إخلاء سبيل زكريا عزمى بضمان 200 ألف جنيه

[اسكندريلا]

إخلاء سبيل زكريا عزمى بضمان 200 ألف جنيه

الثلاثاء، 17 مايو 2011 - 22:13


زكريا عزمى
كتب محمد عبد الرازق

أخلت غرفة المشورة بمحكمة جنح مستأنف مدينة نصر، سبيل زكريا عزمى رئيس ديوان رئيس الجمهورية السابق بضمان مالى 200 ألف جنيه، وذلك على ذمة التحقيقات التى تجرى معه بجهاز الكسب غير المشروع، وذلك عقب اتهامه بتضخم ثروته، وكسبه غير المشروع.

حضر زكريا عزمى فى الثامنة والنصف مساء اليوم إلى مقر المحكمة بجنايات شمال القاهرة بالعباسية، وتم إدخاله وسط حراسة مشددة إلى داخل مبنى المحكمة، بينما تم منع جميع الصحفيين والمصورين من الدخول بحجة قرار المجلس الأعلى للقضاء، ودخل بعده محاميه فريد الديب، حيث استمرت الجلسة قرابة الساعة لتصدر المحكمة بعدها قراراها بإخلاء سبيل بضمان مالى قدره 200 ألف جنيه.

كان جهاز الكسب غير المشروع قد سبق وأصدر قراراً بحبس زكريا عزمى احتياطياً وتجديد حبسه بصورة متوالية حتى بلغت فترة حبسه الاحتياطى الحد الأقصى المقرر قانوناً بمعرفة جهاز الكسب غير المشروع والمحددة بـ45 يوماً، فوجب عرضه بعدها على غرفة المشورة بمحكمة جنح المستأنف والتى قررت إخلاء سبيله.

[SiLver Spectra]

أنا من راي الناس تهدا
لأننا بلد القانون و لازم نحترم النيابة و القضاء
لأن سامع ان هيبقى في مليونية الجمعة الي جايه و ممكن الوضع يشعلل تاني

البلد عايزه الي يدور عجلة اقتصادها
المحاكمات مش هتفيدنا في حاجه دلوقتي بقدر ما هيفيدنا دوران عجلة اقتصاد البلد
في تحذيرات و تنبؤات مش حلوة بتتسمع
ربنا يسترها

[Lαzєzα]

خبر بجد مستفززززز

ربنا يستر

تسلم ايدك ع المتابعه

[اسكندريلا]

ما المليونيه يا طارق رد فعل طبيعى ومتوقع
اللى مكنش متوقع هو الافراج فى الوقت ده بالذات

يعنى النيابه لو شايفه ان خروجه ضرورى كانت اجلته امتصاص لغضب الناس

فى وقت خلاص اصبح كل شىء بالمظاهرات

انا بطالب اى حد ناوى ينزل التحرير ان يهداء ويتروى

لاننا بننقاد لحاجة كبيرة ومرتبه

وياريت نطلع احنا اعقل ومانجريش وراء اى استفذاذ

والافراج ده مش براءة

ربنا يسترها عليكى يا مصر

[خارج عن القانون]

خبر حلو واستفدت منه كثيرا

اشكرك عليه وفى انتظارك الجديد منك

[M@HMOUD]

ربنا يسترها على مصر
يسلموا على الخبر

[ڪــــبرياء الروح]

شكرا لك
يعطيك العافيه