الحب فى زمــن الثــورة ,,

[Mo chahin]

إنتي حبك يا حبيبتي ثورة ثورة.. لا رجوع إنتفاضة شوق وجوع إنما الأزمة ف غباوتك المسيلة للدموع يوم ما شفتِك جه ف بالي أدي صوت قلبي لفخامتِك بس تاني مرة شفتك فجأه يعني.. إذ.. بدا لي: حبنا يبقى انتقالي في المظاهرة المليونية رمش عين ف الزحمة جابني شدني للأمن.. سابني! حوشي عني عنيكي ديّه! مش عيون.. دول بلطجية! حبنا كان قصة عرجا يعني بتسايري واساير فجأة ولقيتنا ف يناير زي قوس ماشي ف كمنجه شبر شبر وزنقة زنقه يا حبيبتي ليه الحراك مفتقد ع الساحة بيننا داحنا من يوم ما اتقابلنا عند أهيف إحتكاك فيه قرار فض اشتباك كل مرة مِطَاطَيّه وانحناء للدكتاتوره والنهارده جت فاتوره فيها اشيل وحدي القضيه واتضرب بالمَطّاطيه؟! إن للباطل جوله كان هتافك ف المظاهره خِدْعِتِك دلوقتي ظاهره كنتي واخدانا مقاوله.. ثورجية وأمن دوله! إنتي ف التحرير، معاندة وانا.. عب منعم رياض بس ما يصلش التضاد.. أمّا اقوللك يد واحدة.. تحدفيني بطوبة جامدة! كنت اظن انه.. يزول بس خَدني صدة ردة وهدني بثورة مضادة باختصار.. عايز أقول: باقي من حبِّك.. فلول. شيلي فيشة التليفون حطمي سجن النظام ادخلي ف حضني اعتصام اعلني جمعة جنون نزّلي الجيش ف الصالون

[حياتي ذكريات]

ههههههههههه
جآمد يآ محمد بجد
عجبني كتير ،،
حتى الحب اتغير من بعد الثورة
:biggrin:
بس جميل باسلوب فكآهي وسلس

بالتوفيق ليك ان شآء الله

[αЛαstoOorα]

الله الله الله
آبدعت يا ميرو
والآسلوب روعه
ربنا يذيدك
بجد عجبتنى اوى
بالتوفيق

[نجم الحبيب]

كلمات في قمه الجمال والروعه

تسلم يدك علي الابداع والكلام الجميل

ودي وتقديري لقلمك المبدع

تقبل مني كل احترام وتقدير

الحبيب

[الولد الذكي]

ههههههههههههههههههه

تسلم الايادي

[Mo chahin]

اقتباس
المشاركة الأصلية كتبت بواسطة حياتي ذكريات

ههههههههههه
جآمد يآ محمد بجد
عجبني كتير ،،
حتى الحب اتغير من بعد الثورة
:biggrin:
بس جميل باسلوب فكآهي وسلس

بالتوفيق ليك ان شآء الله

مرور جميل كالعاده منك يا دعاء ,,

ديما موفقه ان شاء الله ,,

[Mo chahin]

اقتباس
المشاركة الأصلية كتبت بواسطة المنشاوى




الله الله الله
آبدعت يا ميرو
والآسلوب روعه
ربنا يذيدك
بجد عجبتنى اوى
بالتوفيق

الابداع الحقيقي فى مرورك الجميل حبيبي ,,

منور ,,

[ساحر الأحزان]

الحب فى زمن الثورة وما اجملها من ثورة

تغير فى المضمون تغير فى الافعال

فى النظر الينا

الى الافضل والارقى

موضوع قيم ومعبر

تحياتى علية

دمت موفق

[Mo chahin]

اقتباس
المشاركة الأصلية كتبت بواسطة الولد الذكي




ههههههههههههههههههه

تسلم الايادي

تسلم ايدك انت على مرورك الكريم ,,

[coralin]

ههههههههههه
بجد تحفة
تسلم
وفى انتظار جديدك