مش على خاطرك ولا بكيفك يا رفيف

[Silver Flower]

السلام عليكم ورحمه الله وبركاته


رفيف انا بحذرك وبقولك ما هو بكيفك وعلى خاطرك تتركينا
والقرار ده مش من حقك انك تسيبي الناس الي حبوكي وعرفوكي
رفيف معقول دي انتي
رفيف الي علمتني كيف اقف في وجهه الظلم بقوه ودافع عن حقي
رفيف الي علمتني كيف الاخت تقف جنب اختها في ازمتها وتنصحها بعقلها الكبير
رفيف الي علمتني من كيف اتعامل مع الناس على حسب فهمهم وعقلهم بعقل وتدبير
رفيف ذات الاخلاق الكريمه والقيم النبيله
رفيف الرائعه ببساطتها
انا بعرف انك قويه لتعدي العثره هادي
بتعرفي انا اذا ما رجعتي راح اخد اول طيار ل مصر
وادخل حاره حاره
عماره عماره
بيت بيت
واشوفك واقولك
وينك يا قمر :bb8:
كلنا في انتظارك

وده شويه ردح فلسطيني
جرى ايه يا عمر :733:

اه صح فلسطيني
شو يا حبيتي مو على خاطرك تتركينا ولا بيكفيك
ال تتركينا ال
والله بموتك وبعضك اه يا حبيتي بعضك
اصلها اختك عضاضه :shutup:

وبحاربك وما بحكي معك

يلا خليني اشوف ردك وضحك يا قمر
واما ماتركس اله شغل معي :hayth1:
بس ارجع للمنتدى انا بوريك
راح اخليك تقول مشان الله طلقين وريحوني
بتزعل حبيبتي ليش؟

[نانـــــو]

رفيف اخت عزيزة علينا كلنا وعمرنا ما شفنا منها حاجة وحشة على الاطلاق
وبنوتة عسولة وبحترم عقلها ليه بقى ياقمر حابة تبعدى عن كل الناس الى بيحبوكى
هنستناكى ياقمر تنورينا من تانى

[P R ! M O]

ان شاء الله فتره وهتعدى
وهترجع تنور من تانى

[خارج عن القانون]

قوللها والنبى يا فلاور

ان المنتدى مظلم من غيرها

يالا يا بنتى ارجعى بقا

الكل عايزينك اهه

[~♥ Queen sozan♥~]

عودى يا رفيف

عوووووووووووودى ،،

ما ترجعى يا بت يالة يخرم جيبك ،

دى فلور بحالة بتنادى عليكى ،،


ارجعى يالة يا بت


عمرو دياب بحالو اهو بيحكى ويقوالك عودى يا رفيف

بس بلية دة الدلع بقة

/
\

[♥..pure]

السلام عليكم ورحمه الله وبركاته ,,
ازيكم يا قطاقيط .. وحشتوني علفكرهـ ^^
بصوا هو الرد دا كان المفروض اني انزله في الموضوع بتاع وفاء الاعضاء لرفيف
بس لسه بدب فيه لقيته اتحذف ,, معاكـ حق يا تكنيكال كفايا كدا ..
يلا كويس ان فلور عملت الموضوع دا عشان يبقا ليا مكان اعرف اتكلم فيه بدل ما اعمل موضوع مستقل
المهم بقا وندخل في الموضوع عشان قدامي نص ساعه واقوم :d
أولا : زي ما كلنا عارفين السبب اللي مخلي كل واحد فينا داخل المنتدى دا
وهو التسليه وقضاء وقت ممتع من الاصدقاء والكلام الكبير اللي بيتقال دا
يعني فيه ناس بتهرب من عالم الواقع وبتيجي تستريح لعالم المنتدى >> وطبعا انا واحدهـ منهم
لما أجي في يوم والاقي المنتدى جزء لا يتجزأ من اللي بشوفه في الواقع
يبقا ايه لزمته اني ادخل >> دي كانت وجهه نظري في غيابي الفتره اللي فاتت
انا بطبعي تحس اني شديدهـ شويه ومش بتنازل عن حقي .. بس انت لو تيجي وتبص
هتلاقي اني ممكن بكلمه واحده اسامح ,, معنديش ادني مشكله خالص
لان كلنا بنغلط ومفيش انسان مش بيغلط لاننا من رسل او ملايكه ,,
سيد : والله انا مش زعلانه خالص منك دلوقتي .. انت زي اخويا وعمر ما الموقف هيأثر فيا اوي يعني تقريبا دلوقتي انا خلاص نسيت ..
ماتركس : والله يابني طول عمري بقول عليك انك غلبان وطيب جداااا .. انا عارفه ان ماتركس اللي جوا زي البفته البيضا وهو اهـ متسرع شويه بس زي لون الحليب صافي ^^
محصلش حاجة يا جدعان وبيتك بيتك بقا ,, هش بقا عاوزين ناخد نفسنا وننسى المشاكل اللي فاتت
اقولكم نكته
ندخل بقا على اللي عاوزه اقوله فعلا ,,
القرار اللي اخدته وهو اني اسيب المنتدى مش عشان المشكله اللي حصل مؤخرا
انا عمري ما كنت ضعيفه وبتهزر من ريح عاوزه تطيرني .. وكتير عارفين عني كدا
انا كنت عارفه اني سايبه ورايا رجاله .. وان الحق مهما طال بيبان في الاخر
دا شئ انا مسلمه بيه وعارفاهـ كويس
كون ان سما تعمل الموضوع او لأ فالحقيقه كانت هتظهر هتظهر >>
بس انتو ليه بصين اني سبته عشان المشكله ,,
يمكن كانت المشكله طريق او سبيل عرفتني الناس اللي بتعزني من الناس اللي ولا افرق معاهم
وكلامي دا مش اقصد بيه سيد وماتركس علفكرهـ .. انااصدي االناس اللي المفروض عارفاني
ومع ذلك لقيت اهمال او سلبيه جدا من رأيها حتى ولو عالميل >> ياريت اللي اقصده يكون اتفهم
أحمد ( تكنيكال) مش عارفه ممكن اعرف اكلمك تاني او لأ بس حبيت اشكركـ بجد ,,
محلاوي بقا وعملت الواجب >> هعملك تمثال في الشون بس ابقا هاتلي صورهـ لايدكـ عشان انحت زيها ههههههههههه
وبشكر كمان كل الاعضاء اللي قالوا رأيهم فيا >> جزاءكم الله كل خير بجد ..
فيكو الخير >> يا أصيل منكـ ليه ليها ^^
بالنسبه لسما بقا هبقا اشكركـ لما اشوفكـ ايدي وجعتني من الكتابه بصراحه ..
انا اسفه لاي حد ممكن يكون قراري خذله >> هتقولوا قرار ايه طيب نقول تاني
فارما كرهت فورمز مصريات .. بقدر ما كنت بحبه فعلا بقدر دلوقتي منا مش طايقه اني اقعد عليه
مع احترامي طبعا لكل اللي فيه والناس كلها على دماغي وراسي
كتير قالولي بلاش تسرع واصبري وخدي فتره نقاهه من المنتدى وابعدي شويه وبعدين ارجعي
وناس قالتلي كونك انك تمشي في الوقت دا مش صالح ليكي وبتاع
بس انا عنجد تعبت كتير من ها المكان >> قلبت لهجه سارهـ فلور اهوهـ ^^
أنا همشي لحد الاجازهـ ان شاء الله .. لا ميل ولا منتدى بقا الواحد يأخد راحه >> هاروح مارينا استجم فيها هههههههههه
محدش يزعل مني >> والله انا بعاقب نفسي قبل ما بعاقبكم
هبقا اطمن عليكو من سما بقا ان شاء الله ,,
خلى بالك من نفسك يا تقى .. خلى بالكم من نفسكم > ايه الجو دا )))
لو فيه نصيب اني ادخل تاني بعد الامتحانات يبقا ان شاء الله هتشوفوني تاني ..
اكيد بثوب آخر >> الواحد قرر انه يتغير بقا ويبعد عن العصبيه اللي فيه دي .,,
مش بقولكم هستجم في مارينا .. اللي عاوز يزورني يجيب عنواني من سما
وعموما هو >> مستشفى المجانين ... قسم عفركوش ... الدور الرابع .. غرفه جـ
اللي عاوز يشوفي اهلا بيه والله ويبقا يجيلي مندولين معاهـ وهو جاي وياريت دوريتوس ازرق كمان ,, كدا جنيه ونص يعني مش كتير
يلا اشوفكم على خير يا دفعه >> ههههههههههه تأثرا بالكليه
في أمان الله ,,

[♥..pure]

صحيح نسيت اقول حاجه >> شوفتوا انت واخدين عقلي ازاى :d
بالنسبه للقسم .. بصراحه شكله فظيع هههههههههههه
طارق >>
صباح الخير يا دكتور ,,
كنت قولتلي مره على مورشو انه يمسك معايا اشراف وانا قولتلك القسم مش محتاج
دلوقتي القسم محتاج .. ان شاء الله مورشو يكون اد المسئوليه
وطبعا مورشو مش هيقول حاجة >> لدام انا اللي صادرهـ القرار
تقدر تقول حاجة يا مرشدي افندي انت .. هع سمعتو بيقول ايه >> تحت امرك يا معلمه ههههههههه
ان شاء الله نباركلك على الاشراف يا احمد اانت اولى واحد ياخدها ..
ابقا افتكرني بقا بحته شيكولاته من اللي هتيجيلك >> مش حته كبيره اوي يعني عشان بدوخ ^^
يلا انا هغلق الموضوع بقا عشان مش عاوزهـ حد يزود مشاركاته هيه بقا ^^
يلا سلاموز يا اشطات ,,