شعر عن الثورة

[زهرة الحياة 2]

	فجر جديد صحيت على فجر الحرية بلدنا بقت ليكى ولية ولو يوم اتحكم فينا جبان عرفنا الشارع والميدان ولا هنرضى بديل للحرية بلدنا بقت ليكى ولية عملوها شباب خمسة وعشرين احفاد ناصر وصلاح الدين ثوار يوليو وقائد حطين وخلقوا من ليل الظلم نهار بيقول للعالم مصر عمار والمصرى عمره ما بيسلم يمكن يصبر وبيتالم وساعة ما يقوم بيهز الكون والعالم منه بتعلم ازاى الثورة على الاشرار وعلى شلة حرامية كبار خلولنا حياتنا تبقى دمار ونهبوا كتير اوى من خيراتنا وخلونا اغراب فى بلدنا وحكمونا بحديد والنار وكنا لازم ناخد بطار من ظالم طاغى جبار مرعاش فينا ضمير ولا ذمة وخلى فسادنا وصل للقمة وبعد ما كنا احسن امة رخصنا ف كل الامصار هذا الطاغى ابو الاشرار بس شبابنا نبض الامة قال بشجاعة وعزم وهمة كلمة واحدة من التحرير مفيش حل غير التغيير غير التغيير غير التغيير وشوفنا شباب مارد جبار واعى وصابر وباصرار وفاتح صدره للاخطار ومصمم وبشكل عنيد ما هيرجع ولا يوم هيحيد ولو مات منه الف شهيد غير ما نظام الظلم يبيد وترجع مصر لعهد جديد ونبنيها والايد فى الايد وتبقى الثورة ف كل مكان ثورة عدل وخير وايمان ثورة كبيرة للتصحيح فيها شفافية وفكر صريح فكر بيخدم كل الناس بضمير صاحى وباخلاص فكر بيرتقى بالانسان ونهضة كبيرة ف كل مكان ولو فيه يوم مصرى هيتهان فى لحظة هنرجع للميدان فى لحظة هنرجع للميدان

[لوسينا]

اللللللللللللللللللللللللللللللللللللله
بجد كلمات رائعة جدا
تسلم ايدك والله

[۩۩ سيد الشرقاوي ۩۩]

الله علي تلك الكلمات الجميله

تحياتي لكي اختي العزيزه

تلك الكلمات الجميله وقلمك

المبدع لكي مني كل تقدير

[ساحر الأحزان]

كلمات جميلة زهرة

واختيار راقى

فى التعبير

تحياتى علية

[زهرة الحياة 2]

شرفتونا بمروركم

[رقة BaNOTa]

كلمات جميله بجد تسلم ايديك
دمتم بوود

[نحو امة افضل]

ماشاء الله كلمات رائعة تخرج من اللى بيحبمصر بجد

[محمد حمود]

[size=6]والله كلام جميل وتسلم يد من كتبها وراس من فكر بها
[/size]

[totawebas]

روووووووووووووعه

[سما الروح]