مزاج الخير ^_^

[morshooo]

مممممممممممممم دلوقتى انا بدور على اغنية اسمعها فى الجو الى انا فية دا هدوء جامد جدا لدرجة ان كتابتى على الكيبورد ممكن تزعج ناس جنبى ^_^ هشوف هسمع اية وهقول .

[morshooo]

نجاة الصغيرة بحلم معاك

[morshooo]

وانا راجع من الشغل من ساعتين تقريبا قولت اشترى حاجا من السوبر ماركت دخلت اشتريت 3 حاجات كوكاكولا جالكسى فلوتس علبة جيرسى اموت واعرف اشتريت علبة لية لحد دلوقتى العلبة قدامى ومش عارف جبت علبة لية ^_^

[morshooo]

من امبارح و ( اخبار مصر ) على الفيس بوك كاتبة ملك السعودية يصدر قرار ملكيا بالعفو عن المحامى المصرى "احمد الجيزاوى" استجابة لطلب الرئيس مرسي . شكرا سيادة الرئيس مع ان ( الجيزاوى ) دا اخد حكم بالسجن ( 3 سنين ) ومعاهم ( 300 جلدة ) فعلا شكرا سيادة الرئيس ^_^

[morshooo]

يا قطر استنى لو حبة عشان نفسي اشوف أمي عشان مغرقش انا في دمي وهي تشوفني روحت بلاش!! يا قطر إهدى ماتوجعهاش.. وخبي حقيقتك الجارحة وخبي ان إحنا ما بنسواش!!

[morshooo]

عزيزي المواطن : لسماع نغمة "هو مرسي اللي كان سايق القطر؟" اضغط 1 لسماع نغمة "ادوله فرصه" اضغط 2 لسماع نغمة "مهو واخد بلد خربانه" اضغط 3 لسماع نغمة "هنصرفلهم تعويضات" اضغط 4 لسماع نغمة "هنعمل لجنه تقصي حقائق" اضغط 5 لسماع نغمة "المؤامرة" اضغط رقم 6 لسماع نغمة "ماهى المعارضة السبب" اضغط رقم 7 لسماع نغمة "ماهو مينفعش معاكم الراجل المحترم مرسى وانتم تستاهلوا مبارك" اضغط رقم 8 لسماع نغمة "هو كل حاجه الرئيس الرئيس؟؟" اضغط رقم 9 لسماع نغمة "أصل الفلول هم السبب" اضغط رقم 10 لسماع نغمة "أصل الإعلام هو اللى بيهوّل ولازم يتطهر" اضغط رقم 11 لسماع نغمة "هو انت كنت تقدر تتكلم كده أيام مبارك؟" اضغط رقم 12 لسماع نغمة "وبرضو البرادعي هولوكوست عميل وحمدين واحد خمنا" اضغط رقم 13

[morshooo]

في اليابان غيرت الحكومه منظومة مترو الانفاق كامله علشان سيده عمياء ماتت تحت عجلات المترو... وبعد التجديد كتبوا علي ابواب المحطات "تحيه لمن ايقظت الضمير الياباني"... وفي بلدنا بيموت الفقير مئات المرات طول عمره ولما يخرج للدنيا يدهسه قطر

[morshooo]

اسمى فولان ماليش عنوان انا اللى عايش فى بلدى مش لاقى المكان انا اللى نايم عـ الرصيف انا اللى تايه فى الزحام انا اللى عايش كأنى ضيف عشان غرور وطمع حكام انا اللى بيته عليه انهدم ولسا بيجمع حاجات انا اللى حلمه خلاص اتعدم لما البطل عـ السلطة مات انا طفل ضايع فى الحارات انا ام ماتت مـ العياط انا اب دايخ بالساعات عشان يجيب رزق الولاد انا اللى مشهور عنى السكات انا بلدى مصر واسمى فولان

[morshooo]

[morshooo]

مش عارف فى اية لسة من شوية قطار دخل فى تاكسى والحمد لله أتوفى ( 3 اشخاص ) مش عارف اية حكاية القطارات اليومين دول والغريب ان كل تصريحات المسئؤلين يا جماعه دا بسبب النظام السابق لانة كان سايب السكك الحديد مهملة طيب هو الاهمال بتاعهم مظهرش الا الشهرين الى فاتو بس .