مزاج الخير ^_^

[morshooo]

اعتقد الفرق مش كبير بين القطارات فى مصر والقطارات فى ( بولندا ) الشقيقه ^_^

[morshooo]

دا الناجى الوحيد فى حادث ( تايتنك الشهيرة ) الناس اطلقو عليه ( الجبان ) عشان مماتش مع الناس بس على فكرة هو الناجى الوحيد ( اليابانى ) لان عاش تقريبا اكثر من ( 700 ) شخص

[morshooo]

الى طلاب الثانويه العامه ( يعنى ايه ) يعنى ايه مقفل عربى وانت اصلا فاشل املاء يعنى ايه مقفل انجليزى ولما تيجى تشتغل لازم تكون واخد كورسات عشان الانجليزى بتاع المدرسه ده ميأكلش عيش يعنى ايه مقفل ايطالى وانت عمرك ما هتروح ايطاليا اصلا ولا هتشتغل بالايطالى يعنى ايه تقفل دين وانت مبتركعهاش وماشى مع 9 بنات والكدب والسب على لسانك 24 ساعه يعنى ايه مقفل جبر وانت مش عارف انت هتستخدمه فى ايه اصلا هو والتفاضل وتكامل ومش عارف الداله دى بيتعمل بيها ايه فى الحياه العمليه ومش عارف تكون منظم اقتصاديا يعنى ايه مقفل احياء وانت متعرفش ان التعبان بيبيض وان الدولفين من الثدييات ومتعرفش ان الطماطم فاكهه ولو سألتك عن طول الامعاء مش هتعرف (9متر) يعنى ايه تبقى مقفل كيمياء وانت متعرفش اضرار اكل كتير فى حياتنا زى الشيبسى الماده الحافظه الى فيه هى نفس الماده الى بتستخدم فى حفظ الجثث فى المشرحه يعنى ايه مقفل تاريخ وانت مؤيد مرسى او مبارك او السادات او عبد الناصر ومتعرفش ان مفيش واحد فيهم مزادش فى عصره ديون مصر وان اخر واااحد عمل نهضه بجد كان محمد على و اول خطوه عملها انه عزل القضاء وحكم منفرداً وطبعا لو حد عمل كده دلوقتى هنقتله يعنى ايه مقفل جغرافيا وانت هتستفيد ايه لما تعرف ان العراق فيها 33 مليون نخله وان استراليا عدد الخرفان فيها اكتر من سكانها بأضعاف ده انت بتوصل بيتكم بالعافيه يعنى ايه مقفل فيزياء وتقف على كوبرى على النيل مش عارف انت لو نطيت هايحصل ايه بظبط وتبقى عايش على احتمالات لحد ما تشوف نطه فى فيلم وتنط وانت مش عارف انت المفروض تنزل ازاى بظبط فتتفاجئ ان مفيش عضمه فى جسمك سليمه ( فيسبوكى )

[morshooo]

حقوق مصر في مياه النيل مش عايزه مؤتمر حقوق مصر عايزه زعيم يكون دكر

[morshooo]

بعد خطاب ( مرسى ) امبارح اكيد ( باسم يوسف ) هيشتغل كويس ^_^

[morshooo]

رغم اختلاف عادتنا وتقاليدنا مع الغرب ولكن دائما متفوقين علينا فى جميع المجالات الى بستغربله فى الوطن العربى ان المواطن ( العبقرى ) فى بلدنا مبيهمناش انه قادر على تغير وجه نظر العالم لينا وبنسيبه يخرج للغرب ويشتغل ويخترع ويقدملهم علم هم مكنوش هيوصلوله وفى الاخر وبعد كل دا نخرج لوسائل الاعلام ونقول احنا عندنا ( فلان مخترع كذا ) وعندنا ( علان حاصل على جائزة كذا ) هو دا الفرق الحقيقى بينا وبين العالم الاخر ( الغرب ) احنا كعرب بنتفشخر بالعلماء بتوعنا لكن هم بيستفادو من علم العلماء بتوعنا . عجبى

[morshooo]

صباح الجو المنيل الواحد خلاص بقى مخنوق من الجو دا رغم اننا لسه بنقول يا صيف ولسه ( رمضان ) لما يدخل ونبقى صايمين ورايحين وجايين من شغلنا الواحد هيعمل ايه بس تصدقو كل سنه نقول نفس الكلمتين والحمد لله رمضان بيعدى زى الفل ربنا يستر علينا السنادى كمان لاحسن الواحد مش طايق نفسه فى الجو الزفت دا .

[morshooo]

اتصلت بصديق ليه بقالنا حوالى ( 20 يوم ) محدش فينا اتصل بالتانى المهم كلمته طلع انه كان فى المستشفى بقالى حوالى ( 15 يوم ) الى حصل معاة كان بيسحب مبلغ من ( بنك ) فى العاشر من رمضان كان ساحب الفلوس عشان كان هيشترى شقه جديدة المهم بعد ما خرج من البنك طلع عليه قطاعين طريق وضربو عليه نار بيقولى العربيه كلها ( مخرمه ) من الرصاص الى كانو بيضربو بيه وهو ربنا كرمه برصاصتين ولاد حلال المهم فى الاخر وقفوة برضو واخدو منه شنطه كان فيها ( 185.000 ج ) . كل دا مفيش مشكله فيه المشكله الكبيرة ان لما بلغ ظابط الشرطه راحله وقاله ( انتا غلطان كان المفروض وقفت من اول رصاصه اضربت عليك ) عموما لسه عارف النهاردة كمان ان البنك دا . اتسرق من عميل فيه ( مليون و 700 الف ) من حوالى 3 شهور فمحدش فاهم ازاى يحصل كدا ويبقى فى كذا بلاغ ان العملاء وهم خارجين من البنك دا بيحصل معاهم كدا ومفيش اى تأمين للطريق او محاوله عمل كمين لقطاعين الطرق .

[morshooo]

مفيش حد هيعرف ايه الى بيتقال من الام لـ ابنها فى اللوحه غير ( راسمها ) وعشان كدا كنت اتمنى اكون ( رسام )

[morshooo]

جمعه مباركه على الجميع أن شاء الله