سلسله قصه ومعنى (4) الانتريه

[ام يوسف وياسين]

قصتنا الاولى كانت
سواق التاكسى والماتش

والتانيه
الموظف

والثالثه
الحفــــــرة


والنهاردة مع القصه الرابعه

الانـــتـــــريــــــة



كان اليوم هو اليوم المحدد لشراء الأنتريه لتكملة فرش الشقة قبل ميعاد الزفاف
توجه أحمد ووالدته لاصطحاب عروسه إيمان وأهلها لشراء الأنترية
وعندما وصلوا المحل وجدوا بالظبط ما كانوا يريدون

الحمد لله نفس اللون والموديل الى مطلوب بالظبط وعدد الكراسى كثير
وسألوا عن السعر برضه مناسب جدا
خلاص على بركه الله كله موافق
تمام



ولكن



لحظة




هى رجل الأنترية مكسورة!!!!!!!!




بدأ الكل يتأكد.......آه فعلا مكسورة!!!



قالوا لصاحب المحل فقالهم بكل هدوء وإيه المشكلة!!؟؟؟؟


عادى ما هو باقى الأنتريه سليم!!


قالوا له هنحطه إزاى كدة!!صلحه!!


نادى على أحد العمال: قالبين طوب بسرعة!!!

نطر الكل بإستغراب:طوب!!!!

قالهم عادى الطوب تحت كرسى الأنترية وهيبقى أخر جمال!!



وقعد يقولهم ياجماعة خليكوا( لارج) إيه يعنى رجل كرسى!!

بلاش تبقوا محبكنها قوى كدة


إنتهى الموقف ويبقى المعنى



لكن

لنا وقفة





جميل إهتمامنا بكل الأمور فى حياتنا
جميل حرصنا على الأفضل والأنسب
جميل عدم تهاوننا فى تفاصيل أمور دنيانا


ولكن


ياترى هذا مبدأ لا يتغير؟؟

ام لنا حسابات أخرى فى التعامل مع أمور ديننا؟؟؟؟


صاحب المحل شايفهم متشددين مش عايزين يقبلوا خطأ عادى
والمفروض يكونوا متساهلين أكثر من كدة !
إيه رأيكم؟؟؟؟
؟؟؟؟؟؟؟

ليه مبنقبلش أى تقصير فى دنيانا
وعادى جدا التقصير فى دينا

والمبرر عادى :الدين يسر!!!

ومحدش قال إنه عسر


أبسطها على الإطلاق الى بيتوضأ ولا يكمل غسل وجه للأخر تقوله مينفعش اغسل وشك كله كدة الوضوء باطل والصلاة باطلة

يقول :إيه التشدد دة .....الدين يسر!!

سؤال:الدين يسر معناها أضيع فى الفروض؟؟؟؟
وياترى نفس الشخص يقبل يشترى الأنترية برجله المكسورة؟؟؟؟؟



ليه كل حاجة فى دنيتنا بالورقة والقلم ولازم تتعمل صح !!!!
ودة جميل
قبل ما تعمل أى حاجة فى الدنيا دراسة جدوى وتسأل وتتعلم كويس

وعند الدين خليها على الله
وربك رب القلوب
والدين يسر

(الإعتراض مش على الجمل فى حد ذاتها الإعتراض على استخدامها فى غير محلها)

بالعكس الدين فعلا يسر
وما خير الرسول صلى الله عليه وسلم بين أمرين إلا إختار أيسرهما

ولكن بالطبع لم يكن ليختار أمر حرام



كل الى عاوزة أقوله

ديننا جميل جدا ويسر ورائع

ولكن مش عايزين الشيطان يدخلنا من الناحية دي ويقولك

اعصى ربنا براحتك!! ربنا غفور رحيم
مش مهم الفروض!! الدين يسر
الى بيصلى فى الجامع والى بتحجب حجاب كويس
متشددين !!!!!!

الكلام دة ينفع؟؟!!!

يعنى الدنيا أدق التفاصيل نهتم بيها
والآخرة حتى الاساسيات نضيعها
!!!



إنتظرونـــــــــــــــــــــــــــــــــــــــــــ ـــــــــــا

فى قصة جديدة

من سلسلـــــــــــــــــــــــــــــــــــــــة

[ام يوسف وياسين]

اللهم اجعلنا ممن يستمعون القول فيتبعون احسنه

[ام يوسف وياسين]

لا اله الا الله

[ام يوسف وياسين]

قصه الشحات

[سمسم كول]

قصة جميل والمراد منها اجمل
جزاكى الله خيرا
سبحانك اللهم وبحمدك ، أشهد أن لا إله إلا أنت أستغفرك وأتوب إليك

[شريف القناوى]

اختي الغالية
قصص جميلة بجد
ومعانيها اجمل ما يكون
عبرة وعظة للجميع
متابعين وفي انتظار الجديد

[جبل عالي]

سامحينى يا ام ياسين والله على تقصيرى ... جمال ما بعده جمال

فى مواضيعك والله يا اختى .... بارك الله فيكى

لا استطيع ان اوفيك حقك.......كلماتك لها وزنها

والمعانى المرجوة هى بحق تستحق آلاف المواضيع والصفحات

دمت بكل الود سيدتى الراقية

[sokara]

دائما غاليتى نستمتع ونستفيد من طرحك الراقى

تسلمين على هذا الابداع المستمر
دمتى بخير تقبلى تحياتى

[ام يوسف وياسين]

اقتباس المشاركة الأصلية كتبت بواسطة سمسم كول قصة جميل والمراد منها اجمل جزاكى الله خيرا سبحانك اللهم وبحمدك ، أشهد أن لا إله إلا أنت أستغفرك وأتوب إليك

جزانا واياكم

[ام يوسف وياسين]

اقتباس المشاركة الأصلية كتبت بواسطة شريف القناوى اختي الغالية قصص جميلة بجد ومعانيها اجمل ما يكون عبرة وعظة للجميع متابعين وفي انتظار الجديد

جزاكم الله خيرا