نسيم الحريه بقلمى

[عمرو اللمعى]

مصر ياحرة يابنت النيل

عايز الليله ارد جميل

ليكى ولكل شباب الجيل

لشبابك ياحبيبتى يامصر

لولادك صناع النصر

شمى معايا الورد البلدى

اصل الليله انا جاى القصر

جاى ومعايا نسيم مش عادى

حب وشوق وحنين لبلادى

الليله انا هديكى عنيا

مشتاق ليكى بكل مافيا

لربوعك وجمال المداين

وللورد اللى فتح فى الجناين

هسمع معاكى سوما وحليم

هغنى لسعاد وهسمع وديع

وهفرح معاكى الجو ربيع

اصلها حلوة السنه ديه

شمينا نسيم الحريه

بعزيمه جامدة وقويه

بارادة صيحه شبابيه

مشينا شويه حراميه

ياحلاوة الثورة الشعبيه

[البرنس رامى]

كلمات فى حب مصر

يسلمو اخى الكريم عمرو اللمعى

كلمات بالفعل جميلة جدااا

فى انتظار المزيد من الكلمات ارائعه

[ماتركس]

عمرو اللمعي

بجد تسلم ايدك يا كبير علي كلماتك الجميله دي بجد

ابداع ما بعده ابداع ايو كده يا عمرو اتحفنا بجديدك كده

بالتوفيق ليك يا غالي

[♥Donya♥]

كلمات ولا اروع مانتحرمش
من ابداعك الدائم دوام التوفيق
دووونيا
.....

[دمعه حائره]

كلمات رائعه فى حب اروع واجمل بلد ام الدنيا
ابدعت اخى سلمت الايادى وانتظر كل جديد لك
تحياتى

[عمرو اللمعى]

شكرا جدا ياجماعه ونتمنى نكون عجبناكم

[عمرو اللمعى]

للاسف ناس كتير مستكترة علينا اننا نفرح بنسيم الحريه

[كريم عاصم]

كلمات رائعة في أجمل بلد . في كيانها . في شموخها
في عظمتها ......

تقديرى واحترامي لقلمك

[السفينة]

تسلمـ أيدكـ كلمات قمة فى الجمال
راقت لقلبى ولعيونى ربنا يبعد عنك الغمة
ياحبيبتى يامصر يا ام الدنيا يانور عيون كل مصرى
تقبل مرورى ...

[عمرو اللمعى]

شكرا ياجماعه