مزاج الخير ^_^

[morshooo]

ابونا الحاج ( مرسى ) فى حوارة الى اتزاع الساعه 1.45 ص ^_^ علاقتنا بامريكا طبيعية وبقطر حميمية ( يابية الى بتقولة دا حرااااام ) ^_^ الاقباط كلهم اخواتنا في الاسلام ( بتأفور قوى امورسى انتا ) ^_^ لاول مرة رئيس المخابرات يكون من ابنائها ( شكرا لدولة الهند على انتداب عمر سليمان السنوات السابقة ) ^_^ انا اري مالايراه الناس ( بلاش نظارات 3d ابونا مرسى ) ^_^

[morshooo]

مش عيب اننا نرجع من طريق غلط كنا ماشيين فية والا عيب اننا نقول ( stop ) لشخص ما فى حياتنا بعد ما اكتشفنا اننا فى طريق غلط ولكن العيب اننا نعرف اننا ماشيين غلط وفى طريق غلط وبرضو ماشيين فية ومكملين فية دا برضو بيكون ( الهروب الكبير )

[morshooo]

لو تخيلنا ان فى ( محلات ) بتبيع السعادة اعتقد ان الجميع هيذهب لشرائها بأغلاا الاسعار . ولكننا نسينا ان بسجدة واحدة لله تكفى لجلب السعادة و ( بدون مقابل )

[morshooo]

تقيمات ^_^ حنون اقتباس ربنا يكتر من امثالك .. عملتها والله شكرا امورشو misho اقتباس جزاك الله كل خير تيتشر نفشهـ اقتباس انا حطيت اذاعة سعد الغامدي ,, ربنا يبارك فيك ويجعله فميزان حسناتك يارب نبضات ضائعه اقتباس هههههههههه 3d هي اللي مبوظه الشعب مش عارفه الراجل يعمل ايه نهضه وجابلكم صورها يعمل ايه الراجل يولع في نفسه قول امين والنبي countess اقتباس كلام جميل السجود آكبر راحه بال طبعا بشكركم كلكم ^_^ ومنورين الصفحات

[morshooo]

عبد الله عبد التواب ايتو : بعد اعلانه اسلااامه

[morshooo]

الخطوط الجوية الأمريكية وفرت مبلغ أربعين ألف دولار في عام 1987م عندما ألغت زيتونة واحدة من كل صحن سلطة يقدم لركاب الدرجة الأولى!! لو عندنا فى مصر بقى كانو ركاب الدرجة الاولى اعترضو واحتمال ماكنوش بركبو طيارات تانى ^_^

[morshooo]

فى اقسام بنلاقى الاعضاء الجداد منزلين مواضيع مكررة فيها زى مثلا ( القسم العام ) المواضيع دى فعلا مكررة بس هنلاقى التوبيك ( الاساسى ) نازل يجى من ( 4 ) سنين فاعتقد ان لما يتم اعادتها مرة تانية من الاعضاء مش هيبقى فى مشكلة كبيرة .

[morshooo]

شعور رخم جدا لما تكون راكب ( ميكروباص ) وقاعدة جنبك ( واحدة ) ومعاها ( اطفال ) تلاقيهم مطلعين عينك والواد ارخم من الرخامة وعمال يدوس على رجلك ويتنطط وبرجلة على بنطلونك وكل شوية يخبطك ومعندوش مانع ينام على كتفك كمان . كل دا و ( الست أمه ) تقولة بكل برود بطل شقاوة يا كوكى ( دا انتى ارخم من كوكى نفسة يا هانم ) ^^

[morshooo]

من يجى سنة كدا كنت اشتريت الموبيل دا عشت مع الموبيل دا ( ارخم قصة حب ) ^_^ يوم ما اشتريت الموبيل دا روحت البيت وقولت اشوف نظامة اية بصراحة اتخنقت منة جدا ^_^ وندمت انى اشتريتة موبيل ( زوبااااالة ) اول مرة كنت احس انى ( غبى ) هههههههه واشترى موبيل بالشكل دا بس كنت لسة شارية فقولت اقنع نفسى انة كويس وخلاص . الكلام دا كان يوم ( سبت ) تانى يوم على طول كان يوم اجازتى ومتعود انا وزميلى نروح النادى نلعب كرة قدم كل يوم ( حد ) فروحنا فعلا وكان معايا ( ابن عمى ) واول مرة يقولى هات ( موبيلك ) اشيلهولك معايا فى شنطتى تقريبا عشان كان جديد ^_^ . خلصنا لعب وكلة تمام ومروحين وندور على شنطة ( ابن عمى ) والا ليها وجود ههههههه عشان بعيد عنكم ( اتسرقت ) وكان فيها ( ارخم موبيل جبتة فى حياتى ) ^_^ بس بصراحة مزعلتش علية ههههههه . وقولت كويس اهو كدا اجيب واحد جديد واشتريت الموبيل دا .

[morshooo]

من المواقف الى بضحك عليها فى المنتدى هنا لما ادخل صفحات عضو معانا ويكون كاتب مثلا ( مخنوق او مضايق او عايز انتحر ) والاقى الاعضاء عاملة like دا انتو معجبين بانة مخنوق ومضايق بقى ^_^