حكمة ربنا كتبت ان الفراق يكون قدرى

[(طائر الشرق)]

نظـــــــــــره وكانت من بعيد لحبيبتى

بتقُلها مبروك زفافك ياروح الروح يا عمرى

وقلـــــبى بيدعى بيقول يارب تفرحى وتتهنى

وعــيونى حيرانه بين دمعه وابتسامه وندمى

على فــراق الحبيبه كـانت هــى دنيتى وسندى

لكن حكمة ربنا كتبت ان الفـــراق يكون قدرى

هــــــى يا ناس كـــانت أحساسى ونور بصرى

يفيد بأيه العويل بعد مـــا مــات وانتهى أملى

واليوم كان زفاف حبيبتى ومعاه أنتهى أجـلى

وقبل وداع الحبيبة كنت بتمنى أهديها عمرى

ورغـم أخلاصى عارف ان عمرى مـــــا يكفى

وأصعـــب لحظة لما نظراتها كـــانت بتدبحنى

بتقــول غلطان لما هـــربت وبعدت بعيد عنى

كانت فـــــوق مسرحها وعريسها بيها بيغنى

وأنا وهـى مــع بعضنا فــى دنيا تانيه بننعى

قصة حبنا وذكــريات صعب تخرج مــن قلبى

وحلمى أكون العريس لو أخر يوم فــ عمرى

قالت بنظره حسيتها وده كان حلمى وقصدى

لكن النصيب ياحبيبى كــان أقوى منك ومنى

وخرجـت أه تقـــول أنا أيه وأنتى بعيد عنى

غير جسد مــن غير روح معرفش غير همى

وفى النهاية بدعيلك بالسعادة من قلب قلبى

وأحــب اعرفــك أن بعدى كــان غصب عنى

زعيم الغلابة