اعتراف (ضيعتها) واقع بعيشه

[a7med -3del]

　
حقيقى ده حصل منى


(

مش مجرد كلمات)


اعتراف


سبت لقلبها ايه هتفتكرنى بيه


دانا قولت كلام عليها


وازاى كنت بقدر


دلوقتى انا شكلى ايه بعد اللى عملته فيها


لو مهما عملت ايه


كان لازم لحظة افكر


وارجع بالزمان ولو قالت سلام اقولها حاضر


كده من غير جراح


ويبقى بنا لو حتى زكرى وافتكرلها اى حاجة


واقول سماح


عملت انا ايه عشانها


كانت بتضحى وقلبى خانها


ولو على جرحها ليا


هاجرح لو كنت مكانها


مفيش حاجة انا قولتها


عشانها مرة عملتها


بقول كلام


واصحى وبنام


وانسى اوام

ضيعتها

　
وبقول واعيد وانا من بعيد


ولما بقرب اوى برجع


بياع كلام احلام اوهام


وفى الحالتين كداب بخدع


كان ليها حق تسبنى


وتشوف حياتها مع حد تانى

　
وانا عملت ايه عشانها


وقت ماكانت بتعيش عشانى

　
معملتش اى حاجة


انا فاكر كل حاجة


كان وهمى اقوى منى


والدنيا مش محتاجة


ولو جوايا شوق ليها


مش من حقى اشتاق


دانا مخترتش هواها


ولا حتى اخترت الفراق

　
خدت قلبها من حضنها


ورميته بايدى فى نار


تيجينى مرة بجرحها


اضحك كده باستهتار


كنت حاسس انى ملكتها


ولا عمرها هتفكر تسبنى


دلوقت انا بندم بعدها


وبقولها

تحاول تسامحنى

a7med 30/3/2011

　

[دمعه حائره]

كلمات عتاب وتأنيب قويه ومؤلمه
واضح جدا مع نفسك تلومها نادم على حب ضاع
لكن الامل دائما موجود فتمسك به
ابدعت
تحياتى لك اخى فى انتظار كل جديد

[a7med -3del]

جميل انى مش بخاف من اى رد فعل
عشان عارف انه الوضوح هيوصلنى للاحسن
وكمان ضيفت ده عشان اشوف كل الردود والاقرب للواقع اخد بيه
وادينى رجعت اكتب بس بشكل جديد
هابقى واضح مع نفسى
شكرا ياقمر على مرورك

[شاعر الإحساس]

أ/أحمــــد


راقي الإحساس


اجمل ما قولته بحروفك النابضه


هو صدق يعتلو هامتها


هو احساس ضمير يؤنب صاحبه



هو احساس شخصا اراد التصليح


اراد التعديل


لما صدر منه


يا صاحبي من الناحية الابداعيه



حقا ولا شك راقي في وصفك


بل مبدع فيه


لك حروفا جمه للتعبير


وتمكن من الوصف بتقدير


فهنا قولت حقا كثير


لتعبر عن حزنك الاسير





ومن الناحيه الشخصيه


اقولها لك


ان كان مازال بينك وبينها خيط


ولو ضعيف


فعليك تقويته


عليك الحفاظ عليه


عليك التنازل عن بعض الاشياء الان


ما دام انت فعلت هكذا


وشعرت بالندم بعدها


فلها منك التنازل


فلا شيئا يمس الكرامة في الحب


ارجع وأأتي بها


تمسك وتشبت بها


لا تترك من فعلت هكذا بها



هذه هيا بعض الكلمات من شاعر الإحساس لك



فهل انت مستقبلها


ام انه فااااات الاواااان




ام كنت تقصد في قصيدتك الاوطـــان؟؟



فأنت تخفي بالابهام





تقبل خاااالص تحيااااتي



"شـــاعر الإحســــاس"

[a7med -3del]

شاعر انت انسان جميل وكلامك واقعى جدا
بس ده فعلا حصلى بس للاسف مفيش اى خيط
تقريبا ضاعت
حتى الندم مبينفعش
بس اكتشفت فعلا انى محدش بيعرف قيمة حاجة الا لما تضيع
شكل كده ده طبع الانسان
كلامك كله جميل وانت اجمل
شكرا ليك