أوعى فى يوم

[طه2011]

لو يوم حظك تاه منك
وتعبت من الجرى وراه
اوعى فى يوم تفقد ايمانك
قول لااله الا الله
لو رجليك تعبوك م اللف
لو فى عينك دمعه ما بتجف
لو حسيت جواك بالضعف
اوعى فى يوم تفقد ايمانك

***
لو مش قادر تسعد ولدك
لو حسيت بالغربه فى بلدك
لو زليت ومحدش سندك
اوعى فى يوم تفقد ايمانك

***

لو حسيت ان انت وحيد
وسهران تبكى فى ليلة العيد
لا ام ولا اب ولا لبس جديد
اوعى فى يوم تفقد ايمانك

***

لو سهران وحدك بالليل
بتفكر والحمل تقيل
لو دمعك حرق المنديل
اوعى فى يوم تفقد ايمانك

***

لو عينك على حاجه بصيره
وفى نفسك واليد قصيره
ولو فرشك ع الارض حصيره
اوعى فى يوم تفقد ايمانك

***

لو اللى فكرهم بيحبوك
وكانو بيقولوا محال ينسوك
قفلوا الباب اول ما شافوك
اوعى فى يوم تفقد ايمانك

***

لو قاعد ايدك على خدك
ودموعك طوفان بيهدك
ولا جار ولا صاحب بيودك
اوعى فى يوم تفقد ايمانك

[احمد الحلو]

كلامك تعدى الروعة بكثير



طه



لله درك



ما اروعك



وانت ترسم هذه اللوحة الجميلة




لك الود يحمل باقات من الورد



مررت هاهنا انا 000احمد الحلو

[طه2011]

اخى احمد مرورك على صفحتى اسعدنى
اشكرك
وتمنياتى لك بدوام التوفيق

[همسه الجوارح]

كليمات فوق الوصف والروعه

تسلم على السرد المميز

تحياتى

همسه الجوارح

[طه2011]

اشكرك همس شكرا جزيلا على المرور الذى اضاء صفحتى
تحياتى

[فيروزه]

	لو مش قادر تسعد ولدك لو حسيت بالغربه فى بلدك لو زليت ومحدش سندك اوعى فى يوم تفقد ايمانك كلماتك روووووعه بجد تسلم ايديك يارب مزيد من التوووفيق

[طه2011]

كل الشكر فيروزه على المرور الذى اسعدنى
شكرا جزيلا لكى

[Dr.nour]

كلمــآت جميــله واحســآس مرهف ,,
دوآم الابدآع ,
خــآلص ودى ..

[طه2011]

اختى العزيزه نور مرورك اسعدنى
اشكرك

[طه2011]

شكرا جزيلا اختى العزيزه فيروزه على مرورك الرائع