كيلو السعادة بكام ؟؟؟؟

[ام يوسف وياسين]

كيلو السعادة بكام؟

تساءلت للحظات ما هو معنى السعادة؟
وما مذاقها يا ترى؟

وهل أنا وصلت إليها؟
...وأين أبحث عنها؟

يا ترى كيلو السعادة بكام؟



أتعلمون....
قفزت إلى ذهني صور كثيرة كلها لأشخاص على وجوههم ابتسامة

*قمة السعادة لطفل قطعة من الشيكولاتة الفاخرة

*قمة السعادة لعجوز أن يخبرها أحد ما بعد أن يتذوق طعامها(الله تسلم إيدك أكلك مظبوط وآخر حلاوة)

*قمة السعادة لفتاة في السادسة من عمرها فستان واسع تدور وتدور ليدور معها أمام صديقاتها

*قمة السعادة لغلام في العاشرة أن يحرز فريقة المفضل هدف في مباراة ساخنة

*قمة السعادة لأب طيب أن ينجح ابنه بتفوق في الثانوية العامة وأن يصبح أطول منه وربما أقوى منه وبالتأكيد أغنى منه وأذكى منه

*قمة السعادة لأم جميلة أن يطرق باب بيتها عريس وسيم وصالح ليخطب ابنتها وتراها بالفستان الأبيض

*قمة السعادة لكل فتاة على وجه الأرض....أن تكون (عروسة حلوة بفستان أبيض)

*قمة السعادة لعروس جديدة أن تعرف أنها حامل في شهرها الأول

*قمة السعادة لشاب طموح هو أن يحقق إنجازا في عمله

*قمة السعادة لكل محب أن يتزوج بحبيبه



وهناااااااك
في مكان ما

*قمة السعادة لشاب فقير أن يجد ركن دافيء في حديقة ليختبيء وينام ليلته لأنه لا يملك بيتا

*قمة السعادة لأم تعمل خادمة في البيوت أن تكتشف ربة البيت أن بنطال ابنها تمزق لتخلعه عنه وتعطيه لها ليفرح ابنها

*قمة السعادة لفراش أو عامل بقشيش محترم من واحد طيب يحن عليه(علشان يجيب كيلو وربع لحمة لعياله)

*قمة السعادة لطفل من أطفال الشوارع أن يقوم صاحب محل الحلويات بالعطف عليه وإعطائه قطعة الجاتو التي قضى ساعات طويلة في تأملها من خلف زجاج المحل الفاخر

*قمة السعادة لفتاة بسيطة أن(يكرمها ربنا وتتعدل وتلاقي ضل راجل بدل البهدلة من شغل للتاني لأنها فقيرة ومالهاش أهل)

*قمة السعادة لمريض إن الدكتور يفتح ورقة الأشعة أو التحليل ويبتسم ويقول له...خلاص خفيت...ما عندكش المرض اللعين

*قمة السعادة لفلاح لطيف جدا وهو فقط من فهم الحياة على حقيقتها...هو أن يمتلك حمار مرسيدس آخر موديل...وحتى لو حمار...وحتى لو مش مارسيدس...هو فرحان بيه
وبيضحك



تعرف تعمل كده؟
افهمها صح تكون سعيد
وسيبك من الدنيا
افرح بنصيبك واللي معاك واللي عندك وقول يا رب رضيني
السعادة أكيد موجودة...بس إحنا اللي مش عارفين نستقبلها صح

منــــــقــــــووووول

[أحلي ياسمينة]

بجد موضوعة رائع أشكرك كتير علبيه خيتي ام يوسف واسمحي لي ان ابدي اعجابك بقلمك واتقاءك للمواضيع المميزة دائما وفعلا السعادة شي كبير مابنعطيه حقو

[ام يوسف وياسين]

اقتباس المشاركة الأصلية كتبت بواسطة أحلي ياسمينة بجد موضوعة رائع أشكرك كتير علبيه خيتي ام يوسف واسمحي لي ان ابدي اعجابك بقلمك واتقاءك للمواضيع المميزة دائما وفعلا السعادة شي كبير مابنعطيه حقو

ربنا يبارك فى عمرك يا حبيبتى ايه الكلام الجميل ده

ده من ذوقك والله وانتى الاجمل بحق

وفعلا السعاده عمرها ما كانت فى شئ انما فى القلب واللى قلبه راضى حياته كلها تبقى راضيه وسعيدة سواء أُعطى او حُرم

[بسكوتة مسكرة]

شكرا ام يوسف وياسين على موضوعك يا جميل موضوع مميز وطرائع ....وفعلا السعاده لاتقدر بأثمان ولاتوزن بالميزان

[سدين المصرية]

منورة ام يوسف وموضوعك ماشاء الله جميل جدااااااا
شكلك خريجة اداب علم نفس هههههه
ياريت تكونى فعلا تخصص علم نفس
لانه بكدا هنكون اصحاب فعلااااااا

[ام يوسف وياسين]

اقتباس المشاركة الأصلية كتبت بواسطة بسكوتة مسكرة شكرا ام يوسف وياسين على موضوعك يا جميل موضوع مميز وطرائع ....وفعلا السعاده لاتقدر بأثمان ولاتوزن بالميزان

العفو يا جميل الحمد لله ان اول موضوع ليا عجبكم

يارب دايما اكون عند حسن ظنكم

[ام يوسف وياسين]

اقتباس المشاركة الأصلية كتبت بواسطة سدين المصرية منورة ام يوسف وموضوعك ماشاء الله جميل جدااااااا شكلك خريجة اداب علم نفس هههههه ياريت تكونى فعلا تخصص علم نفس لانه بكدا هنكون اصحاب فعلااااااا

ده نورك يا حبيبتى الحمد لله ان الموضوع عجبك

بس تصدقى بأه انا خريجه آداب اجتماع سبحان الله بس مايمنعش بردو اننا نكون اصحاب ولا مينفعش ؟

[لوسينا]

شكرا موضوع اكثر من رائع

[ام يوسف وياسين]

العفو

مرورك اروع يا جميل

[ساحر الأحزان]

السعادة كلمة جميلة

واحساس جميل لا يوصف

فى الحياة

موضوع قيم

تحياتى علية