حريق في منتدى بنات مصر!!

[SiLver Spectra]

حريق في قسم اقلام بنات مصر




القسم عالي....
السلطات بتحاول تحل مشكلة علو القسم





و الشرطة حاصرت المنتدى!!




بعد إطفاء الحريق










صورة من داخل القسم









و بدأ التحقيق من قبل مباحث أمن المنتديات....



---------------------------------------

سيلفر إسبكترا؟

أيوه أنا..... خير...

تعالى معانا...إنت مطلوب لتحقيق ...

هاجي فين...

من غير كلام كتير ...تعالى معانا القسم

...............

ليه يا سيلفر!!

ليه إيه؟؟

من أولها ليه إيه!!

و الله يا سعادة البيه ما أعرف مين إلي ولعها!

و عاملي فيها سيلفر و بتاع....
كنت فين يا سيلفر وقت الحريقة؟؟

كنت بتفرج على الحريقة من القسم بتاعي

يعني كنت فرحان؟؟

لا يا سعادة الباشا...هفرح ليه بس....

أمال كنت بتتفرج ليه؟

بتفرج زي ما الناس ما بتتفرج..

و أنا مالي و مال الناس
قولي إنك كنت فرحان؟

يا بيه أنا كنت بتفرج بس....و بعدين هولع في القسم ليه...دا سيد حبيب قلبي

و أنا مالي حبيب قلبك و لا حبيب كليتك!!
أنا بسألك سؤال محدد فرحان و لا لأ؟

ما أنا قولتلك يا بيه لأ

أمال بتتفرج ليه؟
يعني فرحان...

كنت فرحان يا بيه و مبسوط و كنت برقص من كتر الفرحه

سجل يا عزت الكلام دا عندك...
قولي بقى.....
مين إلي شغالين معاك!!

شغالين معايا فين يا بيه!!

إنطق ...

تراخ تراخ!!

مين من المشرفين الجدد...

و الله يا بيه ما فيش حد...أنا ما ولعتش حاجه

عراقي...و لا عبدو...

لا دول غلابه و الله و طيبين

صمت؟

يمكن صمت (هههههه)

طيب همس الروح!!

لا يا بيه ...دي همس الروح أول ما شافت الحريقة جابت الجردل بتاعها و قاعدت تطفي معاكم

و بعدين دي إنسانه محترمه

طيب قولي مين....عشان أساعدك
و إلا و الله...هوريلك العين الحمره

..........

ميره؟

ميره مين بس دي زي النسمة

نوسي؟

ما شاء الله ..إنت عارف المشرفين كلهم

طبعا يا إبني...
إحنا هنا بنعرف كل حاجه...
بعرف كام مشاركة عملتها في اليوم
إنت مفكرنا نايمين على ودانا

نوسي بتتابع الأخبار لكن ما بتولعش أقسام

أمال مين....قول


و الله يا باشا ما أعرف حاجه

وصفي...

وصفي دا طيب و إبن حلال

بيعرف يفك الشفرات؟

أيوه يا بيه...و بيركب أقمار صناعية

خلاص براءة

نورهان؟

لا نورهان دي بتاعت الفوتوشوب

بتعمل تواقيع جامده و لا أي كلام

جامده بس اي كلام....

لو أي كلام هستدعيها للتحقيق حالا

جامده أكيد يا باشا

كراميلا؟

كراميلا بتاعت النقاش و لا إلي بتتاكل

إلي بتتاكل طبعا..
هتهزر يا عين أمك

كراميلا زي الفل يا باشا
هي ممكن تولع فيك...لكن ما تولعش في القسم

خلاص يا خويا...هتحكيلي قصة حياتها!!

مروة؟

مين مروة دي!!؟

هنستعبط و لا إيه!!

يا بيه أنا أول مره أسمع الإسم دا!!

ايوه يا خويا عشان عرفت إنها مطلوب للعدالة نسيتها صح؟

آه مروة...ميرو قصدك

أيوه يا خويا

و لا أعرفها

إتكلم عدل

لا ما لهاش في الحرق يا بيه
دي دكتورة

و إيه يعني؟

لا لا بتتكلم إزاي...
دي دكتورة أد الدنيا
و إنشاء الله أول ما هتخلص كلية و تفتح عياده
هبقى أخليها تعزمك على خلع ضرس

قلم بلا حبر؟

سيد...لا ...و بعدين حرام تستدعوا الراجل...
المفروض تراعوا ظروفه....الراجل بقى مشرف على قسم محروق

ما إحنا سايبينه....
و هنستدعيه أول ما يبيضوا القسم بتاعه
هو صحيح قلمه مافيهوش حبر ليه؟؟

إنت عارف بقى يا بيه...
الحبر بقى غالي اليومين دول
و العيش بيصغر و الحاجات بتغلى..
فأكيد مش فاضي يجيب حبر لقلمه

خلاص يا عم

سمسمه2008

لا سمسمه دي بنت حلال
هي بتحارب سيد آه ...لكن ما توصلش لحرق أقسام

صحيح فين الدبدوب بتاعها!؟

هو راح و لا إيه؟

أنا إلي بسألك فين دبدوبها!!

إنت مش عارف حاجه خالص كدا!!


طيب قولي

البرنس رامي؟

دا كان بيحج..و إنشاء الله يكون رجع بالسلامه

أمال مين؟

روني

لا دي طيبة و عيد ميلادها كان من يومين
عقبالك

إنشاء الله...
جبتولها تورته

أيوه يا بيه

نخش بقى على الأعضاء....

يا باشا أنا تعبت و الله من الكتابة على الكيبورد

إنت هتتأمر كمان

عنيه ليك يا باشا

بنوته
آيه
سما
رنين
سمسمه666
كنزي
قلب بريء
دموع الندم
يقين بالحق
القلب الطيب
....

كل دول زي الفل و الله يا باشا
و مالهومش في التوليع

طيب خدوه على التخشيبه...

ليه بس يا باشا حرام عليك
أنا عملت إيه بس!!

كل دا مش عارف لسه عملت إيه؟

و الله ما عملت حاجه...
أنا بريء
:icon1366:
ما إنت مش راضي تدلني على حد!!

قولي على إسم اي واحد و أنا هسيبك...

يعني أظلمه؟

خلاص إظلم نفسك.....

أظلم نفسي لكن ما أظلمش غيري.........

[A . y . a]

شفت ياطارق مش امبارح لما قلتي تشتركي معايا في حرق القسم
وقلتلك لأ عشان مهما حصل حيمسكونا ومسمعتش الكلام
اديك وقعت في شر أعمالك
(طبعا انت عارف اني رفضت علشان كنت عايزة اجرتي تبقى زيادة 200 جنيه )
هههههههههههههههههههههههههههههههههههههههههههههههههه ههه
لأ بجد مبدع يا طروق واله التوبيك جميل جدا
ومصورهة ومزبطته
تمام اوووي
شكرا ليك يا طروق والله قعدت اضحك كتير اوووي
شكرا....

[SiLver Spectra]

اقتباس المشاركة الأصلية كتبت بواسطة اية شفت ياطارق مش امبارح لما قلتي تشتركي معايا في حرق القسم وقلتلك لأ عشان مهما حصل حيمسكونا ومسمعتش الكلام اديك وقعت في شر أعمالك (طبعا انت عارف اني رفضت علشان كنت عايزة اجرتي تبقى زيادة 200 جنيه ) هههههههههههههههههههههههههههههههههههههههههههههههههه ههه لأ بجد مبدع يا طروق واله التوبيك جميل جدا ومصورهة ومزبطته تمام اوووي شكرا ليك يا طروق والله قعدت اضحك كتير اوووي شكرا....

هههههههههههه
بقى أنا اضحي عشانكم و إنتي فرحانه!!

تسلمي يا آيه على المشاركة الحلوة دي
و إلي هتودينا في داهيه
ههههههه

تحياتي

[abo adhem]

هههههههههههه
جامده جدا ياطارق
تسلم ايدك والله
موضوع رائع يستحق التقدير
كتابه واخراج اكثر من رائع
شكرا جزيلا والى الامام دائما

ابو ادهم

[SiLver Spectra]

اقتباس المشاركة الأصلية كتبت بواسطة abo adhem هههههههههههه جامده جدا ياطارق تسلم ايدك والله موضوع رائع يستحق التقدير كتابه واخراج اكثر من رائع شكرا جزيلا والى الامام دائما ابو ادهم

و مشاركتك الأجمد...
شكراا أبو أدهم على المشاركة

منور يا غالي الموضوع

ما قولتلناش عملت إيه لما كلمت سيد مايك!!؟
هههههههه

تسلم على المشاركة و التشجيع
الموضوع بقى حلو بمشاركتك فيه

تحياتي

[miraa]

والله كنت هموت من الضحك
مستحيل بجد يا طارق موضوع تحفه واكتر من رائع

بس عايزه اعرف ايه اللى حصل فى التخشيبه ؟ .. مش كنت تقولنا كنا نجبلك عيش وحلاوه

بس كده يا طارق تولع فى القسم ....
بس كويس انك استحملت الضغوط ومش اقريت على اعضاء التنظيم

بجد موضوع رائع افكارك دائما جديده

لا والمشهد بجد مكتوب صح ده انا تخيلتك وانت بتاخد التراخ
ههههههه والله بجد موضوع جميل جدا

تسلم ولاعتك على الموضوع المشتعل ده

[صمت]

اقتباس صمت؟ يمكن صمت (هههههه)

هههههههههههههههههه
ههههههههههههه
هههههههههه
هههههه
هه

كدا ياسيلفر حرام عليكو

دانا كنت متخفيه ومسكة جردل بطفي معاكو


هوانا صح شريرة بس مش لدرجة دى

انا كنت بتمنى كون بدل الصحفى اللي رمى بوش

وبدل الجزمة وانتو بكرامه

(..................)

بس مش هقول لحسن تقولو عنى ارهابيه

هههههههههههههههههههه

لا بجد ياسيلفر

تشكرااااااااااااااااتى

الموضوع جدا رائع

والله انا اليوم فرحااااااااانه

اوووووي

شايف انا كمان بعرف اتكلم مصري!!
مجهود عالي وموثق بالصور اللي دعمتو

وتستاهل ست نجوم

خمسه بتوع التقيم واحدة هديه منى شايف دنا كريمه

[همس الروح]

استنو استنو واخدينوا علي فين

انا عندي ادلة خطيرة

واعرف مين اللي عملها

ايوه طبعا عارفاه

وعارفة شكله ووصفه

وبعدين متعملش العملة كده

و ترميها علي غيرك

بتقول ايه ايه برئ ال برئ ال

بقولك معايا الادلة

طيب طالما مفيش فايدة

لازم اتكلم علشان محدش يتظلم

حاضر هحلف اليمين

واللهي العظيم اقول الحق

شوف ياباشا

طارق ده

كان عمال يحوم حوالين القسم ده ايوه

بتاع اقلام الاعضاء

وشوفته بعنيه اللي هتكلهم الدود دول

وبعدين مانا حلفا يمين الله يعني هكذب

المهم ياباشا لقي باب القسم مفتوح

قام مسهي مشرف القسم

ودخل من غير ما حد يشوفه

ايوه ايوه هقول دخل يعمل ايه

اول حاجة قال ايه عمل موضوع اسمه

ال ايه

حلم الالفية ال حلم ال

وبعدين محدش خد باله منه

قام دخل عمل موضوع تاني

ال ايه

البنات لمي بتكبر بتتحول لمخلوق غريب

بقه بالذمة ده كلام برضك !!!

حاضر حاضر هكمل بلاش زق

المهم برضك ميسكوتش بقه

لاء دخل غرفة تالته وعمل

ال ايه اليوم بيصغر وانا بكبر

تصدق انت الكلام ده

ياخبر ال يكبر ال

حاضر هكمل

ميسكتش بقه ويلم الموضوع لاء

راح عاند البنات وعمل موضوع

تاني اسمه اتعلمي

من عنايات ال ايه ازاي تشد انتباه الشباب

بالذمة ده اسمه كلااام ياخرابي

ولسه ولسه في في اصبر

طبعا بعد الموضوع ده

بدأت الحريقة تظهر وبدأ الجيران

يشمو ريحة الشياط ويسئلونا

واحنا نخبي قولنا معلش مننا وعلينا

وكلنا اخوة مع بعض وكده

قولنا نعمل الطيب ونرميه البحر

وبرضك مفيش فايدة

لقناه بيتسحب وراح اشتري

خروف العيد

ال يلا عيدوا وكلوا لحمة

عن ما حد حوش

بس لمي راح يشتري الخروف

اتعرض لحبة نصب وقام قايل ايه

لاا بقه احنا بقينا

في عصر الاشتغالات

علي كده

اي واللهي ياسعت البيه

عمل كده واحنا نهدي فيه

ونقولة اسكت خلي الحريقة تنطفي

وهو لايمكن ابدا يسكت

اللي زودها بقه اكتر واكتر

وخلها تشتعل اشتعالة

ملهاش تنطفي ابدا

انه اتسحب ودخل غرفة كده صغيرة

ومسك القلم والمسطرة وقعد يرسم حاجة كده

اسمها ايوه ايوه كانت علي طرف لساني ياخرابي

معلش يابيه سمحني الزهايمر

بقه بحكم السن

ايوه ايوه افتكرت عمل حاجة اسمها

منحنيات الحياة

تخيل انت ال منحنيات ال

ومن بعدها النار ولعت ومعرفناش نطفيها

جيه مشرف القسم ربنا يستره علشان يهدي الحريقة

عزله وثبت المنحنيات دية لوحدها كده

الحمد الله وصلتم في الوقت المناسب

معلش بقه

يا طارق انا حلفت اليمين سمحني

وربنا يتوب عليك

بس كلمة اخيرة عايزة ااقولها

قبل ماترموه في الحبس

هههههههههههههههههههههه

بجد تسلم ايدك موضوع اجمل من رائع

ومجهود يستحق الاشادة والتميز

اشكرك

ودام تميزك

ومن جديد الي اخر

دمت بخير

مع ارق المني

وخالص تقديري

[قلب برىء]

جامدة يا طارق قال سيلفر قال
بس لو كنت حابب تقول عليا مكنتش هزعل
ههههههههههههه
يلا تعيش و تخد غيرها
ادى جزاة اللى يعمل خير فى حد
انا جايه بالعيش و الحلاوة
تاكس

[مسك الحبيب]

بجد موضوع اكثر من رائع .... وتسلم اناملك ....
دومت بكل خير