتي وقت الشغل الدقيق جوالات ,, مسانجرات ,, سويتش ماكسات قصدي سويتش ماكس دا بقى عايز دماغ فاضية بس ليه وعيون صاحية تصلح وتعطل فيه عايز وقت وجهد والمسؤول عنه ياعيني عليه حد نفسي من زمان انتقم منه وفي داهية اوديه يبقى مين غير حبيبة قلبي الدمعة الحائرة اهي تبقى ستر وغطى عليا وعليه اتفضلي دا انتقامي يامنة وانتي بجد تستاهليه هههههه اعترض ظلم من ادراتكم فى تحويلى لهذا القسم انا ناقصه خوتة دماغ انا هاشتكيكى فى الشكاوى وهاطلع فى حكاوى القهاوى اشوف اخرتها معاكى يانسمه يا جلابت البلاوى ههههههههههه بجد ضحكتينى يانسوم ومش هاروح على العموم انا هافضل هنا وهاريحكم من كل الهموم تسلمى اختاه وياويلاه

ياحبيبة قلبي اعترضي زي ماتحبي
دا قرار وزاري اجباري مش ودي
ومش هتكلم فيه واخد وادي
يا بقى على قسمك وحاولي لاعصابك تهدي
دي وظيفة رسمي مفيهاش بدي ومابدي
وعلى العموم رفضك لا هيجيب ولا يودي
اتفضلي يلا ياختي هههههه

[زهرة النسرين]

اقتباس المشاركة الأصلية كتبت بواسطة magnona bs hanona دمجت الوزن بالمقياس لكي أسمع ترانيمك وللمعنى أهز الراس وأرفقها بإعجابي لأنّك بالفعل نبراس (نـــونـــــــــا)

ياست نونة يامجنونة بس حنونة
فين قسمك وفين مسلسلاتك التركي
هاتي منها كتير ومش تنسي الهندي
وسيبك من مصاصين الدم دول وفي قسمك اتهدي
يلا بسرعة من غير لكاعة عايزة اشوف فيلم اجنبي مترجم بالتركي

[sokara]

وجينا لقلم الاعضاء
حيرني كتير اصلو عايز قلب كلو نقاء
مالقيتش احسن من سكرة
بالها طويل وفي عقلها متنورة
اتفضلي على قلم الاعضاء
نوريه وذيدي فيه من حلوك صفاء


مين بيتكلم عن النقاء
زهره النسرين صاحبه القلم البراق
واكيد هكون هناك وبينكم بدون فراق
ويارب دايما الروح الحلوة بدون نفاق
وانا طبعا مطيعه وعمرى ماهخالف الجماعه
وهتواجد زى الجندى فى الميدان يقول تمام

تسلمين حبيبتى نسومه على كلماتك الحلوة والتوزيع المنصف
تحياتى