الردود .... نقاط هامه جدا جدا

[قلم بلا حبر]

بسم الله الرحمن الرحيم

السلام عليكم

اخوانى اعضاء منتدى بنات مصر

الساده الدائمى الكتابه فى القسم

حضرات الزائرين الكرام

ّّّّّّّ/*/*/*/*/*/*/*/*/*/*/

خالص تقديرى للجميع على ما تبذلوه من مجهود لا يسعنى الشكر عليه فى كلمات ,,

فما تقومون به هو فخر لكل من ينتسب الى هذا الصرح

دعائى لكم دوما بدوام التميز ,, وكم انكم ينبغى ان تفخروا بما تقومون به الى الآن

فالقسم يشع فكرا وعلما وثقافه وتجارب كلها حصريه لمنتدانا العزيز ,,

ولكن هنالك بعض النقاط الهامه التى وددت ان أطلعكم عليها ,,

واتمنى ان تساعدونى على تحقيقها فهى بمثابة عنق الزجاجه

للخروج من التميز الى الابداع الذى نامل به جميعا


***********************


اخوانى الاعزاء ان من الامور التى لازالت يشوبها الغموض هى

(( الردود فى القسم ))

لذا ارتايت أن أقوم بتسطير تلك النقاط الهامه حتى يكون الجميع على علم بها ,,

والنقاط تسرى على الكاتب كما تسرى على الزائر


******************


اولا النقاط الخاصه بكاتب الموضوع


1- الرد كما اتفقنا فى قوانين القسم لابد وان يتحلى بمتابعه جيده من كاتب الموضوع والا سيتعرض الموضوع للغلق اذا مرت اربعة ايام دونما رد منه على الاعضاء

وفى حالة اذا كان هنالك عذر يرجى مراسلتى برساله خاصه وذلك كى أغلق الموضوع حتى يزول هذا العذر ومن ثم اعاود فتح الموضوع لكاتبه لتسطير ردوده من جديد



2- من يأتى للرد على كاتب الموضوع ينبغى ان ينال فكره قدرا من العنايه والاهتمام ,, لذا اذا كان هنالك قانون فى القسم يمنع الردود التى محتواها يكون شكر او تقدير او خلافه ,, فهنا ايضا اوجه ندائى لكاتب الموضوع الا يقتصر رده على شكر من قام بالرد عليه ,, بل ينبغى ان يكافئه على اهتمامه بالرد وذلك بان تحترم فكره وتناقشه فيه او تتفق معه او يرد على استفساره ,, المهم يكون هنالك تداول للفكر وليس مجرد شكر



***********************


بالنسبه لمن يقوم بالرد على كاتب الموضوع



1- يرجى عدم الانخراط فى مجاملات شخصيه بعيده عن صلب الموضوع


2- يمكنك الاستفسار عن اى نقطه وردت بالموضوع ,,
ويجب على كاتب الموضوع ان يقدم لك شرحا من منظوره الخاص
ومن خلال موضوعه على استفسارك هذا


3- ردك يعبر عنك وعن فكرك ,, فاجعله مرأة لك نراك من خلالها


4- لا تجعل من القسم مكانا لجمع المشاركات
لان من سبق وقام بهذا خسر كل ما قام بتسطيره من ردود ,,
لذا يرجى ان نتقن جميعا فنون الرد على المواضيع


5- اطلاعك على الموضوع كاملا يؤهلك لتسطير رد مميز ,,
فاحرص على قراءته كى يأتى ردك فى اطار الموضوع ولا يخرج عنه


*********************

ماسبق صادر من أخ لاخوته وليس فرض وصايه ,,

كلنا هنا نعمل من اجل خلق تميز وابداع نجنى ثماره من تلك المواضيع والردود المميزه التى يتحفنا بها اعضاؤنا الكرام

وشاكر لكل من يساهم فى رقى القسم وتقدمه

خالص تقديرى للجميع

تحياااااااااااااااااااااااااتى"""""""""""

[miraa]

حقيقى نقاط هامه يا قلم
لنرتقى اكثر بمنتدانا وقسمنا العزيز
ان شاء الله نعمل بيها النصائح المفيده دى

شكرا قلم على التنبيه والنصائح
خالص احترامى

[SiLver Spectra]

ليه بتشدد العملية!!

خلي المجال لكل الأعضاء بالمشاركة
كل واحد بيشارك بمعرفته...

في بعض المواضيع مش بتقدر تتنافش فيها

على سبيل المثال...واحد كاتب خاطره...
هتقوله إيه ساعتها...

و دا إقتباس لردك

اقتباس المشاركة الأصلية كتبت بواسطة قلم بلا حبر ماشاء الله يا رامى واضح انك كتبتها وانت فى السعوديه تقريبا كلمات مؤثره ,, وبجد احساس هايل وحشتنا والله يا رامى ووحشنا كلامك اهلا بيك ومنور الدنيا كلها خالص تقديرى للمساتك الجميله فى القسم تحيااااااااااااااااااااااااتى"""""""""

و دا إقتباس لقانونك الجديد

اقتباس المشاركة الأصلية كتبت بواسطة قلم بلا حبر لذا اذا كان هنالك قانون فى القسم يمنع الردود التى محتواها يكون شكر او تقدير او خلافه ,, فهنا ايضا اوجه ندائى لكاتب الموضوع الا يقتصر رده على شكر من قام بالرد عليه

شوف يا سيد...
أنا عارف إن في ردود بتكون مستفزه...
و بتبان...واحد بيرد عشان يزود مشاركاته...أو بيرد عشان يجامل فقط

كل حاجه بتبان

لكن مش لازم أسيء الظن في الناس....

يعني دا فيه نوع من التشديد و أنا ضد التشدد ..

يعني مش يبقى كل همي إني أقفل المواضيع و أفتح فيها

لكن الردود المستفزه أو الردود إلي مالهاش قيمه و بتتكرر دي تستحق المسح

لأن التشديد بيعمل مشاكل....
ليه مش بترد على الموضوع...
طب يمكن عنده ظروف...أو مش فاضي و هيرد بعد فتره!!
و كلنا شوفنا المشكلة إلي حصلت بسبب سوء الظن...

فأنا رأي إن معالجة الموضوع ما تبقاش بتعصب
إلي عايز يشارك يشارك
و إنت بتتابع ردوده...
لو لاقيت أي حاجه خارجه بتمسحه

و ما تقلقش....
التفاعل في الموضوع لازم هيحصل طالما الموضوع مكتوب بقلم العضو


تحياتي

و شكراا يا سيد على الموضوع.......

تحياتي

[قلم بلا حبر]

اقتباس المشاركة الأصلية كتبت بواسطة miraa حقيقى نقاط هامه يا قلم لنرتقى اكثر بمنتدانا وقسمنا العزيز ان شاء الله نعمل بيها النصائح المفيده دى شكرا قلم على التنبيه والنصائح خالص احترامى

خالص تقديرى لمرورك يا ميرا

والحمد لله انك مش فهمتى الموضوع انه تشدد ,,

بالعكس لو عايزين نكون افضل يبئى لازم نكون منظمين اكتر

بشكرك مره تانيه على اهتمامك

تحيااااااااااااااااااااااااتى""""""""""

[قلم بلا حبر]

نورت الموضوع يا طارق وطبعا زى عادتك مينفعشى حاجه تمر من غير اعتراض

بس يمكن اعتراضك المرهد دى مفيد جدا وفتح نقطه فى غاية الاهميه

شوف يا سيدى

الرد اللى انت اقتبسته ده ,, ده ردى على خاطرة رامى

وموضوع القصائد والخواطر ,, لحد وقت قريب كان فى كلام بينى وبين ابو ادهم على اننا نمنع نزول الخواطر والقصائد ويكون مكانها الطبيعى فى اقسامها الادبيه

بس يمكن لان فى اخوان لينا بيكتبوا جميل جدا فى الخواطر لكن فى المواضيع النقاشيه مش بيكونوا متواجدين

لقيت اننا مكمن نخلى الخواطر والقصائد حاله خاصه جدا تسمح للناس المتميزه جدا انها تظهر كمان معانا

علشان كده لو ركزت شويه حتلاقى ان موضوع مثبت ومغلق خاص بالاشعار والخواطر

كل قصيده بتنزل بيتم عمل نسخه منها ووضعها فى الموضوع ده فى صورة مشاركه

وفى صدر الخاطره او القصيده بينكتب الرابط الاصلى لموضوعها للشخص اللى محتاج يرد

والحمد لله الفكره لحد دلؤتى ناجحه لدرجة ان فى الموضوع ده لحد دلؤتى 7 مشاركات بس ومع ذلك تخطى ال 300 مشاركه

ده اولا ,, بالنسبه لاقتباسك من ردى وردودى كلها على الخواطر والقصائد حتلاقيها كده لان مفيهاش اكتر

لانها فى الغالب بتدور حول نوعيه واحده من المواضيع ,,,

انما هل لو فى عضو كتب قصيده عن منشكله اجتماعيه مثلا او حاله بنمر بيها بعيد عن الحب مش حيكون فيها نقاش ,, بالعكس حيكون فيها طبعا

انت عارف انى مش بقيم الخواطر (( الخمس نجوم يعنى )) لان ده فى الغالب احساس وانا وجهة نظرى ان الخمس نجوم عمرهم ما حيكونوا تقدير للاحساس

اما حكاية التشدد ,,, فكل حاجه مع بدايتها صعبه زى ما بدأنا كان تطبيق القوانين فى ذاتها صعب ومع الاستمرار بدأت الامور تكون أسهل بكتير

وده النظام ,, انى احاول واحده واحده اوصل لمنظومه متكامله تخدم رقى وتميز القسم ,,

لان من الخطا كل الخطا انى كنت ادون قوانين كتيره فى بداية القسم ,, بالعكس انا مع التدريج والوسطيه وليا موضوع بتكلم فيه عن ده

يبئى التشدد ,, مفيش تشدد ولا حاجه ,, احنا بس اللى محتاجين نعرف حاجه ,, ان القسم هنا مش فارق معاه يكون فيه 1000 موضوع على قد ما يفرق معايا يكون عندى 60 موضوع ب 1000 رد وكله تحت سماء التميز وبعيد عن العبارات الكلاسيكيه ,,,,

اقتباس فأنا رأي إن معالجة اموضوع ما تبقاش بتعصب

اقتباس إلي عايز يشارك يشارك و إنت بتتابع ردوده... لو لاقيت أي حاجه خارجه بتمسحه

طيب ما هو رايك ده شئ بديهى وبشتغل بيه ولو انت ليك صلاحيه تشوف كم الردود المحذوفه كنت حتعرف ان من كتر ما بحذف ردود لقيت انى ممكن انبه على نقاط فى موضوع وبكده تكون الآمور واضحه للجميع سواء الزائر او الكاتب

اكيد بفرح جدا لما بيكون الموضوع متميز

بس صدقنى بتكون فرحتى اكبر لما بلاقى الرد مميز هو كمان

وممكن اديك مثال بس مش حقتبسه لان الرد ده من اختنا همس عليك فى موضوع (( حريقه فى منتدى بنات مصر ))

شوف ردها وانت حتعرف انا اقصد ايه بالنقاط اللى ذكرتها

لو قدرت اوصل بالقسم للحاله دى من التميز فى الردود يبئى كده ممكن نقول اننا عملنا حاجه مختلفه

انا يهمنى اكتر من الموضوع الردود اللى عليه

الموضوع ده فكر واحد

انما الردود فكر متنوع لعدد من الاعضاء ,, وهو ده المهم

تقديرى لاهتمامك وياريت اكون قدرت اوصل فكرتى ليك يا طارق

واهتمامك بالقسم وانشغالك باموره شئ بيسعدنى جدا

تحياااااااااااااااااااااااااااتى"""""""""

[SiLver Spectra]

شكراا على ردك العقلاني يا سيد

على فكرة أنا مش أسلوبي إني أنقد كلمة كلمة بإقتباس...
بس أنا بعمل زي أسلوبك
:liverpool-flag:
لأني عارف إن الإنسان الكلام إلي بيكتبه بيكون جزء من فكرته للموضوع
و ليس الفكر كله

على فكرة أنا عارف كل حاجه بتحصل في القسم
موضوع الخواطر إلي مثبته
و الردود إلي بتتحذف....حتى لو مش بشوف سلة الزباله إلي بتبقى جنب الموضوع
:liverpool-flag:

لكن أنا ببقى عارف....و عارف إنك عضو نشيط في القسم
دا أنا عارف قسمك أكتر من قسم البرامج إلي ما أعرفش فيه حاجه
ههههههههههههههههه

بس في نقطة مهمه جدا....
و هي صياغتك للقانون

بمعنى...القانون بيبقى في دماغك و فاهمه و كويس و عارف إيه إلي يتمسح و إيه إلي ما بيتمسحش

لكن لما بتيجي تصوغه بتلاقي كلماتك لا تعبر عن إلي في ذهنك!!

و إلي هيقرأها هيفهم القوانين بشكل مختلف.....

على سبيل المثال
في قسم البرامج....
في رابط بتيجي تدوس عليه عشان تحمل البرنامج
بيجبلك صفحة و بعدين بتستنى 20 ثانيه و بعدين بيجبلك صفحة موقع الرفع إلي هتحمل منه....
المفروض اللينك يبقى على طول لموقع الرفع
لكن أغلب الناس بتحط اللينك بتاع الإنتظار الأول
ليه....عشان يكسب من الزيارات إلي بتجيله
المواقع دي إسمها link protection
و هي لا بتحمي الرابط و لا حاجه
لكن الغرض منها هو الربح

لكن أنا ما بحذفش المواضيع دي

و مش بعتبرها مخالفة
ليه؟
المفروض أي رابط بيبقى مخالف...و دا القانون

لكن أنا فاهم القانون كويس
و عارف إن الرابط الممنوع هو الرابط الدعائي....أو رابط لمنتدى تاني يطلب منك التسجيل..أو رابط لمنتدى تاني و خلاص

فممكن أحط قانون و أقول ممنوع وضع أي رابط غير لموقع الرفع!!

لكن أنا هستفيد إيه من القانون دا....
مواقع حماية الروابط مش هتضرني بحاجه...
و لا هتضر المنتدى...بمعنى إن الناس هتروح و تسجل في منتدى تاني!!

طالما أنا هفتح الصفحة و بعد ثواني هوصل لموقع الرفع و هحمل البرنامج

يبقى المهم إني أوصل للمنفعه

لكن أنا لو أي موضوع مخالف القانون بحذفه على طول و بنقله للسلة

و من غير ما أحط قانون يخوف الناس

و معلش طولت عليك

لكن أنا كنت مستنيك ترد عليه
و أنا فاهم قصدك ...لو إنت مفكرني إني مش فاهم

لكن الفكره في صياغة القانون و الناس هتشوف إزاي
و هتفهمه إزاي

فجبتلك إقتباس لردك بيخالف القانون إلي ذكرته

أنا بس مش عايزك تخاف و تقلق إن الردود على المواضيع ما يبقاش ليها قيمة

لأن كل الناس إلي بتتابع و بتشارك في المواضيع...بتكون صاحبة رأي
و صاحبة مواضيع

فلو واحده دخلت من بره و كتبت شكر (في حدود) أنا مش شايف فيها مشكلة

لأن المشكلة زي ما ذكرتها في ردي الأول....إن ردودها تبقى صورة مثلا و فيها شكر...
و ساعات صورة و فيها كلام حب!!!!
لا علاقة لها بالموضوع
و تتكرر في كل المواضيع إلي في القسم

و أنا بس مش عايز يكون في تفريق....
يعني ..أنا و إنت و المعارف تشكر زي ما هي عايزه

لكن غيري ما يشكرش

دا إلي أفهمه من القانون و من ردك على خاطره مثلا!!

أنا مش بعارض الموضوع
لكن بعارض صياغة القانون

يعني لو تقدر توضح فيه أكتر....
لكن أنا متهيقلي مش هتقدر توضح ....لأن دي حاجه بتيجي بالإحساس

تحياتي

[قلم بلا حبر]

اذيك يا طارق ,,, هو انا مش ورايا حاجه النهارده الا انت

على العموم يا سيدى ركز بئى معايا ,, وعلى فكره انا مبسوط من اللى بيحصل ده ,و علشان حتى اللى يطلع على الموضوع لو فى نقطه مش فاهمها ممكن يسألنى او يلاقيها فى ردنا على بعض

بس يعنى مش حفضل ارد عليك لبكره الصبح هههههههههه

شوف يا سيدى

فكرة القسم من بدايتها مش قايمه على عدد مشاركات ,, ولا مجاملات ,, والدليل على ده ان فى مشرفين افاضل واتحذفت ليهم ردود ومواضيع

يعنى اللى مكتوب هنا بيحصل فعلا وانا بطبقه

بس فى فرق بين ان كل ما اعمل حاجه ابعت رساله خاصه اشرح فيها ليه ,, وبين انى انبه على نفس النقاط اللى انا بستخدمها فى اشرافى

حقيقه وواقع فى القسم ان ردود الشكر فى الغالب بتتحذف ,, الا ما رحم ربى من خطأ هنا او نسيان هناك ,, فليس منا الكامل

يبئى كل اللى زكرته من نقاط القسم فعلا بيتعامل بيها بس كل ما واحد يتحذف له حاجه بناءا على اللى فوق من نقاط ببعت ليه رساله خاصه مستقله واشرح له فيها واقتبس له قانون من قانون القسم

طيب الحل ايه ؟؟

انى اروج جاى وكاتب موضوع ,,, علشان يكون النظام واضح للجميع

وحقولك على حاجه خاصه بئى بدراستى اللى هى القانون اصلا

فى حاجه اسمها قانون ده اللى بيعتمده مجلس الشعب ,, صح ,,,

مع القوانين بيكون فى القوانين المفسره له ,, يعنى كيفية تنفيذه

لان مينفعشى كل كبيره وصغيره تكون فى قانون ,, فعلشان بيكون فى حاجه اسمها قانون ده بيعتمده مجلس الشعب ,, والبنود التفسيريه والتنفيذيه بتتولاها الحكومه بعد كده

هو ده اللى حاصل دلؤتى

فى قوانين للقسم ,,, والقاعده القانونيه زى ما انت عارف لازم تكون عامه ومجرده ومختصره بقدر الامكان

والموضوع اللى احنا بنرد فيه دلؤتى ده عباره عن تفسير لقانونين من قوانين القسم

يعنى مش بجيب جديد والله هههههههههههه

اللى مكتوب ده اصلا بيتنفذ من يوم ما المنتدى ما اتعمل ,, بس انا عايز اخلى المسؤوليه عامه يعنى على الجميع

بدل ما اقعد كل شويه أحذف فى ردود ,, لآ الناس تتعاون ونشوف ايه مصلحة القسم ونعمله

والمسأله مش حكاية اننا بنفرض على بعض ,, بالعكس

لو انا بفرض مثلا مكنتش بتناقش معاك دلؤتى

انما المساله لو فى وقت انا قدرت اوفره ده حيفرق معايا فى حاجات تانيه

انت مش ملاحظ ان مشاركاتى بره القسم قليله جدا

وده سببه انى لو غيبت يوم برجع الاقى المشاركات اللى محتاجه للحذف كتيره

فحبيت ان نخلق نظام مشاركه

ما انا ممكن كنت افضل ماشى بنفس الطريقه اللى بتعامل بيها ولما بحذف بعت رساله خاصه ,, انما ليه ميكونشى كل حاجه مميزه فى القسم حتى الاداره

يعنى الاشراف يكون موزع بحيث ان كل عضو يكون مشرف نفسه ,, ويحافظ على مشاركاته انها تكون داخل اطار قوانين القسم

تجربه وبتمنى انها تنجح

ومشكور على النقاش >>>>>>حسستنى انى الحكومه وبعرض مشروع القانون على مجلس الشعب وانت المعارضه ههههههههههههه

خالص تقديرى

تحيااااااااااااااااااااااااااااااتى"""""""""""

[SiLver Spectra]

ههههههههههههههههههه

بس أنا حابب أنبهك لنقطه مهمه

إن الناس إلي بتخالف في الأصل مش بتبص على القوانين....

يعني في الغالب القانون دا رواد القسم هما إلي هيشوفوه...

عموما براحتك يا سيد
حط القوانين إلي تريحك

أنا بكرر تاني إني مش بعترض على القانون

إنت عارف أي قانون بيتفرض بيكون الغرض منه إيجابي
حتى لو قانون طوارئ
لكن إنت بتعارض القانون عشان التجاوزات إلي ممكن تحصل منه
و تداعيات القانون

بس الفكرة إني حابب نكون كلنا جوا الخط الأحمر إلي هو القانون

مش يبقى في ناس جوا و ناس بره

حتى إلي راسم الدايره يبقى جواها

مش عارف إيه إلي دخل الهندسه في الموضوع
ههههههههههههههههه


و أنا إحترمتك بصراحه لما حذفت الموضوع بتاع الجزمه

لأنه فعلا مخالف

مش عشان أنا خايف أو عشان أنا بعترض على فكرة الموضوع

لكن الموضوع هيفتح مجال لمواضيع تانيه...

بالذات لما الناس تشوف قلم بلا حبر مشرف القسم عامل موضوع سياسي

خالص إحترامي

[قلم بلا حبر]

تمام يا طروق

متخافشى ,, زى ما بيقولوا ,, كل شئ تحت السيطره

واهو كل الآمور بئت واضحه ,, والطريقه اللى انا بتعامل بيها فى الاشراف ,, كتبتها ,, علشان الردود اللى بتتحذف يبئى كاتبها عارف ليه ومع ذلك ححاول برده انى ابعت رسايل بالذات لو كان الحذف للمواضيع

شكرا يا طارق على وجودك فى الموضوع ,, وزى ما انت عارف كل حاجه بتتعمل بتكون لمصلحة القسم فى الآول وفى الآخر

وانا مبسوط قوى من اهتمامك بالقسم ,,

خالص تقديرى

تحيااااااااااااااااااااااااااااتى""""""""""