مزاج الخير ^_^

[morshooo]

من مميزات ( الحب ) انه ما بيعملش حساب للظروف

[morshooo]

احمد هو فى مانجا دلوقتى مانجا ليه يعنى مش عارفا عايزا اكل مانجا لا كلى برتقال او يوسفى مانتا عارف مش بحبهم طيب اجبلك مانجا منين انا دلوقتى معرفش لو الولد طلعتله وحمه ماليش دعوة طيب بس يجى ان شاء الله . وخلص الحوار على كدا تانى يوم احمد قوم انتا طلع اللحمه وحطها ليه يعنى ماتحطيها انتى لا وعلى فكرة مش هعمل لحمه تانى ليه خير يعنى اصل قرفت منها ولما بشوفها بقرف بجد طيب انتى قرفانه منها تحرمينى ليه من اللحمه ^_^ معرفش بقا انا قولتلك وخلاص عايز الولد يضايق يعنى استغفر الله العظيم طيب خلاص نقضيها فراخ بعد كدا وخلص الحوار على كدا . بعديها بكام يوم . احمد افتح الثلاجه وهات نعمل سلطه ياستى قومى هاتى حاجتك معلش والله قرفانه من الثلاجه ليه يعنى مفيهاش لحمه عشان تقرفى بس فيها تونه وريحتها بقرف منها كمان التونه بتقرفى منها طيب اعمل ايه ههههه اجوز بقا الكام شهر الفاضلين خلاص وانا موافق ^_^ وبما انها هى الى قالت اجوز يبقا خلاص من حقى اجوز ^_^ ياترى ياعم الحاج يالى جاى فى الطريق انتا مودينى على فين كل حاجا الست دى امك بتقرف منها انتا شكلك جاى بقرفك ^_^

[morshooo]

اذا أردت ان تحيا سعيدا اربط حياتك باهداف وليس بأشخاص

[morshooo]

احداث المنصورة حدث مكرر بس السؤال هنا ليه التفجيرات مظهرتش الا بعد ( عزل ) مرسى وتيجى تكلم حد من المغيبين يقولك ( الداخليه الى عملت كدا )

[morshooo]

(رحم الله امرئ عرف قدر نفسه) الإنسان إذا عرف قدر نفسه خضع لربه

[morshooo]

اذا قرر الرجل الزواج فهذا يعتبر اخر قرار يسمح له بأتخاذة ^_^

[morshooo]

الواحد لما بيتفرج على الجزيرة بيصعب عليه ( الاخوان ) يتفرج على الـحياة بيصعب عليه ( الشرطة ) يتفرج على ( لميس الحديدى ) بيصعب عليه ( عمرو اديب ) ^_^

[morshooo]

لو سمحت هو كشاف ( لانسر 2007 ) بكام تايوان بـ ( 260ج ) طيب ممكن اتفرج عليه كشاف حضرتك زى الى عندك فى العربيه لا بس عايز اشوف الخامه بتاعته هو تايوان والخامنه كويسه طيب انا عايز اتفرج عليه هو فى المخزن والله يعنى مش هبعت اجبهولك عشان تتفرج عليه لا ماهو لو خامته كويسه هشتريه طيب يعنى حضرتك هتفهم فى الخامات يعنى مش يمكن صينى ولو صينى ومش مكتوب عليه هتعرف انه صينى عموما هو تايوان طيب ممكن اروح مع حد المخزن اتفرج عليه لا والله محدش بيروح مخزن هو بعيد يعنى اه بعيد طيب لو عايز الكشاف هيتاخر الى هيجبهولى لا مفيش 5 دقائق وهيبقا عندك طيب منين المخزن بعيد ومنين هيجيبه بسرعه لا اصل انا هتصل بالكشاف وهيجيب بعضه ويجى هو حضرتك بتهزر بصراحه اه عشان شكلك جاى تهزر انتا كمان عموما شكرا مش عايز اشترى مانا عارف ( حوار تقريبا بيحصل كل يوم مع الزباين ^_^ ) توب علينا ياااااااااااارب

[morshooo]

لكل الى هيدخل المدونه وهيرزع ( like ) او ( تقييم ) ^_^

[morshooo]

ساعات وانا مروح من الشغل بليل بيكون ( موقف العاشر ) فاضى والميكروباصات موجودة وتلاقى الناس بتتنك على الركوب ويكون فى مكان ورا فى اخر كنبه والواحد يشوف كدا يقولك لا مش هركب ورا والى يقولك لا مش هركب عشان العربيه ضيقه اصل انا رجلى طويله والى يقولك لا هركب العربيه الى بعديها عشان اقعد قدام جنب السواق ^^ والى يقولك لا هركب العربيه الى بعديها عشان اقعد فى الكرسى الى ورا السواق عشان نازل بدرى والا يقول هركب العربيه الى بعديها عشان اقعد جنب الشباك عشان مفضلش نازل وطالع لو حد ورايا نازل قريب لحد هنا حلو . ساعات بقا بروح من الشغل بليل وبيكون ( موقف العاشر ) زحمه الناس الى بتتنك دى لو وصل بيهم الحال يركبو على سقف العربيه من فوق هيركبو وهيكونو مبسوطين واحتمال الواحد يكلم الموزة بتاعته وهو متشعلق فوق سقف العربيه ويحكلها مغامراته العاطفيه ^_^ وفى تلاقى الى يعمل ناصح ويقف قدااااااااام عشان يلحق الباص وهو داخل الموقف عشان يركب وتبص تلاقيه جاى جرى جرى جرى جرى جرى ورا الباص لحد لما نفسه يتقطع وفى الاخر على ما يوصل للباب يكون ربنا كرمه والعربيه مفيهاش خرم أبره يقف فيه هو دا المواطن المصرى الاصيل ^_^