مزاج الخير ^_^

[morshooo]

زمان كنت لما بتجمع انا وولاد عمى كنا بنعمل شغل عالى فى البيت وكنا كلنا بنقوم بدور البطولة فى الالعاب الـ كنا بنلعبها وكان بيبقى صوتنا عالى جدا لدرجة الازعاج . وكان دائما لازم حد يفتح علينا باب ( القوضة ) ويزعقلنا مرة واتنين وتلاتة وفى الاخر بنضرب ممكن . دلوقتى الحال اتقلب معايا بقيت انا بقوم بدور الــ ( بيزعق مرة واتنين وتلاتة ) وولاد اخواتى بقو هما الى بيقولو بدور ( البطولة فى البيت ) ^_^ انها الحياة

[morshooo]

الشباب دلوقتى مبقاش فارق معاها اذا كانت البنت الى ماشية دى لبسة محترم والا لبسة مش محترم الى بقا فارق معاة ياترى الشيطان هيقدرنى والمسها واتحرش بيها والا لا بس فى الاغلب الشيطان بيقدرة ^_^

[morshooo]

الشباب المصرى دائما لما تيجى تسئلة يابنى شوفلك شغلانة بدال قاعدتك على القهوة ليل ونهار دى . يرد يقولك ( هى البلد فيها شغل ) مستحيل ميكنش فى شغل فى البلد المصانع مليانة والشركات نفسها فى شباب ملتزم يقولك حتى لو لقيت شغل هيدونى كام ( 600 جنية ) دا بصرف اكتر منهم فى الشهر . الشباب دا نسى ان مصاريفة دى بيجبها من ( تعب ) حد تانى ممكن ( والدة ) ( والدتة ) ( اخوة ) ( اختة ) وهو دا عيبنا احنا عايزين اول لما نشتغل ناخد ( 2000 جنية ) عشان نحس اننا بنشتغل وياريت هيعجب كمان .

[morshooo]

فى ناس كتير جدا بتعمل لــ ( ضميرها ) خاصية ( silent ) بس تفتكرو لو انتا الى اتعمل معاك الخاصية دى هيبقى اية شعوركم وقتها .

[morshooo]

حم احم العلاقة ( الرومنسية ) بين الاعضاء فى المنتديات بتستغل بشكل جميل جدا هقولكم ازاى . تلاقى الواحد فيهم سواء ( هو ) او ( هى ) كاتب كلمتين فى موضوع او ناقل قصيدة او موضوع يجرى يفرحها ويقولها دى عشانك . ودا الى بحسة معاكى مع انة ( منقول ) ممكن نلاقى التوقيعات فيها جمل رومنسية وكلام كبير كبير يعنى ويقولها دا ليكى يا حياتى مع انة ( منقول ) . لو حسبتوها مع نفسكم صح وحكمتو عقلكم صح هتعرفو الحقيقة الـ كل واحد عارفها كويس لكن . مش عايز يظهرها قدام نفسة ( هو دا بقى الهروب الكبير )

[morshooo]

بستغرب جدا من البنت الـ عندها 10 والا 12 سنة وتلاقيها مكسورة ومجروحة عشان حبيبها سبها ^_^ دا اكيد عرفتية وانتى مع ( ماما ) واقفة فى طابور ( الصحة ) عشان تاخدى ( التطعيم ) الــ فاضلك .

[morshooo]

كلها ( 3 ) ايام ويبقى بقالى فى المنتدى ( 4 ) سنوات الجميل فى المنتدى معايا انى ابتديت من الـ ( صفر ) زى ما بيقولو عرفت هنا اعضاء كتير جدا منهم اعضاء الحمد لله لحد دلوقتى على علاقة كويسة جدا بيهم ومحترمة ومنهم الــ علاقتى بينهم انتهت سواء لعدم وجودهم او لعدم راحتنا معأ اكيد كان فى خلافات مع البعض ولكن الاحترام فى الاول والاخر كان متواجد . عموما خلال الكام يوم الجايين هجيب اهم المواضيع الى نزلتها فى المنتدى والـ كان ليها الفضل عليا فى الاستمرارية فى المنتدى لحد دلوقتى

[morshooo]

بداية دخولى المنتدى فى 24 / 2 / 2009 كان اهتمامى بــ القسم العام صحيح كنت بنزل مواضيع منقولة من منتديات تانية بس الحمد لله كنت بلاقى الى يرد عليها ^^ بس كان مثلا ( 8 - 10 ) مشاركات فى كل توبيك وكان فى اقل وكان فى مواضيع من غير مشاركات اصلا ^_^ بعد كدا دخلت على قسم النقاش وكان فى موضوع طرحتة للنقاش كان http://forums.banatmisr.com/msryat38197/ الموضوع دا كان من اهم المواضيع الى طرحتها لانة كان فعلا بيناقش حاجا مهمة . المهم فضلت شغال على قسمى ( العام والنقاش ) ومكنش فى مانع انى انزل حاجا فى ( السياحة والديكور ) لحد لما كبرت فى دماغى انى اعمل مسابقة ( اكاديمية بنات مصر ) فكرة المسابقة انا كنت عملتها قبل كدا فى منتدى تانى والحمد لله كانت ناجحة جدا بعد ما خلصت قولت انزلها هنا واشوف ياترى هتنجح والا لا والحمد لله نجحت جدا .

[morshooo]

رجل عمره تسعين عام عانى من مشكلة مياه على العين ولم يتمكن من الرؤية لعدة ايام وبعد ازدياد الالم و المعاناة زار طبيب وأقترح عليه ان يعمل عملية ... … ووافق الرجل على الفور للتخلص من الالم بعد نجاح العملية حضر الدكتور الى المريض واعطاه بعض الادوية وكتب له الخروج مع فاتورة المستشفى وعندما نظر لها الرجل بدأ في البكاء فقال له الطبيب: اذا كانت الفاتورة باهظة السعر عليك ممكن ان نعمل لك تخفيض يناسبك, قال الرجل: ليس هذا مايبكيني, مايبكيني هو ان الله اعطاني نعمة البصر تسعون عام ولم يرسل لي فاتورة مقابل ذلك كم انت كريم يالله على عبادك ولا ندرك نعمك الا بعد مانفقدها مش القصة دى بس الى بتعرفنا ان الله كريم بعبادة ولكن . انا دائما بسئل نفسى . اين كرم الانسان لخوة الانسان فى جميع انحاء العالم ؟ انها الحياة

[morshooo]

كل واحد فينا دائما بيحكم على الاخر من خلال سماعه عنه ولكن . يجب علينا ان نحكم على الانسان بعد ان نسمع منه وليس بعد ان نسمع عنه .