حريق في منتدى بنات مصر!!

[SiLver Spectra]

اقتباس المشاركة الأصلية كتبت بواسطة miraa والله كنت هموت من الضحك مستحيل بجد يا طارق موضوع تحفه واكتر من رائع بس عايزه اعرف ايه اللى حصل فى التخشيبه ؟ .. مش كنت تقولنا كنا نجبلك عيش وحلاوه بس كده يا طارق تولع فى القسم .... بس كويس انك استحملت الضغوط ومش اقريت على اعضاء التنظيم بجد موضوع رائع افكارك دائما جديده لا والمشهد بجد مكتوب صح ده انا تخيلتك وانت بتاخد التراخ ههههههه والله بجد موضوع جميل جدا تسلم ولاعتك على الموضوع المشتعل ده

دوام الضحك يا غالية

فرحانه عشان بضرب يا ميره!!

إسألي الظابط بقى عملوا فيه إيه
هههههههههههههههه

كتر خيرك و الله ...فيكي الخير
عيش و حلاوة....
بس أنا كنت عايز كباب و كفته
هههههههههههه

تسلمي يا أميره على المشاركة و الرد
نورتي الموضوع يا غالية

تحياتي

[سندريلا]

احسن يا طارق بس طلعت جامد بتفهم اهو الموضوع تحفة طحن

كويس انك ما جبتش سيرتي دة انا كنت هولع فيك و في المنتدي و في عم الزفت اللي بيستجوبك دة

شاطر

هههههههههههههههههههههههههههههههههههههههه


بس الموضوع تحفة تقبل مروري

[wssfy2007]

والله يا جماعة انا قولت الواد دة ممكن يعمل
اى حاجة وانتو مش عاوزين تصدقو
اهو ولع فى القسم دة والواحد مش عارف حايعمل اية تانى
وعلى الله ما يجيش عليا الدور
دا انا بقول يا حيطة دارينى
هةهةهةهةهةهةهةهةهةهةهة
بجد بارك الله فيك وعليك
انت بجد فوق الوصف
مش عارف الواحد من غيرك كان عمل اية ؟؟؟؟؟؟
ادامك الله لصالح الاعمال
لك منى كل التحية

[قلم بلا حبر]

بئى انا لسه بحتفل بالآلفيه ,,الاقى القسم ولع

طب وحاجة الناس اللى كانت عندى امانه ,, المواضيع والردود

ده انا ياعينى مطلع عينهم قوانين وحذف وتعديل ونقل ,,

و لما يتحملوا كل ده لا وكمان يعملوا الف مشاركه ,, الاقى القسم ولع

ومن مين ,, من دراعى اليمين

مكنتش مفكر ان الطعنه تيجى منك يا سيداحمد

على العموم اللى عمل القسم ممكن يوقفه تانى على رجليه والبركه فى الناس اللى حتتبرع بموضوع والا برد (( عاجبك كده ,, ادينى حشحت اهو ))

روح يا انبى ,, لاحدعيلك ولا حدعى عليك (( منك له ))

ويلا بئى خلينا نشوف تكلفة الاعمار (( واخد بالك انت )) حتتكلف قد ايه

وبعد كده نعمل اجتماع للاقسام المانحه ,,, ومش بعيد اجيب اقلام حفظ تميز علشان يساعدونى فى استقرار القسم

ومتفكرشى ان الموضوع حيمر بالساهل ,, بالعكس

انا حقدم احتجاج رسمى للاقسام المتحده من اللى انت عملته

واكيد اختنا همس شاهده >>>>> دى حلفت اليمين يا حلو

يعنى مش بعيد تتهفلك قرارين ومش بعيد يتعمل على قسمك حصار

وابئى قابلنى بئى هههههههههههههههه

[عراقي]

ها طارق عملتها بس عملك ايه الراجل قلم بلا حبر كل يبوم بيديك نجوم حتى صارعندك نجوم السما وتروح تحرقلو القسم بتاعوا حرام عليك ومسوي روحك مسكين وعايز تضحي من اجلنا ليه يا طارق حنكتب فين على الخشب الاسود لو فين انت مولعها من كل الجوانب طب اعمل حسابك للصداقى ولينا احنا الجدد حنروح فين منك لله حشتكيك حشتكيك واقول للنيابه
(( ياباشا امسكو طارق واعو تسيبوا
هو من عمل الحريقه بيضر اخوه
واد طايش مافي راسو تفــــــكير
عـــــــــــــمل حريقه اوعو تسيبوا ))
هههههههههههههه
حبيبي طارق موضوع من جد بيجنن موت حلو والله انا اقره واضحك وماسك بطني من الضحك ايه يارجل منين تجيك الافكار دي
الف شكر والف تحيه

[البرنس رامى]

هههههههههههههههههههههههههههههههههههههههههه

بصراحه وبأمانه انا من الأول شاكك

فى العضو اللى اسمه طارق ياباشا

ومهما يقولو ويعمل برىء ومسكين

وعامل انه عامل فينا جميل

وانه مش عاوز يظلم حد >>>>

ده لأنه مش لاقى حد يرمى عليه التهمه

لأنه هو المتهم فى الاصل

وعلى فكره الواد ده كل يوم الاقيه

داخل القسم بعربيه بوليس مسروقه

اقوله منين دى يا طارق يقولى انا شغال فى البوليس

والعربيه موجوده فى توقيعه يابيه وهتشوفوها

وانا بطالب بتقديم اوراق طارق سيلفر الى المفتى

وياريت سياده المفتى يكون رحيم بيه


علشان خاطرنا و يعجل بالاعدام

يعنى بسرعه شويه ههههههههههههههههه

وتسلم ياسيلفر ومعلش بقى

تعيش وتحرق قسم غيره ههههههههه

ارق تحياتى لك يا جميل وبجد موضوع

اكثر من رائع

[~ zahorah~]

هههههههههههههههههههه


انت مش ممكن


و كمان عايز تحرق قسم قلم بلا حبر


و الله انك مفتري (شايف يا سيد انا ازاي بدافع عن قسمك)


و ما تخافش


السجن للرجالة


و بعدين احنا كلنا حنجيب ليك عيش و حلاوة


بس انما ايه طازة


هههههههههههههه








ثانكيوووووووووووووووو يا سيلفر إسبكترا على التوبيك التحفة و الجميل جدا


و بتوفيق و الى الامام ان شاء الله


أختك/ دموع الندم

[SiLver Spectra]

اقتباس المشاركة الأصلية كتبت بواسطة صمت هههههههههههههههههه ههههههههههههه هههههههههه هههههه هه كدا ياسيلفر حرام عليكو دانا كنت متخفيه ومسكة جردل بطفي معاكو هوانا صح شريرة بس مش لدرجة دى انا كنت بتمنى كون بدل الصحفى اللي رمى بوش وبدل الجزمة وانتو بكرامه (..................) بس مش هقول لحسن تقولو عنى ارهابيه هههههههههههههههههههه لا بجد ياسيلفر تشكرااااااااااااااااتى الموضوع جدا رائع والله انا اليوم فرحااااااااانه اوووووي شايف انا كمان بعرف اتكلم مصري!! مجهود عالي وموثق بالصور اللي دعمتو وتستاهل ست نجوم خمسه بتوع التقيم واحدة هديه منى شايف دنا كريمه

هههههههههه
مين بس بيقول عليكي شريره!!

ما إنتي طيبه أهوو و زي الفل

كل دا عشان الجزمة إتحذفت على بوش!!
ههههههه

أنا لو أعرف كنت حدفت كل يوم عليه جزمة عشان تفرحي
:shiny01:

شكراا يا غالية على المشاركة و التفاعل

أنا عارف إنك كنتي بتطفي النار...و بتكبي جاز
ههههههههههههه

نورتي الموضوع يا صمت

تحياتي

[SiLver Spectra]

اقتباس المشاركة الأصلية كتبت بواسطة همس الروح استنو استنو واخدينوا علي فين انا عندي ادلة خطيرة واعرف مين اللي عملها ايوه طبعا عارفاه وعارفة شكله ووصفه وبعدين متعملش العملة كده و ترميها علي غيرك بتقول اي ايه برئ ال برئ ال بقولك معايا الادلة طيب طالما مفيش فايدة لازم اتكلم علشان محدش يتظلم حاضر هحلف اليمين واللهي العظيم اقول الحق شوف ياباشا طارق ده كان عمال يحوم حوالين القسم ده ايوه بتاع اقلام الاعضاء وشوفته بعنيه اللي هتكلهم الدود دول وبعدين مانا حلفا يمين الله يعني هكذب المهم ياباشا لقي باب القسم مفتوح قام مسهي مشرف القسم ودخل من غير ما حد يشوفه ايوه ايوه هقول دخل يعمل ايه اول حاجة قال ايه عمل موضوع اسمه ال ايه حلم الالفية ال حلم ال وبعدين محدش خد باله منه قام دخل عمل موضوع تاني ال ايه البنات لمي بتكبر بتتحول لمخلوق غريب بقه بالذمة ده كلام برضك !!! حاضر حاضر هكمل بلاش زق المهم برضك ميسكوتش بقه لاء دخل غرفة تالته وعمل ال ايه اليوم بيصغر وانا بكبر تصدق انت الكلام ده ياخبر ال يكبر ال حاضر هكمل ميسكتش بقه ويلم الموضوع لاء راح عاند البنات وعمل موضوع تاني اسمه اتعلمي من عنايات ال ايه ازاي تشد انتباه الشباب بالذمة ده اسمه كلااام ياخرابي ولسه ولسه في في اصبر طبعا بعد الموضوع ده بدأت الحريقة تظهر وبدأ الجيران يشمو ريحة الشياط ويسئلونا واحنا نخبي قولنا معلش مننا وعلينا وكلنا اخوة مع بعض وكده قولنا نعمل الطيب ونرميه البحر وبرضك مفيش فايدة لقناه بيتسحب وراح اشتري خروف العيد ال يلا عيدوا وكلوا لحمة عن ما حد حوش بس لمي راح يشتري الخروف اتعرض لحبة نصب وقام قايل ايه لاا بقه احنا بقينا في عصر الاشتغالات علي كده اي واللهي ياسعت البيه عمل كده واحنا نهدي فيه ونقولة اسكت خلي الحريقة تنطفي وهو لايمكن ابدا يسكت اللي زودها بقه اكتر واكتر وخلها تشتعل اشتعالة ملهاش تنطفي ابدا انه اتسحب ودخل غرفة كده صغيرة ومسك القلم والمسطرة وقعد يرسم حاجة كده اسمها ايوه ايوه كانت علي طرف لساني ياخرابي معلش يابيه سمحني الزهايمر بقه بحكم السن ايوه ايوه افتكرت عمل حاجة اسمها منحنيات الحياة تخيل انت ال منحنيات ال ومن بعدها النار ولعت ومعرفناش نطفيها جيه مشرف القسم علشان يهدي الحريقة عزله وثبت المنحنيات دية لوحدها كده الحمد الله وصلتم في الوقت المناسب معلش بقه يا طارق انا حلفت اليمين سمحني وربنا يتوب عليك بس كلمة اخيرة عايزة ااقولها قبل ماترموه في الحبس هههههههههههههههههههههه بجد تسلم ايدك موضوع اجمل من رائع ومجهود يستحق الاشادة والتميز اشكرك ودام تميزك ومن جديد الي اخر دمت بخير مع ارق المني وخالص تقديري

هههههههههههههههههههههه
ردك غلب موضوعي يا همس...

ما شاء الله ...عارفه كل حاجه

همس دي لو في نملة دخلت المنتدى هتعرف
هههههههه

بس الترتيب مش مظبوط
:shiny01:

حلم الألفية
يوم بيكبر و أنا بصغر
عصر الإشتغالات
البنت لما بتكبر بتتحول لكائن تاني
إتعلمي من عنايات
خروف العيد
منحنيات الحياة
حريق في المنتدى

بس و الله برافو عليكي

أنا هوصلهم ل10 و بعدين هقدم إستقالتي
هههههههههههه

تسلمي يا همس على المرور و التفاعل إلي ضاف للموضوع حلاوة

على فكرة أنا صحيت النهارده لاقيت الموقع إلي برفع عليه الصور واقع!!
حد قر عليه
ههههههههههههههههههههه

و رفعتها على موقع تاني

ألف شكر على التفاعل يا همس
أكيد مش إنتي إلي ضربتيني عين
ههههههههههه

و دايما همس واجهة مشرقة للمنتدى

تحياتي

[SiLver Spectra]

اقتباس المشاركة الأصلية كتبت بواسطة قلب برىء جامدة يا طارق قال سيلفر قال بس لو كنت حابب تقول عليا مكنتش هزعل ههههههههههههه يلا تعيش و تخد غيرها ادى جزاة اللى يعمل خير فى حد انا جايه بالعيش و الحلاوة تاكس

شكراا يا نهى على المشاركة

و أنا مستني العيش و الحلاوة

عشان تشجعوني على توليع باقي المنتدى
:shiny01:

نورتي الموضوع يا قلب جريء

تحياتي