مزاج الخير ^_^

[morshooo]

حماقى من المطربين الى بحب اسمعهم جدا منذ بدايته وانا كنت متوقع انه يكون من افضل مطربين الوطن العربى وفاكر من اول الاغانى الى سمعتهاله كانت ( خلينا نعيش ) و ( مقدرش انساك ) بعد كدا نزل شرايط منها . ( بتضحك ) ( خلص الكلام ) ( بحبك كل يوم ) ( ناويها ) ( حاجه مش طبيعيه ) ( من قلبى بغنى ) بجد من المطربين المميزين والميوزك بتاعته دائما بتكون مختلفه اسمعو اغنيه ( حاجه مستخبيه ) ^_^

[morshooo]

* مشهد مثير * كل بدايه انطلاق بطوله جديدة بنلاقى اخبار مثيرة عن البطوله دى بطوله ( دورى ابطال اوربا ) هتنطلق وكالعادة توعدت ملكه جمال ايطاليا فى حاله فوز ( اليوفينتوس ) بالبطوله ( هتقلع ) وتمشى فى المدينه ^_^ ازا كنتى انتى اصلا مابتلبسيش وكل صورها نظام بكينى اموت واعرف فاضل ايه تانى هتقلعه ^_^ احب اقولها ان ( عمرو اديب المصرى ) قال لو مبارك اخد براءة هقلع ملط ^_^ دا الفرق بين الايطاليين والمصريين عندنا الرجاله الى بتتوعد بالقلع ^_^

[morshooo]

شعار الاخوان بكرة فى المترو ( اتفسح ولو بجنيه ) ^_^

[morshooo]

فى قسم ( صوت الاعضاء ) اقترحت اننا نعمل قسم جدبد لــ ( ذوى الاحتياجات الخاصه ) اعتقد مش عيب والا غريب اننا نعمل قسم للناس دى مايمكن فى اى وقت القسم يلفت انتباة ( معاق ) ويسجل معانا فى المنتدى ودا هيكون اكبر مكسب للمنتدى .

[morshooo]

الواحد فى البيت بيكون ( عدلى منصور ) مع اصحابه وفـ المنتدى بيكون ( مرتضى منصور ) ^_^

[morshooo]

* مشهد مؤثر * قررت انى اكتب المشاركه دى و ( المدام ) قاعدة جنبى عشان تكون شاهدة على كلامى ^_^ بعد مرور شهور على زواجنا قررت ( المدام ) انها تتعرف على جارتنا فى نفس الدور الـ ساكنين فيه وبعد ماتعرفت عليها فعلا والامور بقت تمام ( جارتنا ) الحمد لله ( اطلقت ) بعد مرور حوالى ( 25 سنه زواج ) . وبعد ايضا ما قررت انها تتعرف على الجارة الاخرى فى نفس الدو من يومين وانا راجع من الشغل كان صوتها هى و جوزها جايب لاخر عمارة فيكى يا عبور وبتقوله انتا لازم ( تطلقنى ) . مع العلم ايضا ان بعد ( طلاق ) الجارة الاولى اتعرفت على بنتها والحمد لله بنتها ( فسخت ) خطوبتها من يومين هى كمان فحابب بس اقول حاجا بسيطه ( شرارة وصلت العبور وممكن ادخلها المنتدى ) اظن الرساله وصلت يا أدارة ويا اعضاء . ^_^

[morshooo]

* مقلب مؤثر * من كام يوم روحت البيت بليل فقولت بدال ما ارن الجرس افتح بالمفتاح ودى تقريبا اول مرة افتح الباب و ( المدام ) موجودة فى الشقه . المهم فتحت الباب ملقتهاش قاعدة فى الانتريه وسمعت صوتها فى المطبخ المهم قولت لما اعمل فيها مقلب وهى جوا المهم . قعد اطفى النور وافتحه فاخدت بالها ان النجفه بتاعت الصاله عماله تطفى وتشتغل فالحمد لله اتجرات وقالت ( مين برا ) كبرت دماغى وبرضو قعد اطفى النور ووالعه يجى 5 مرات لقتها مش بتكلم والا فى اى حركه وقفت جنب باب المطبخ وببص لقيتها واقفه جنب البوتجاز وحاطه ايدها على وشها وزى ما يكون جالها بعيد عنكم ( شلل ) واول لما شافتنى شالت ايدها من على وشها وقالت ( تصدق انك رخم ) وخرجت قعدت فى الانتريه يجى نص ساعه مكنتش قادرة تقف على رجليها من الى حصل . احب اقولها ولسه الى جاى احلا ^_^

[morshooo]

حلقه النهاردة كانت اهداء لروح الشهيد ( محمد شريف ) تقريبا فى ناس ماخدتش بالها ان ( محمد شريف ) هو الطفل الى طلع مع ( جده ) فى فقرة ( السيرك ) ربنا يرحمه .

[morshooo]

Scarface واحد من اجمل الافلام الى شوفتها الفيلم انتاج ( 1983 ) بطوله الرائع ( ال باتشينو ) الفيلم بيكلم عن مافيا المخدرات ومن خلال الفيلم بيحكى عن ( مواطن كوبى ) بيهرب مخدرات لـ ( الولايات المتحدة ) ومع الاحداث بيصبح اكبر ( تاجر مخدرات ) فى ( الولايات المتحدة ) وطوال الفيلم بيكون ليه صديق معاة طوال الاحداث وصديقه هيحب اخته وهيجوزها من ورا البطل المهم الفيلم دا رغم نجاحه الكبير الا انه تم استبعادة من ( اوسكار ) وكان السبب لكثرة مشاهد العنف فى الفيلم ورغم الاخراج الرائع لـ ( براين دى بالما ) الا انه حصل على جائزة ( اسواء اخراج ) برغم كل الانتقادات دى الا انه اصبح ( من افضل افلام المافيا ) وعلى فكرة ( احمد زكى ) عمل نفس الفيلم ونفس القصه فيلم ( الامبراطور ) مع ( محمود حميدة ) ^_^

[morshooo]

In Hell واحد من اجمل الافلام الى شوفتها انتاج / 2003 بطوله النجم / vAN DAMME قصه الفيلم جميله جدا والاحداث مش ممله فى بدايه الفيلم بيتم اغتصاب وقتل زوجته وبيتم اتهامه بالقتل وبيدخل احد السجون داخل السجن بيقابل عصابه هتحاول انها تتخلص منه وخلال تواجدة فى السجن هيكون ليه اشخاص مقربين منه هيقفو معاة وخلال الفيلم طبعا هيكون فى اكشن كوتيرررر فيلم يستحق المشاهدة .